تقرير اول الف كيلو لسيراتو 2016

[sherifsamir116]

الحمد لله ربنا كرمني واستلمت سيراتو 2016 اول فئه وكيل من حوالي اسبوعين

ولسه عاملة صيانة الالف اول امبارح في مركز كيا اللي في روكسي.

اول حاجه بالنسبة للعربية :

الموتور : ممتاز والسحب جيد جدا مع اني كنت بحس ان صوت الموتور عالي شوية ولكن بعد تغيير الزيت قل عن الاول بس يفضل فيه صوت برده.
العفشة : ناشفه بعض الشئ والاحتكاك بالمطبات متكرر لو محمل العربية في الكنبة ورا.
الفرامل : جيدة جدا والحمد لله حتى الان مظهرش عندي الصوت اللي بيشتكي منه اغلب ملاك السيراتو.
ابعاد العربية : كبيرة شوية وطبعا ده مقارنة بإني كان معايا نيو اكسنت 2010 مانيوال قبلها
التابلوه : جميل جدا الخانات المستخدمه فيه الى حد ما نضيفة
الصالون: واسع وقعدة الكراسي مريحة.
الكاسيت : صوته مش قد كده ومش عارف ده من الكاسيت ولا من السماعات.

حاجتين مضايقني في العربية:

اولا: ودي حاجه غريبة جدا جدا ان الصالون مافيهوش اللمبة اللي بتبقى قدام عن كرسي السائق واللي فيها جراب للنضارة ودي حاجه تغيظ جدا لأن دي المفروض انها مش كماليات او اوبشنز عشان تنزل في فئة وفئة تانية لأ وبتسبب صعوبة ليا لو عايز ابص على حاجه بالليل جوه العربية لما بتضطر افتح اللمبة اللي ورا مش بتدي اضاءة كويسة لكل الصالون.

ثانيا : نزول الفئة دي من غير جهاز انذار او ريموت شئ غريب ومتعب لحد لما اركب انذار في التوكيل ان شاء الله وارتاح من الهم بتاع فتح وقفل العربية من الباب.


مجملا, العربية جيدة جدا ولكن نصيحتي للي عايز يجيب انه يجيب الفئة الاعلى عشان كم الاوبشنز اللي مش موجود في الفئة دي.

[hesham fawzy h]

شكرا على التقرير

و اية الصوت الى فى الفرامل الى الناس بتشتكى منة

[sherifsamir116]

قريت في مشاركات كتير ان في صوت تصفير مع الفرملة خصوصا في الملفات وان ناس كتير داخت عشان تغير الطنابير في الضمان

[ali ashraf]

اول 1000 كم

الف مبروك و ربنا يبارك لك فيها . انا كتبت امس عن تقرير اول 1000 كم فى بيجو 508 و الاضاءة فى الصالون كويسة لكن برضه مفيش مكان معقول تضع فيه جراب النضارة او فلوس او اوراق بسيطة الخ مش عارف ليه رغم ان التابلوه ضخم و عريض و كمان مفيش مكان مناسب تضع فيه علبة مناديل الورق طبعا مهما كان دى عيوب بسيطة الاهم عندى المحرك و الفتيس و الاتزان الخ , حاجة تانية مفيش جهاز انزار لأن اكيد عربية حضرتك فيها نظام اموبيليزر للمحرك علشان كده مش محتاجة جهاز انزار , و مفيش الا الريموت العادى و فى البيجو بيفتح و يقفل الزجاج مع فتح الشنطة طبعا و برضه مش دى الحاجات الاساسية المهمة لو قارنتها بوسائل الامان مثل فرامل ا بى اس و منع الانزلاق الخ....الشئ العجيب ان فى البيجو مفيش تغير زيت عند اول 1000كم و انما عند 10000 او 6 شهور ايهما اقرب.....انا عربيتى الفئه الاولى يعنى الاوبشن اللى فيها محدودة جدا بس مادام الاساسيات عاجبانى فالواحد راضى جدا مرة اخرى الف مبروك و ربنا يسعدك بيها

[wael30003]

قريت في مشاركات كتير ان في صوت تصفير مع الفرملة خصوصا في الملفات وان ناس كتير داخت عشان تغير الطنابير في الضمان

