مساعدة في قرار شراء بيكانتو

[tatasamy]

السادة الكرام،

عاوز أخذ رأيكوا في قرار شراء سيارة بيكانتو زيرو لمعرفة...قدامه بيكانتو خليجي 2015 ووكيل 2016 الشكل الخارجي واحد دون أي اختلاف

ايه رأيكوا؟
خليجي (كاسيت بلت ان - طارة مالتي - مرايات ضم - مرايات كهرباء - اشارات مرايات - بدون ضمان)
خليجي (كاسيت معفن - طارة عادية - فتحة سقف - مرايات ضم - مرايات كهرباء - اشارات مرايات - بدون ضمان) 100.000 جنية

وكيل (كاسيت معفن - طارة عادية - مرايات كهرباء - ضمان 5 سنين) 105.000 جنية

تفتكروا يشتري انهي واحدة من الثلاثة؟؟ خصوصا كالعادة عاوز يدفع أقل حاجة!

[medo_sirion]

طبعا ماتقارب الاسعار هاخد الوكيل بس السوال عل الوكيل معندوش فتحه سقف
والكاست ده مصلحه ليك علشان تغيره بالكاست الشاشه بتعها وممكن لو عاوز تندرويد في ليها
الطاره اجزاء المالتي فاككش بتتباع علي امازون بتطلبها وبتيجي وبتتركب
من الاخر خد الوكيل علشان علي الاقل تستفاد بالضمان بفرق 5 الاف جنيه اما لو الفرق اكتر من كده كنت هقولك الخليجي

[Salamonti]

لو مكانه هاجيب الخليكي بفتحة السقف واركب انا كاسيت بايونيير محترم بريموت في الطارة :)

وكدة كدة محدش بيستفاد حاجة من الضمان إلا بطلوع الروح وكل حاجة بيخلعوا منها ويكبروا دماغهم..

اسأل كدة كام واحد قدر يغير حاجة على حساب الضمان ؟؟؟
والحاجة اللي اتغيرت دي سعرها كام مقابل سعر خدمة الضمان في العربية ؟؟

ده غير ان الخمس سنين دول مش ضمان شامل..
يقولك القطع الفلانية ضمانها 10 آلاف كيلو والقطع العلانية ضمانها عشرين ألف كيلو وهكذا
وفي الآخر بتلاقي معظم أجزاء العربية خرجت من الضمان في سنة بالكتير
واللي باقي في الضمان الحجات اللي لايمكن تبوظ أصلا اللي هما الموتور والفتيس
ولو باظوا منك يقولك سوء استخدام اصل الزيت كان ناقص وانت مشيت عليه!!

[axi0m]

انا رأى تجيب اللى بفتحه سقف احسن عشان دى الحاجه الى مش هتقدر تركبها
واى حاجه تانيه ممكن تركب عادى
والضمان ملوش لزمه ولو محتاجو ممكن تشترى ليه ضمان

[medo_sirion]

انا استفد بيه وفي بيكانتو وسول وسيراتو
الليكانتو علبه دريكسيون
السول كلاكس هههه

[tatasamy]

انا استفد بيه وفي بيكانتو وسول وسيراتو
الليكانتو علبه دريكسيون
السول كلاكس هههه

للأسف حضرتك أنا مفهمتش عاوز تقول ايه :)

[tatasamy]

انا رأى تجيب اللى بفتحه سقف احسن عشان دى الحاجه الى مش هتقدر تركبها
واى حاجه تانيه ممكن تركب عادى
والضمان ملوش لزمه ولو محتاجو ممكن تشترى ليه ضمان

رأي حضرتك فعلا تمام...وغالبا ديه الكفة المرجحة.
بس ايه رأيك في 2015 ليه معلقتش عليها؟

[tatasamy]

لو مكانه هاجيب الخليكي بفتحة السقف واركب انا كاسيت بايونيير محترم بريموت في الطارة :)

وكدة كدة محدش بيستفاد حاجة من الضمان إلا بطلوع الروح وكل حاجة بيخلعوا منها ويكبروا دماغهم..

اسأل كدة كام واحد قدر يغير حاجة على حساب الضمان ؟؟؟
والحاجة اللي اتغيرت دي سعرها كام مقابل سعر خدمة الضمان في العربية ؟؟

ده غير ان الخمس سنين دول مش ضمان شامل..
يقولك القطع الفلانية ضمانها 10 آلاف كيلو والقطع العلانية ضمانها عشرين ألف كيلو وهكذا
وفي الآخر بتلاقي معظم أجزاء العربية خرجت من الضمان في سنة بالكتير
واللي باقي في الضمان الحجات اللي لايمكن تبوظ أصلا اللي هما الموتور والفتيس
ولو باظوا منك يقولك سوء استخدام اصل الزيت كان ناقص وانت مشيت عليه!!

الله ينور تفسير منطقي...بس هوه في كاسيت بيتباع بالريموت في الطارة؟ وبيعمل قد ايه تقريبا!! وبالنسبة لموديل سنة أقدم رأيك ايه؟

[tatasamy]

طبعا ماتقارب الاسعار هاخد الوكيل بس السوال عل الوكيل معندوش فتحه سقف
والكاست ده مصلحه ليك علشان تغيره بالكاست الشاشه بتعها وممكن لو عاوز تندرويد في ليها
الطاره اجزاء المالتي فاككش بتتباع علي امازون بتطلبها وبتيجي وبتتركب
من الاخر خد الوكيل علشان علي الاقل تستفاد بالضمان بفرق 5 الاف جنيه اما لو الفرق اكتر من كده كنت هقولك الخليجي

الوكيل عنده فتحة سقف بس في الفئة العالية ب 116 ألف!!!

هوا ايه كاسيت الشاشة بتاعها ده؟ ممكن تدلني على لينك أو صورة ليه؟ وبرده هضور على أمازون إذا كان الملتي بيتباع وممكن يركب

بس أشتري عربية فقيرة ليه علشان وكيل وأغلى 5 ألاف؟! يعني أغلى وامكانيات أقل عشان ضمان؟!

[MohssenRashed]

ممكن تبص على الجراند i10 اوسع من جوة من البيكانتو و شكل جديد

[axi0m]

رأي حضرتك فعلا تمام...وغالبا ديه الكفة المرجحة.
بس ايه رأيك في 2015 ليه معلقتش عليها؟

حضرتك لو قصدك على الفيس ليفت فشكلها تحفه انا شفت واحدة بفوانيس ليد
اما العاديه فكتير عليها الفلوس الصراحه

[medo_sirion]

حضرتك لو قصدك على الفيس ليفت فشكلها تحفه انا شفت واحدة بفوانيس ليد
اما العاديه فكتير عليها الفلوس الصراحه

طيب الليد ديه حضرتك شوفتها في معرض ولا في الشارع
ولو في مغرض ممكن تقولنا معرض ايه

[axi0m]

طيب الليد ديه حضرتك شوفتها في معرض ولا في الشارع
ولو في مغرض ممكن تقولنا معرض ايه

لا انا شفتها فى الشارع
ودى صورة زيها