تغيير طقم الدبرياج للبيكانتو...و تََجرُبة جديدة!

[Ahmad Allawy]

تصدق انا مكنتش اعرف انك شاريها مستمله..
انا كنت فاكرك شاريها زيرو..
عموما.. نصيب.ز المهم انها حاجة عارضة يعني.. ده مش الطبيعي بتاعها.ز
ان شاء الله تنساها خالص بقي مع الطقم الجديد..
و ربنا يهديهالك و يحفظها ان شاء الله..

[Sharky]

مبروك يا نادر

و ربنا يبارك لك فى البيكانتو

[youssefmustang]

والله انت زى العسل يا اخى
ومصور الورشة والعربيات والاسطى وهو بيتكلم فى المحمول وعيشة تانية خالص الف الف الف مبروك على طقم الدبرياج وابقى طمنا على العربية ماشية معاك ازاى
اخوك يوسف

[Migo123]

نادر باشا

الف مبروك على اطقم الجديد

الورشه دي ليهم في العفشه .... لاني كنت عايز اضبط عفشة عربيتي(ريو 2003) بس عايز في الاول حد فاهم يقولي هي محتاجه ايه واجيب ماركات ايه و اجيبه منين بالظبط
لان العربيه مؤخرا .... بقت بتعوم في الملفات و طبعا مع المطبات واضخ ان المساعدين مبتعملش حاجه ... غير ان الدركسيون بقى خفيف قوي

[AHMEDCAR]

علاوي باشا :)

للأسف اللي اشتريت منه العربية واضح ان رجليه كانت تقيله حبتين علي العربية...+ انه كان ساكن في طنطا...يعني معظم مشاويره بينقل و دايس دبرياج علطول...مافيش المسافات الطويلة بتاعة الدائري و كده

الفاليو ماركة محترمة جدا طبعا...انا مجربها من زمان في كذا حاجة...و ده اللي خلاني أطمن و أجيب الطقم علطول

الف مبروك ينادر باشا و فعلا الفاليو من الماركات المحترمه اوى اوى فى على قطع الغيار و عن تجربه و الف مبروك مره تانيه

بس سؤال لو سمحت ممكن تيبلى رقم الجندى بتاع قطع الغيار ده علشان فى عربيه اخويا طرمبه المياه ضايعه و عاوز اجيب حاجه كويسه

[YaSSerwIN]

مبروك يا نادور هى جت متأخرة شويتين
بس انا أتفاجئت لما شوفت الصور
بقا كدة تيجى المنطقة عندنا والواحد ميشوفكش

فعلا الورشة دة كل الناس بتشكر فيها وكل يوم بيجيلها عربيات كتير جدا ً وهما كويسين جدا ً

أتارى الراجل الى فى الورشة كان بيقول لصحبى الى مديهم وصلت نت تعالا شوف الورشة نزلت على النت ولا لاء

[Ahmed Samy]

طيب انت قولت من سنة لا تو كيل بعد اليوم

ايه اللي رجعك للتوكيل تاني ؟؟؟؟

اكيد في حاجة غيرت رأيك

[YaSSerwIN]

لو قريت الموضوع التانى كويس هتلاقى انه لقا الفرق فى السعر بين التوكيل والمحل صغير جدا ً فقال أعملها فى التوكيل أحسن ولما عملها طلعت أرخص

[M.ABDEEN]

مبروك يا نادر باشا ودي مشكلة التوكيلات في الجديد كانهم ما صدقوا ووكن العملية دي تقل شوية لما التوكيل يلاقي ان الورش ومراكز الخدمة بره كترت...وبعدين اللي روحتله بيتعامل مع كل الكوري والكيا تحديدا ولا بتاع كله؟؟؟؟

[YaSSerwIN]

الورشة دة شغالة فى الكيا بس

[MoMohsen]

أول ما جبت العربية ماكنش ظاهر قوي الموضوع ده...بس بدأ يشد يشد لحد ما بطن رجلي الشمال مبقاش ينفع أمشي عليه طبيعي زي الناس من كتر الألم...و لحد دلوقتي مازلت موجوع !!!

اولا الف مبروك يا نادر ...بس تصدق ان عندى نفس الكلام و بطن رجلى الشمال فعلا واجعنى و مجاش فى دماغى ان السبب فى طقم الدبرياح هو السبب.

[mhae20032003]

الف شكر يا نادر باشا
انا استفدت كتير من موضوعك اصلى عايز اشد عربتى كيا برايد وكنت بدور على حد بيفهم فى البرايد
واديك دلتنى وهحاول اعمل موضوع زيك اذا شدتها عندهم

[Zordon]

انا ساكن فى العمارة اللى قدام الورشة دى!!!!
يا ريتنى كان معايا كيا
بس فعلاً هما سمعتهم كويسة قوى فى المنطقة و بشوف عندهم جميع موديلات الكيا من اول البرايد لحد الكارنيفال

[YaSSerwIN]

هما كويسين اما بتاع الزيت الى تحت دة بحس انه عبقرينو على الفاضى

[Zordon]

هما كويسين اما بتاع الزيت الى تحت دة بحس انه عبقرينو على الفاضى

فعلاً بلبسه العجيب و الكيس إلي حطو على شعره ده :pointi~2[2]: