اشتري سيراتو من الخليج أم من مصر

[tameryoussef74]

االسلام عليكم شباب
كنت بفكر أشتري سيراتو من قطر و انزلها مصر بحكم عملي في قطر
ولما سألت عن أعلي فئة top line لقيت سعرها حوالي ٦٨-٧٠ الف ريال قطري يعني تقريبا بالمصري حوالي ١٥٠ الف جنيه ويمكن توصل ١٥٥ الف جنيه
وطبعا الجمارك بالضريبة بكل حاجة ممكن توصل ٦٥٪ يعني تقريبا من ٨٠ الف علي الاقل
يعني الاجمالي كتير قوي ممكن توصل من ٢٢٠ الف ل ٢٣٠ الف
مش عارف ليه كدة مع اني سمعت ان اعلي فئة في مصر توصل ٢٠٠ الف جنيه
ممكن حد من خبراء السيراتو يفهمني ليه فرق السعر ده و هل فيه فرق بين اعلي فئة بالخليج و اعلي فئة في مصر
ارجو النصيحة
والمشكلة ان كل مااحسب اي سيارة الاقي في مصر ارهص بعد ماادفع الجمارك مع ان فيه ناس كتير بتشتكي ان الاسعار في مصر غالية والتجار بيستغلو السوق

[Hosam_Optrawy]

الخلاصه ان اى عربيه هاتفكر تنزلها هاتلاقيها اغلى من تمنها في مصر بسبب الجمارك

ودا طبيعى والا كان كل التوكيلات قفلت وكل الناس نزلت عربيات من بره لو سعرها أرخص

اما بالنسبه للفروق بين السيراتو التوب لاين اللى في قطر ومصر ، اللى في قطر فيها زياده تكييف اوتوماتيك وتبريد وتسخين الكراسى وسبويلر خلفى

[devil_storm]

اشتريها من مصر ارخص و معاك ضمان ٥ سنين