إعـــــــلان

Collapse

.

,
See more
See less

عفشة البيكانتو

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    عفشة البيكانتو

    الحقيقة انا عربيتى مو 2004..فيها كذا حاجه عاوزة تتعمل قلت اسألكم عليها
    1- صوت دربكة فى العفشة قدام من عند العجل(مش مسمعة فى الدركسيون)
    لدرجة انى بحس بتفاصيل الاسفلت كلها ولو عليه ذرة تراب ...ممكن تكون ايه؟؟؟
    2- لما بطلع بالعربية بسرعة بلاقى رجرجة خفيفة و بعدين العربية تطلع
    3- ساعات العربية بتترجرج و تفصل منى لو طلعت و مكنتش دايس سنه خفيفة بنزين و دى خنقانى اوى و مش عارف هل طقم الدبرياج فى مشكلة خصوصا ان فى رجرجة لما بطلع بسرعه مع العلم ان العربية سحبها مش قد كده بس بتوصل عادى لسرعات فوق ال100 بدون ماصوتها يعلى اوى
    4- عندى صوت طقطقة فى الجنبين اللى ورا ناحية المساعدين فهل لو المساعدين ضاربين يعملوا صوت طقطقة كده ولا دى حاجه تانية

    اتمنى حد يفيدنى ولو حد عنده عفشجى نضيف ياريت يدينى تليفونه او عنوانه و اكون من الشاكرين
    [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]
    الكلمات الدلالية (Tags): 1300, 20, 2008, 50, lanos, استلمت, اسكندرية, البيكانتو, التوكيل, الجديدة, بدون, بنزين, بيكانتو, بيكانتو 2008, تيل, تيل فرامل, جنط, دبرياج, دى, زيرو, سرعة, سيراتو, صوت, صيانة, ضيف, عربية, عفشة, عفشة السيراتو, علبة دركسيون, عن, فرامل, فرق, في, فيرنا, كل, مساعدين, مشكلة, مع, من, هل, ورشة, ياريس
  • #2
    غالبا هاتحتاج طقم دبرياج جديد....انا لسه مغيره عندي من اسبوع..و هاعمل موضوع مخصوص عشانه دلوقتي

    العفشة لازم واحد متخصص يكشف عليها...لأن ممكن يكون فيه 100 سبب للأصوات دي...فا لازم واحد يعرف يميز مابين الأصوات كيس عشان يعرف العيب منين

    الموضوع اللي هاعمله هايبقي فيه كل التفاصيل اللي انت عايزها ان شاء الله...
    [CENTER][SIGPIC][/SIGPIC][/CENTER]

    Comment

    • #3
      مستنى موضوعك يانادر
      [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

      Comment

      • #4
        باشا الصوت اللى بتحسه فى العربيه ده ومابيوصلش للدركسيون بيبقى سببه المساعدين
        تانى حاجه بالنسبه للرجرجه المفروض ان ده اسطوانه وديسك عاوزين يتغيروا
        اما الطقطقه دى فانا اعرف انها يا اما تيل فرامل مفكوك يا اما مقصات بس ماعرفش هل فى مقصات ورا عندك فى الكيا ولا لأ
        [CENTER]وبحبك وانتى بتنقى .. أغانى قلبى يسمعها
        وأحبك لما بتعاندى .. فى حاجات الدنيا تمنعها
        :wink05:[/CENTER]

        Comment

        • #5
          المشاركة الأصلية كتبت بواسطة m000dy مشاهدة المشاركة
          باشا الصوت اللى بتحسه فى العربيه ده ومابيوصلش للدركسيون بيبقى سببه المساعدين
          تانى حاجه بالنسبه للرجرجه المفروض ان ده اسطوانه وديسك عاوزين يتغيروا
          اما الطقطقه دى فانا اعرف انها يا اما تيل فرامل مفكوك يا اما مقصات بس ماعرفش هل فى مقصات ورا عندك فى الكيا ولا لأ
          تسلم على ردك...فعلا فى ناس اكدتلى موضوع المساعدين..و الحقيقة البيكانتو مفهاش مقصات ورا..بس ممكن يكون من المساعدين برضو لانى بحس انها جاية من فوق العجل
          [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

          Comment

          • #6
            يافندم العفو انا بس حبيت اشارك باللى اعرفه يمكن يفيدك
            [CENTER]وبحبك وانتى بتنقى .. أغانى قلبى يسمعها
            وأحبك لما بتعاندى .. فى حاجات الدنيا تمنعها
            :wink05:[/CENTER]

            Comment

            • #7
              مش البيكانتو بس انا نفس العيب فى عربية سيراتو من ساعة لما استلمتها, و التوكيل قاللى مرة هو دة صوت الكيا و مرة تانية مفيش حاجة و مرة ثالثة الأصوات حاتروح بعد 5000 كم.
              اى كلام

