عايز اشترى dvd للريو ٢٠١٣

[MoH.SaLaDiN]

السلام عليكم ورحمة الله وبركاته
الحكاية انى نفسى اشترى dvd لعربيتى الريو والصراحة انا مش عارف ايه احسن نوع والاسعار اخبارها ايه وهل تركيبها لازم يكون فى التوكيل عشان الضمان ولا عادى ممكن بره انا اهم حاجة عايز حاجة كويسة يشتغل عليها طارة الدريكسيون ويكون فيها gps واقدر اشغل عليها اى audio/video بجودة عالية ولو كان فيها wifi/3G تبقى تمام اوى وطبعا هما كلهم تاتش يا ترى حد اشترى حاجة بالمواصفات دى يقدر يساعدنى

[engahmadsamy]

انا اشتريت شاشة أندرويد للسيراتو 2015 بالفريم بتفك الكاسيت الأصلي وتركب مكانها . فيها كل اللي بتقول عليه بس جبتها من كوريا اونلاين بـ 3200 جنيه وجبتها على السعودية وحد وهو جاي جابها لي عشان الجمارك والقرف دا . وشغالة معايا زي الفل

دي الشاشة اللي اشتريتها
Better Android 4 2 2 OS 8" Cerato K3 Forte 2013 Vehicle GPS DVR WiFi 3G Gifts | eBay

[MoH.SaLaDiN]

طب لو عايز اشتريها اونلاين حينفع ولا ايه وياترى حدفع جمارك كتير ولا لا

[Dr. Assem]

واضح ان شاشات الديفيدي و اجهزة الجيبي اس مازالت حاجات فضائية في بلدنا. مش منتشرة و غالية و توكيلات قليلة اللي بتنزلنا في العربيات. ده غير ان الخرايط مش متظبطة قوي

[engahmadsamy]

هاينفع تشتريها اونلاين يا باشا. بس موضوع الجمارك دا ما اقدرش اقولك هاتدفع اد ايه. كل اللي اعرفه انك هاتدفع كتير من سابق تجربة مع الشراء اونلاين لكن لمقتنيات تانية غير مجال العربيات. وكنت بدفع على جراب الموبايل اد تمنه تقريبا. فا بطلت اشتري اونلاين.

[engahmadsamy]

واضح ان شاشات الديفيدي و اجهزة الجيبي اس مازالت حاجات فضائية في بلدنا. مش منتشرة و غالية و توكيلات قليلة اللي بتنزلنا في العربيات. ده غير ان الخرايط مش متظبطة قوي

معاك حق. لما جيت اركبها الراجل اللي كان بيركبها كان محسسني ان جايبله مخلوق غريب وفضل يألف في الاسلاك شوية مع ان الموضوع بسيط .
بالنسبة للخرائط فهي حاجة لا معنى لها في مصر الا على اجهزة الاندرويد تقريبا سواء موبايل او شاشة اندرويد . في تطبيق اسمه here على الاندرويد يعتبر افضل برنامج يحتوي على خرائط لمصر . انا شغال بيه حاليا

[Dr. Assem]

خرائط جوجل لا يعلى عليها و لكن عيبها احتياجها لاتصال بانترنت و ذلك ميزة برامج here و sygic. و الزملاء عاملين الواجب و زيادة في قسم الملاحة البرية

[MoH.SaLaDiN]

يعنى من الاخر موضوع الخرايط ده افتكاسة ولا ايه طب بالنسبة لموضوع الشراء الاونلاين اعتقد ممكن ادبس في الجمارك وفى الحالة دى ممكن يطلع تمنه خزعبلى طب خلينا نشوف حد هنا فى مصر احسن

[engahmadsamy]

يعنى من الاخر موضوع الخرايط ده افتكاسة ولا ايه طب بالنسبة لموضوع الشراء الاونلاين اعتقد ممكن ادبس في الجمارك وفى الحالة دى ممكن يطلع تمنه خزعبلى طب خلينا نشوف حد هنا فى مصر احسن

طول ما انت في نظام الأندرويد . ممكن تضمن خرائط ممتازة

غير كدا الموضوع هايبقى صعب وتقريبا غير مجدي

[MoH.SaLaDiN]

المشكلة ان ال dvd اللى شفته مش شغال بنظام الاندرويد ومش عارف ممكن اللاقيه فين

[kimoo12]

بص انا جبت واحد من علي اكسبرسس اندرويد و فعلا الموضوع مختلف تماما عن اي حاجة تانية
غير اندويد ماتجبش حاجة ملهوش لازمة بس للاسف اتسرعت و جبته على مصر و اتكعبلت في الجمارك عملت تصريح اتصلات بالعافية ماكنوش عايزين يدخلوه عشان في gps !!و كمان دفعوني ٥٠٪ جمارك و ضرايب ! !!! بس لو كنت شحنه على السعوذية كان حيكون كله ده مش موحود

[esamahmed]

متابع