Kia cee'd 2016

[Mostafa SabryX]

حد عنده معلومات عنها؟؟

[4fun14]

متابع..
شفتها ف معرض امبارح واتوهمت

[جيتزاوي55]

هو اللي انا عرفتها عنها أنها زي السيراتو بس خامات افضل , شكل رياضي احسن لكن غالبا الميكانيكا هيا هيا

[4fun14]

انا سمعت انها عفشه مالتى لينك "اثبت ع السرعات العاليه"
وواطيه ع الأرض للأسف وبطن العربيه مش مصفح,هتباه مشكله في شوارع مصر
وفى منها ستيشن وهاتشباك
مش موجوده ف المعارض بسهولة

[hegazi_arc]

ممكن اعرف موجوده في معارض ايه؟.. بكلم عادل جوده اصلا مايسمعوش عنها حاجه!!!!

[SoFiMaN]

معارض الطارق هتلاقي دايما فيها معظم موديلاتها عارضينها

[Yehya Badr]

أنا شوفتها في معرض كيا بمارينا هي السيراتو بس علي شكل هاتشباك أو ستتشن. صناعة سلوفاكي بالكامل . العربية تفقيلها حلو جدا و فخمة لكن زي ما قال أحد الأعضاء واطية و مش مصفحة. موتوها 130 حصان 1600 سي سي

[islam_audi]

ممكن اعرف موجوده في معارض ايه؟.. بكلم عادل جوده اصلا مايسمعوش عنها حاجه!!!!

شفتها في الطارق فرع مول العرب

[4fun14]

شفتها ف معرض المصريه اللي ف كلية البنات
واسمع انها موحوده ف معرض محمد ذكي برضه اللي ف طريق العين السخنه باين

[Eslam.Elrefaey]

العربية حلو الكاملة كل حاجة ب 188 الف او تزيد حاجة بسيطة اوى واتوقعلها انتشار جامد جدا بس ميفلوش سعرها

[Omar Sarray]

عيبها مش مصفحه من تحت بس خامات حلوا كويسه واعتقد انها تقفيل مش كورى معرفش ليه

[hegazi_arc]

انا شفتها في الطارق..العربيه حلوه بجد و فيها اوبشنس حلوه للأول فئه بس بقارنها برينو فلوينس 2 فئه..الفرق بينهم مش كبير..الرينو اغلي سنه..ممكن تفيدوني