البلوتوث فى الكيا بيكانتو 2015 خليجى

[Ahmed Sanad]

سلام عليكم ياشباب ,
انا النهاردة اشتريت عربية كيا بيكانتو 2015 خليجى
و لما جيت اعمل pairing للموبايل مع البلوتوث بتاع العربية , مش عارف ازاى اعمل pairing
يعنى مش لاقى الزرار بتاع setup عشان اختار الموبايل و ابتدى اعمل pairing
علما بأن العربية فيها علامة البلوتوث , و فيها زرار لـ Accept call & reject call
يعنى المفروض العربية مجهزة لـ كده
و فى المانيوال بيقول ان : لن تتوفر وظيفة Bluetooth إذا كانت ميزة Bluetooth wireless Technology غير مدعومة

اعرف منين بقى اذا كانت مدعومة او لأ ؟
و ازاى اعمل pairing ؟

انا حطيت صورة التابلوه فى المرفقات



و شكراا جدا

[Ahmed Sanad]

نسيت اقول ان موبايلى lenovo
هل ده ليه علاقة ؟ لأن فى على Kia website , اسامى موبايلات اللى compatible مع العربية , ومش منها lenovo
بس انا اصلا مش عارف اعمل pairing عشان يفشل

[ahmedsrs]

عشان تعمل بيرينج دوس على الزرار الى عليه سماعة تليفون دوسة طويله وخلى الموبايل بتاعك شغال ومرئى هيعمل بيرنج على طول الكلام دا فى اول مرة بس بعد كده هيبير اتوماتك لو بلوتوث الموبايل شغال وهيستقبل ويرسل مكالمات اما لو عاوز تشغل اغانى من التليفون هدوس على زرار المد وتقلب لغاية لما يظهر حاجة ذى bt-43434 وشغل اغانى من التليفون هيشتغل

[Ahmed Sanad]

متشكر جدا جدا لحضرتك
جربتها و اشتغلت تمام أوى الحمد لله

طب سال تانى معلش طالما حضرتك متخصص فى الكيا
هو مافيش عداد حرارة فى العربية دى ؟ ولا بيبقى فى انذار بس لما الحرارة بتعلى ؟

[ahmedsrs]

مفيش عداد حرارة فى اغلب موديلات العربيات الحديثة كله لمبة بتنور

[Ahmed Sanad]

تمام
متشكر جدا جدا لحضرتك

[sherifwahab]

باشا بارك الله لك فيها جبتها منين وبكام؟

[Ahmed Sanad]

اللهم آميين
جبتها من سمير ريان
موديل 2015 خليجى

جبتها بـ 107,500

[mohamed3200018]

مفيش عداد حرارة فى اغلب موديلات العربيات الحديثة كله لمبة بتنور

طب سؤال حضرتك انا لسه شارى كارنز 2011 مفاتيح البلوتوث مش شغاله الكاسيت مش حاسس بيها خالص يعنى بدوس عليها ولا كانها وصله بالكاست خالص ممكن تكون مشكله ايه .ولو مشكله كبير مين ممكن يشفلى المشكله ده.