لسه شاري سيراتو 2011 ومحتاج مساعده من أهل الخيرة

[midosara]

إخوان في الله
أنا اشتريت سيراتو 2011 اوتوماتيك من 3 ايام وواحد قالي إن أعمل تحديث للسوفتوير بتاعها علشان السحب واستهلاك البنزين فهل حد عنده فكره دا بيتعمل فين وبكام؟
والحاجة التانية لاحظتها لما أبقي واقف سواء علي ال p أو ال D أو ال N وبأحرك الدركسيون بالاحظ إن ال RPM بيرتفع شويه وينزل ولما أحرك الدركسين تاني بيرتفع وينزل.. هوه بيرفع حاجة صغيره أوي بس كنت عاوز أعرف هل دا طبيعي ولا لأه....
حاجة أخيره معلس سامحوني... لما أجيب D وأطلع بالراحه بأحس إن فيه زي نتشه لما العربيه تنقل من الأول للتاني إنما لو دوست علي البنزين من الثبات بقوه شويه بأحس إن النتشه دي أأقل هل دا طبيعي ولا أنا بأهيس؟
معلش أسف بس زي ما قولتلكم لسه شاريها وبصراحه حاسس إني ولا فاهم حاجة في الكهربا ولا الميكانيكا بتاعتها
رينا يكرمكم وشكرا مقدما لكل من هايرد عليا

[midosara]

فين محترفين السيراتو؟
أبعها ولا إيه؟؟؟؟ :)

[midosara]

86 مشاركه وماففيش ولا رد؟
ايه يارجاله هوه انا مشكلتي صعبه اوي كده وخايفين تقولولي اني لبست العربيه ولا ايه؟

[عبدالله برعى]

ياريت الثمن وفئة العربية لتعم الفائدة
،،،تحريك الطارة عادي لا طرمبة البور زيت وليس كهرباء ودا شائع في الكيا
،،،،الافضل الطلوع بالهدؤ
وكل ماوقلته طبيعي ولا توجد مشاكل في سيارتك
ولكن لو بتحس بتكة او صوت وقت الطلوع يبقي بردو كوبلن وممكن ولا تقلق كل الكبالن للكيا فيها تكة ودي طبيعية

[عبدالله برعى]

استهلاك البنزين لتحسينة تتبع الاتي
..بوجيهات
... فلتر بنزين
....زيوت مطابقة للمواصفات
...ضغط الكاوتش
منظف رشاشات
منظف دورة وقود
...تنظيف البوابة والمانيفولد
اخير.. سوفت وير
ود لوكان الاستهلاك اقل من 80 كم لل 10 لتر داخلي
او اقل من 100 كم خارج

[midosara]

الفئه اللي هيا كامله عدا فتحة سقف وبصمه
يوجد فيها جنط 16 وليدات في الفوانيس
كامله فابريكا بالكامل
ماشيه 70000 كيلو
السعر 110.000