البيكانتو سعرها هينزل فعلاً؟

[nanash]

حد يا جماعة يعرف اذا كانت البيكانتو سعرها فعلاً هينزل؟

أنا سمعت الحكاية دى من ناس أعرفهم و كنت عايزة أتأكد قبل ما أشترى

أنا حاجزة واحدة 2009 و كنت عايزة أعرف أجيبها و لا أستنى شوية :K14:


ايه رأيكوا؟؟؟؟؟؟؟؟؟

[heshaaam]

موضوع الانخفاض ده غالبا مؤكد بس الفترة دى معقربة والكلام كتير

[ecybrarian]

دي تخفيضات آخر السنة...كل آخر السنة نلاقي عربيات كتير اسعارها بتنزل علشان يخلصوا من موديل السنة

[m_elsabah]

لازم تنزل

هناك نزول حقيقي قادم في أسعار السيارات عموما ولكن ذلك يتوقف علي المقـدرة وقدرة الإحتمال بين المشترين وأصحاب التوكيلات .
بمعني من يستطيع أن يتحمل أكثر ( الوكيل أم المشتري )
في إعتقادي الشخصي يجب أن تصبري لشهور قليلة قادمة .
وشكرآ:

[nanash]

شكراَ يا جماعة

عموماَ أنا لسه عارفة من واحد انه جاب الهيونداى إلانترا بتخفيض 10%

[heshaaam]

شكراَ يا جماعة

عموماَ أنا لسه عارفة من واحد انه جاب الهيونداى إلانترا بتخفيض 10%

هى ب96 الف المانيوال ياريت تقولى جابها بكام

والبيكانتو مش هتنزل عشان ناجحة اوى ولو نزلت هتنزل كتصفية وهى سعرها مناسب جدا

[barakota]

اخبار من واحد صاحيى فى التوكيل

ان الاسعار مش هتنزل لسبب مهم

هو ان كان السوق مريح و الناس ما بتشتريش فالتوكيل هيقلل عدد السيارات المستوردة لتثبيت الاسعار الحالية

بل و بالعكس انها ممكن تغلى لان كمان فى اوروبا دعموا سوق السيارات ب14 مليار يورو

[NaviGator_13]

ربنا يسهل ويحصل انخفاض بقا حتى لو 10 % يبقى كويس جدا

[nanash]

هى ب96 الف المانيوال ياريت تقولى جابها بكام

93000 مانيوال F/O

اخبار من واحد صاحيى فى التوكيل

ان الاسعار مش هتنزل لسبب مهم

هو ان كان السوق مريح و الناس ما بتشتريش فالتوكيل هيقلل عدد السيارات المستوردة لتثبيت الاسعار الحالية

بل و بالعكس انها ممكن تغلى لان كمان فى اوروبا دعموا سوق السيارات ب14 مليار يورو

سعرها كان ثابت لحد الأسبوع اللى فات
امبارح بكلم المعارض اللى فى الوسيط الأغلبية عايزين ينزلوا 500 جنيه من الثمن بس اشترى من عندهم و واحد بس اللي قال 1000 جنيه و واحد تانى عنده موديل 2008 هاف على 58900

[youssefmustang]

مش هيحصصصصصصصصصصصصصصصصصصل خااااااااااااااااااالص دى مصر يا جماعة ام الدنيا وعشان هى ام الدنيا يبقى عمرها ما ترخص حاجة عشان هى غالية علينا اوى
لاحول ولا قوة الا بالله