استفسار بخصوص شراء كيا سفيا

[ehabomar1987]

انا معروض عليا اتنين كيا سفيا للبيع وحدة موديل 2001 والتانية 2002 والاتنين اتوماتيك
مستوى السعر بتاع العربية ايه واكشف عليها فين وابص على ايه وانا بكشف على العربية
ولو فيه اي نصائح تانية بخصوص الشراء اكون شاكر ليكم

[abokoko]

متابع
لاعرف هل الاتوماتيك فيهم كويس
ولو حصلت مشكلة
بيتغير بكام الاستيراد
؟

[pepo2011]

عربية جميلة لكن اسعارها بتتفاوت حسب الحالة يعني ممكن تلاقي 2002 وعاملة 42 وممكن تلاقي 99 وعاملة 45
حسب الحالة بس المهم لازم تشتريها نضيفة وسليمة

[ehabomar1987]

طيب وسعر الفتيس الاوتو يا بيبو ممكن يعمل كام تقريبا وقطع الغيار بتاعتها متوفرة وصاينتها سهلة وعند انه ميكانيكى

[pepo2011]

طيب وسعر الفتيس الاوتو يا بيبو ممكن يعمل كام تقريبا وقطع الغيار بتاعتها متوفرة وصاينتها سهلة وعند انه ميكانيكى

اه كل حاجة موجودة ومتوفرة وهي عربية معمرة والفتيس في حدود 3500 وانت وشطاراتك

[ehabomar1987]

الف شكر بجد ليك يا بيبو انت شخصية محترمة طيب استفسار بسيط بس هو انه الاحسن البرايد ولا السيفيا علشان انا قدامى الاتنين ومحتار انا متقل عليك معلش بس استحملنى بقى
البرايد مانوال والسيفيا اوتو وانا مفيش مشكلة معايا فى سواقة المانوال بس انه اعتمادية وتستحمل اكتر هلك وطرق وشغل وقطع غيار وصيانة ارخص واسهل وشكرا لتانى مرة على تعبك

[pepo2011]

حبيبي ربنا يباركلك ويكرمك الشكر لله احنا كلنا اخوات وبنخدم بعض لوجه الله طبعا خليك في السيفيا اكتر رفاهية وامكانيات واشيك تفرق كتير عن البرايد لكن البرايد اقصادية اكتر وحاجتها ارخص برضو لكن مش مهم خليك في السيفيا طبعا
المهم تكون نضيفة واكشف عليها كووووويس اوي في بنزينة او مركز وخصوصا الفتيس مش تاخد واحد صاحبك او قريبك

[ehabomar1987]

ربنا يكرمك يا بيبو يارب ويباركلك ريحت قلبى واللهى الواحد اصله محتار بين الاتنين الواحد اصله فى شراء المستعمل متعب الصراحة خالص ومقرف كمان