              Comment

              • #8
                سؤال عن عفشة البيكانتو

                الحقيقة أنا جديد فى المنتدى العظيم بتاعكو ده ، وكمان فى عالم السيارات
                سؤالى :
                أنا لسه شارى بيكانتو 2008 ، من 4 شهور وعملت 5000 كيلو
                رحت عملت صيانة ال 5000 فى أبو رواش و العربية استلمتها زى الفل ، كان ليا ملحوظة وهى انها بتتنطط جامد ومش ناعمة ، المهندس قاللى هنكشف على العجل والعفشة الأمامية وفعلا العربية بقت زى الفل. المشكلة اللى مديقانى جدا دلوقتى هو انى دلوقتى على المطبات وأوقات فى الطرق المتعرجه بسمع صوت تزييق فى العربية من ورا فى الناحيتين الخلفيتيين ده حصل فى يوم لما رجعت من التوكيل ( أنا ساكن فى الإسماعيلية 250 كيلو لغاية أبو رواش) .
                مش عارف ده ممكن يكون ايه ، غير كده العربية 100 100 فى كل حاجة.
                ممكن حد يساعدنى ويقوللى ايه سبب الصوت ده و ممكن أعمل ايه؟
                شكرا

                my e-mail : shadyjr100@yahoo.com
                shadyjr100@windowslive.com

                mob. 0122718993

                Comment

                • #9
                  نفس صوت التزييق او الطقطقة ده انا بحس بيه من فوق العجلتين الخلفيتين...لكن لحد دلوقت محدش قادر يفيدنى....و الحقيقة العربية دى فعلا بتتنطط كتير فى المطبات او فى الاراضى المعرجة و بتطلع و تنزل و اعتقد ان ده سببه قاعده العجل الشبة مربعه
                  [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

                  Comment

                  • #10
                    الحمد لله تم تصليح العفشة بعد تغييرها كلها تقريبا ماعدا العلبة..... 4 مساعدين + مقصين +بيض دركسيون+بيض أطراف...و طبعا بقيت راكب عربية تانية خااااااااااااااالص...عفشة ناعمه غير اللى كانت معايا من ساعه ماجبت العربية...طبعا كل ده بعد مادفعت دم قلبى 2000ج الحمد لله
                    [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

                    Comment

                    • #11
                      الف ألف مبروك يا عمرو باشا :)

                      بس ليه بخلان علينا بالمعلومات؟:)

                      جبت الحاجات منين و ركبتها فين و تفاصيل الأسعار ايه؟

                      يعني ادينا خلفية كده :)
                      [CENTER][SIGPIC][/SIGPIC][/CENTER]

                      Comment

                      • #12
                        عنيا يانادر باشا..اولا انا طبعا وثقت فى كلامك و رحت ركبت الحاجه عند ورشة الاصدقاء..روحت الاول كشفولى عليها و قالولى عاوزين 4 مساعدين و بيض علبة دركسيون و حنزل العفشة كلها و نشوف ايه اللى بايظ و ايه اللى شغال حنشغله..الصراحة اطمنتلهم جدا زى مانت حسيت بالظبط خصوصا انهم فعلا اصدقاء و متحسش انهم صنايعية..المهم روحت عند الجندى خدت الحاجه بالتفاصيل دى:
                        مساعدين امامى 440
                        مساعدين خلقى 400
                        و رجعتلهم حطيت العربية الساعه8 الصبح قدام الورشة و رميت المفتاح من تحت الباب
                        كلمونى الساعه12 قالولى احنا فكينا العفشة و لقينا بيض طرف و بيض علبة دركسيون و بيض مقصات و محتاجينهم عشان نخلص الشغل..روحت جبت المطلوب
                        بيض الطرف 110
                        بيض علبة دركسيون 150 (جبته بعد عذاب)
                        مقصات كاملة لان بيض المقصات بيتباع بدون الكاوتشة و ده غلط 500
                        فلتر هواء 45
                        دراع قلاب النور و الاشارة(كان مهيس خالص) 100
                        و رجعتلهم سيبت الحاجه و جيت تانى يوم لقيتهم خلصوا تمام ركب جربت لقيت عربية غير بتاعتى تماما...الحقيقة شغلهم كويس بس مصنعيتهم مش رخيصة لسعوا منى 300 ملطوش بس طبعا بعد مامسكت فى خناقهم بالذات الواد ابو كرش التخين ده عشان مستفز و بيقولى انه كارمنى ..الحقيقة انا عارف ان الشغل كويس و يستاهل المبلغ ولو اتعمل فى التوكيل حياخدا الضعف بس انا اصلى كنت جنط فلوس
                        و بكده يبقى اجمالى اللى دفعته 2045..بس استلمت عربية زيرو عفشة و بجد احترمت العربية دى اوى اوى زيادة عن الاول بعد مادوقت العفشة الجديدة..اسف على الرغى الكتير
                        [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

                        Comment

                        • #13
                          مبروك عليك العفشة الجديدة ياباشا
                          [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                          [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                          [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                          [/CENTER]
                          [/CENTER]
                          [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                          [CENTER] _______________[B]
                          [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                          [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                          [/CENTER]
                          [B][COLOR=Blue][B][SIZE=2]
                          اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                          _______[COLOR=Blue]_______________
                          [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                          Comment

                          • #14
                            احمد باشا الله يبارك فيك..ربنا يباركلك فى عفشة السيراتو
                            [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

                            Comment

                            • #15
                              مبروك

                              الف مبروك يا باشا و ربنا يحفظهالك... بس العفشة دلوقتى احسن من الاكسنت اكيد و لا لسه؟. هل التنطيط لسه كتيير؟؟؟ علشان ان شاء الله ناوى اشتريها و انا بصراحه مبحبش الفيرنا و كل الناس بتقول انها خفيفه و معتقدش البيكانتو وحشه اوى بالنسبة لها يا ريت تفيدنى. كل سنه و حضرتك طيب و عيد سعيد.

                              Comment

                              السابق 1 2 template التالي
                              Working...
                              X