لمحترفي السيراتو

[midosara]

اخواني الاعزاء
انا معايا سيراتو 2011 ماشية 79000 فتيس 6 سرعات لسه شاريها. من بعد لما اشترستها بكام يوم لاحظت ان فيه رزعه جامده لما اكون واقف ودايس فرامل وبأنقل من ال n للغيار d او لما بانقل من ال n للغيار r
ولما بأمشي بالعربيه بأحس بنتشه وهيه بتغير من الاول للتاني غير كده باقي السرعات مافيش فيها مشكله.
الموضوع ده مش علي طول يعني شويه تعمل الرزعه الجامده دي وشويه احس ان العربيه ظبطت عادي جدا.
وحاجه تانيه لما اكون واقف وجايب ال n وباحرك الدركسيون الاقي ال rpm بيعلي وينزل تاني.
ياريت حد يقولي العيب فين وايه المكان الكويس اللي الواحد د يروحله يصلح عنده. انا سمعت عن المهندس هاني من المنتدى بس ما اعرفش عنوانه ياريت حد من المحترفين في السيراتو يدلني. رينا يكرمكم

[عبدالله برعى]

اولا.. تحريك الطارة وارتفاع الrpm هذه الحالة من الاشياء الشائعه والطبيعية في كل الكيا.. بسبب طرمبة البور بتعمل حمل هلي الموتور وكمان لو شغلت النور العالي واتت واقف نفس الأعراض... لا تقلق
ثانيا.. يجب وصف الصوت اكتر

[midosara]

بص يا أخي العزيز أنا بأكون واقف علي ال n وأول ما أجيب ال d أو ال r أحس إن العربيه كلها بترج رجه جامده أوي للأمام لو جايب d لأو للخلف لو جايب r مع صوت تحس إنه زي خبطه أو رزعه في الموتور وطبعا مش بتتحرك إني بأكون دايس فرامل ولما اسيب رجلي من الفرامل بتبتدي تتحرك وأول ما تجيب الغيار التاني بأحس إن العربية بتنتش في نقله الغيار التاني إنما باقي الغيارات مافيش فيها مشكله. المشكله دي تقعد شويه وشويه أحس إن العربيه بقت طبيعيه لما اجيب ال d أو ال r بأحس بالنتشه الطبيعيه الخفيفه بتاعه الفتيس سواء للأمام أو للخلف. لو عاوز تستفسر عن أي حاجة قولي أنا موجود. تسلملي

[midosara]

ايه يا رجاله؟
محدش عنده حل؟؟؟

[عبدالله برعى]

فتيس السيراتو الاربع نقلات يوجد به (نتشة) طبيعية ولكن هل الللي عندك طبيعية ولا لا واحيانا الكوبلن بيعمل تكة وقت التحرك امام او خلف
جرب بدون فرامل وشوفها موجودة ولا لا
لو موجودة غير زيت الفتيس liqui moly وغير فلتر الفتيس والفتيس حيظبط.... لو ماظبطش يبقي موضوع تاني ودا بالفعل لو كان الصوت مش طبيعي

[mohamedsngo]

متابع

[borio1704]

راجع بردو على قواعد الموتور والفتيس.. احتمال النتشة أو الرجة تكون منهم


...

[midosara]

الفتيس ست نقلات مش اربعه
ثانيا النتشه بتكون من الاول للثاني فقط
انما باحس برزعه في العربيه كلها مش عصايه الفتيس لما بانقل من ال n سواء لل d او ال r بتبقي رزعه جامده وأحيانا بترجع طبيعية لوحدها.
انت عارف النتشه الصغيرة اللي بتحسها لما بتجيب من ال n لل d؟ هيه ذي زيها بالظبط بس اقوي منها بكتير تحس ان العربيه بتترج رجه واحده جامده.
طب المهندس هاني اللي في جسر السويس دا عنوانه فين لان فيه ناس كتيره شكرت فيه.
شكرا مقدما لتعبكم معايا

[midosara]

يا رجاله انا كنت في توكيل كيا وقالولي المشكله في الفالف بدي
فيه حد بيصلحه؟
اعمل ايه؟؟؟

[midosara]

إيه يا رجالة؟
مفيش حد عارف ؟؟؟

[hazem_zem]

باشا حصلت معايا

ربط الكوبلن الداخلى عن طريق فك الكاوتش الامامى ومتدفعش أكتر من 25 جنيه والرزعه هتروح