سيراتو 2015 مشكلة في السحب

[wedox]

مشكلة غريبة حصلتلي فجاه....
صوت الموتور خشن جدا. السحب ضعيف جدا. ولو مشغل التكيف العربية تقريبا مش بتمشي.. لازم غدوس بنزين جامد بزيادة عشان تمشي طبيعي بس معدل استهلاك البنزين بيوصل البار للاخر 30 و بعد كده يبتدي ينزل

حد يعرف يفيدني..؟

[tareksakr]

لازم تروح التوكيل العربيه لسه زيرو

[zizo gamal]

روح التوكيل يا باشا و انت مغمض ... و خير ان شاء الله

[shake]

متا بع

[HishamShafai]

هل المشكلة حدثت مثلا بعد تفويلة بنزين , ياريت لما تروح الصيانة تبلغنا الأسباب.

[wedox]

هاروح التوكيل ان شاءالله يوم الثلاثاء القادم و ربنا يستر

هبلغكم باللي حصل

شكرا لاهتمامكم بس فعلا مشكلة سخيفة جدا

[migoph]

في الغالب الاغلب دي مشكله بنزين مغشوش ( سواء فيه رواسب اثرت علي الفلتر و الانجكشن او فيه ميه )

[Abo_Mazen]

لما المشكلة بإذن الله تتحل ياريت تبقى تقولنا عملت إيه

[eng m.gamal]

انا عندى نفس الحالة بالضبط

السﻻم عليكم و رحمة الله و بركاتة
دى اول مرة اشترك فى المنتدى
انا مهندس محمد جمال من الهرم
معايا سيراتو 2015 خليجى
من حوالى اسبوع تقريبا ظهر عندى نفس المشكلة بالضبط
ياريت نتواصل مع بعض علشان نقدر نساعد بعض فى حلها انا رايح التوكيل فرع السبع يوم الاربعاء و هبلغكم باللى حصل معايا ان شاء الله
ياريت نتواصل سوا و رقم موبيلى 01153311156

[Omar Sarray]

بص انت فى اعدادات للدركسيون عشان تظبط نوعيه القياده رياضيه او مريحه او عاديه انت شوف يمكن انت لاعب فى الدركسيون او يمكن الزيت مش كويس مثلا او يمكن انت عامل عليها كروس كنترول الى هوا مضظبط العربيه على سرعه معينه شعان كده لمه تدوس لازم تدوس كتير ولو مش من دول كلهم الى فوق يبقى روح التوكيل وربنا يسهلك وتتحل ويبقى طمنه اول باول

[eng m.gamal]

ازاى بظبط الكروس كنترول مع العام انى اللى اعرفع عن الكروس هو الزرار اللى فى المالتى بتاع الطارة اللى بيثبت السرعة بس اول ما بدوس فرامل خﻻص بيلغى تثيت السرعة

[wedox]

روحت النهارده التوكيل فرع روكسي حسب الميعاد
وللأسف الشديد ولا عملوا حاجة!
سبت العربية ساعتين و بعدين قالولي احنا اسفين مش عارفين فيها ايه بالظبط
و لازم تروح الفرع الرئيسي في ابو رواش...بجد فرع روكسي ده مالوش لازمه
اخره يغير زيت و فلتر

حجزت ميعاد تاني في ابو رواش ان شاء الله يوم الخميس اللي بعد اللي جي

هتابعكوا ان شاء الله باللي حصل و ربنا يستر.

[mr_green]

فعلا روكسى ده آخره غيار زيت - ده حتى سلمونى العربية من غير غسيل عك عك

[samihanwar]

اول تلات حاجات تعملها فى الحاله دى :::
1- شيك على زيت المكنه
2-شيك على زيت الفتيس
3-شيك على ميه العربيه
...وتقبل مرورى

[eng m.gamal]

انا روحت انبارح كيا سيرفيس اللى فى المعادى و كشفة على العربية بالكمبيوتر و قالولى العيب عيب بنزين وحش سد الرشاشات و وسخ البوابة و كمان على معدل استهﻻك البنزين
و عمله تنظيف للرشاشات و البوابة و عمله ريست للكمببوتر بتاع العربية علشان يضبط معدل الاستهﻻك
و الحمد لله العربية رجعت لسحبها الطبيعى و معدل الاستﻻك الطبيعى
و ان شاء الله تروح التوكيل و يطلع نفس المشكلة و تبقى بسيطة
و نصحنى اغير البنزينة اللى بمول منها و انى فى التفويلة االجاية احط 5لتر 95على تفويلة 92علشان تظبط البنزين البايظ اللى فى التانك
و الحمد لله رب العالمين بعد تجربة العربيية من انبارح الى انهارده الحمد لله طبيعية بعد ما كانت بطة و بدوس على الدواسة للاخر علسان العربية تتحرك