توكيل كيا

[Hussein_Ramdan]

السلام عليكم ياشباب انا بفكر اشترى السيراتو الجديده وكمان اتشجعت بعد ما عرفت ان الضمان اصبح خمس سنين او 100000 ودى حاجه كويسه ليا عشان انا فى الخمس سنين مش بعمل 60 الف كيلو
السؤال هل الوكيل محترم ولاة زاى غبور والتوكيلات الغبيه
يعنى لو عميل لى حق بيعرف يخدو ؟

[AHMEDJUDDY]

والله أعلم سمعت من كذا حد أنه أنظف من توكيل غبور الزباله ..
كفايه أنهم ما بيغيروش حاله في العربيه زي غبور أول ما توصل مصر .
غبور بيغير الكاسيت و بيركب كمبروسور التكييف و السنتر و الإنذار في مصر و حاجات أزيل من الزباله .

[medo_sirion]

هعرفك حاجه بس علشان تاخد بالك منها
موضوع الضمان ده للاسف الناس بتقع فيه كتير
الضمان للاسف الي هو 5 سنين بيبقي علي الماتور والفتيس فقط
والباقي مش بيسري عليه موضوع الضمان كامل
مثلا المساعد ممكن في كيلوهات قليله يتغير بس بعد كده يقولك سوء استخدام او اخدت بيه مطب بيتلككوا طبعا
لان لما بتدفع بيكسب لما بيتغير في الضمان بياخد مصنعيه فقط ده مكسبه
فالفكره زي ماقولتلك لو حد فاهم وبيخاطب الوكيل علي طول علشان بس انت عايش في مصر هتاخد حقك وانت حاطت رجل علي رجل

[Omar Sarray]

توكيل وقطع غيار كويس وانا مجربهم كيا كذا مره ونصيحتى استنا سنه جديده عربيات حتنزل كتير اشكال والوان عشان محدش يندم بس والقرار قرارك انت

[medo_sirion]

للاسف مصانع السيارات وخصوصا كيا اتجهت اتجاه الموبيلات
تنزل موديل من هنا بشكل معين وميكملش سنه وتلاقي يغيروا لشكل تاني حتي لو في فوانيس واكصدمات زي الهيونداي
فحاجه وحشه بصراحه اجيب عربيه من هنا الاقي عربيه تاني نفس الماركه والنوع بشكل تاني نزل وبيجبرك تبيع وتخسر علشان تركب موديل السنه وخصوصا في مصر المظاهر وكله دمغنا