سخونة السيارة مع تشغيل التكيف

[mezo_1978]

السلام عليكم
انا معايا سيراتو 2010 اتوماتيك
من فترة عملت غسيل لدورة الريداتير فى البنزينة وغيرت المياة وحطيت مياة خضراء جديدة
وبعدها ابتديت اسمع صوت كركرة من عند التابلوة فى بداية تدوير العربية الصبح وبعد كده الصوت يروح
دولتى من كام يوم حصل موقف غريب ان التكيف لاقيتة مش شغال وبيطلع هواء سخن قمت بصيت على درجة الحرارة لاقيتها مرتفعة على الاخر . قمت وقف لاقيت القربة فاضية . قمت شارى مية خضراء وحطيت مية والعربية دايرة .وبعد كدة غسلت السربنتينة بالمية قلت ممكن تكون محتاجة تتنظف
لكن المشكلة ما زالت قائمة كل ما اجى اشغل التكيف يكون فى الاول زى الفل وشغال كويس امشى شوية الاقى القربة تفضى المية الخضراء ودرجة حرارة العربية ترتفع
مش عارف اعمل ايه ؟؟
فى ناس قالت لى ان ممكن يكون فى دورة التبريد هواء
وفى ناس قالت ممكن تكون طلمبة المية باظت
برجاء الافادة والمشورة من اصحاب الخبرة

[HishamShafai]

طالما المية بتنقص , أكيد يوجد تسريب و أعتقد مكان الكركرة إللى بتسمعها عند الطابلوه لأن مياه التبريد بتوصل هناك علشان لو هتشغله سخن.

[احمد المصرى]

انت تروح لاقرب ميكانيكى او مركز صيانه وبلاش تمشى بالعربيه كدا علشان متجبش وش سلندر

اكيد فى تسريب فى مكان ما لازم الكشف على اله علشان تحل المشكله فى اقرب فرصه انهاردا قبل بكرا

[swimmer25]

لازم تكشف عليها ضروري
المياه بتنقص على طول وبمعدل قد إيه ولا نقصت مرة واحدة بس؟
المياه القديمة كانت مياه عادية ولا خضرا و كانت نازلة شكلها إيه؟
حطيت مياه جديدة نوعها إيه؟
المراوح بتشتغل بسرعة عالية ولا لأ؟
العربية عاملة كام كم؟

[mezo_1978]

شكرا على الردود
العربية موديل 2010 وعاملة 107 الف
والمية اليى بحطها على طول مية خضراء
والعربية بتسخن بس مع تشغيل التكيف وبتطرد المية من القربة بعد تبطيل العربية .

[swimmer25]

يبقى إما المراوح مش شغالة على السرعة العالية والكمبريسور شغال
أو طرمبة المياه ضعفت ومش بتقلب المياه كويس
أو ثرموستات مش بيشغل المراوح في التوقيت المظبوط
وكمان بص على غطا قربة المياه

[mezo_1978]

يبقى إما المراوح مش شغالة على السرعة العالية والكمبريسور شغال
أو طرمبة المياه ضعفت ومش بتقلب المياه كويس
أو ثرموستات مش بيشغل المراوح في التوقيت المظبوط
وكمان بص على غطا قربة المياه

طب اعرف ازاى ان طرمبة المية ضعفت او مش بتقلب كويس ؟؟

[freeman12581]

شوف ها تلاقى المشترك اللى واصل فيه خراطيم الداخل والخارج من عند الموتور فيها تسريب وغالبا هايكون فيه كوعه مكسورة وعايزه تتلحم وطبعا مش هاتعرف تبص وتعرف الا لما العربيه تدور وتكون بارده لأن السخونه بتاعة الموتور بتخلى الميه تتبخر يا اما يكون اللى عمل الغسيل ما ركبش الخراطيم كويس

[freeman12581]

اوعى تروح لحد يشتغلك ما فيش حاجه بايظه ولا حاجه انا لسه كنت راكب فيرنا ونفس اللى بتقوله ده حصل معايا بالضبط ولاقيت صوت المراوح زى الهليكوبتر لأن المياه لما بتنقص الموتور بيسخن زياده عن اللزوم فالمراوح بتروح شغاله بصوت عالى جدا الكوعه اللى بقولك عليها مستخبيه تحت عمة الهوا فا ممكن ماتشوفش الا بالعافيه