انا عامل ٢٠٠٠٠كم والصوت موجود عندى ......بس مش فاضى اروح التوكيل ....
الصوت مش عامل لى قلق

[engahmadsamy]

ضعف الصوت من الكاسيت مش من السماعات . انا مغير الكاسيت ومركب شاشة تاتش والصوت فيها تحفة على نفس السماعات

[MR . Gold]

ألف مبروك وربنا يعطيك خيرها ويكفيك شرها
معلش هي سعر الفئة اللي مع حضرتك وصل كام .. وهل في زيادة في الأسعار ولا كما هي

[hazemhany]

معني كده ان العربية واطية مع المطبات ؟

[sherifsamir116]

الف مبروك و ربنا يبارك لك فيها . انا كتبت امس عن تقرير اول 1000 كم فى بيجو 508 و الاضاءة فى الصالون كويسة لكن برضه مفيش مكان معقول تضع فيه جراب النضارة او فلوس او اوراق بسيطة الخ مش عارف ليه رغم ان التابلوه ضخم و عريض و كمان مفيش مكان مناسب تضع فيه علبة مناديل الورق طبعا مهما كان دى عيوب بسيطة الاهم عندى المحرك و الفتيس و الاتزان الخ , حاجة تانية مفيش جهاز انزار لأن اكيد عربية حضرتك فيها نظام اموبيليزر للمحرك علشان كده مش محتاجة جهاز انزار , و مفيش الا الريموت العادى و فى البيجو بيفتح و يقفل الزجاج مع فتح الشنطة طبعا و برضه مش دى الحاجات الاساسية المهمة لو قارنتها بوسائل الامان مثل فرامل ا بى اس و منع الانزلاق الخ....الشئ العجيب ان فى البيجو مفيش تغير زيت عند اول 1000كم و انما عند 10000 او 6 شهور ايهما اقرب.....انا عربيتى الفئه الاولى يعنى الاوبشن اللى فيها محدودة جدا بس مادام الاساسيات عاجبانى فالواحد راضى جدا مرة اخرى الف مبروك و ربنا يسعدك بيها

مبروك عليك ياباشا وربنا يكفيك شرها .......انا متفق معاك في ان الاساسيات في العربية اهم بكتير من اي حاجه ولكن في بعض الحاجات الصغيرة بتكون داخلة في الاستعمال اليومي للعربية بتخليها مش عملية

[sherifsamir116]

ضعف الصوت من الكاسيت مش من السماعات . انا مغير الكاسيت ومركب شاشة تاتش والصوت فيها تحفة على نفس السماعات

ياترى حضرتك غيرت الكاسيت في التوكيل ولابرة وتكلفته كانت كم ؟؟

[sherifsamir116]

انا عامل ٢٠٠٠٠كم والصوت موجود عندى ......بس مش فاضى اروح التوكيل ....
الصوت مش عامل لى قلق

تمام ياباشا....عقبال صيانة الـ 100,000 كم ومن غير اعطال ان شاء الله

[sherifsamir116]

ألف مبروك وربنا يعطيك خيرها ويكفيك شرها
معلش هي سعر الفئة اللي مع حضرتك وصل كام .. وهل في زيادة في الأسعار ولا كما هي

ربنا يخليك ياباشا...الفئة دي ساعة لما جبتها كانت 155,000 جم وبعد زيادة بقت 159,000 على حسب المعرض وطبعا وكيل

[nabil samir]

ايه اخبار الثبات فى السرعات 130 واكتر وفى الملفات

[sherifsamir116]

ايه اخبار الثبات فى السرعات 130 واكتر وفى الملفات

طبعا انا مقدرتش اجيب السرعة دي غير بعد التليين, ولكن لغاية 140 والعربية ثباتها كويس لو الطريق مستقيم وبصراحه مجربتش على اكتر من كده في الملفات

[Omar Sarray]

مبروك على الصيانه والعربيه وموضع الفرامل ده موضوع معظم الناس عيوب صناعيه استلمو العربيه وموضع ان العربيه حتى لو محمله واطيه وتحك مفيش اللكلام ده خالص عندى بصراحه علما بانى عندى يسراتوى اعلا فه 2016