سيراتو 2014 خلبجي فئة تانيه

[ahmed1127k]

سلام عليكم

انا كنت دفعت عربون وكنت خلاص تقريبا اشتريت الكارينز الشكل القديم اتعرض عليا النيو سيراتو حسيت بفرق كبير بينها وبين الكارينز لصالح السيراتو

الحمدلله لقتنعت واشتريتها خلاص هستاذنكوا تقولوي ميكانيكي كيا شاطر مصر الجديده او مدينة نصر عشان الصيانه الدوريه والمراكز المعتمده برده عشان لو فكرت اوديهالهم بس انا عارف انهم بيزودوها اوي في اسعارهم


الحاجه التانيه قريت عن سرقة السيراتو

انا مش عارف هيا ايموبلايزر ولا لأ اعرف منين ؟

المفتاح مفيهوش اي مسمار كده مفيهوش فحمه انا صح ولا غلط؟

لو حد عنده فكره عن قطع الغيار النيو سيراتو بره وخارج التوكيل

[borio1704]

المفروض إن السيراتو الخليجي تاني فئة فيها ريموت.. مش مفتاح عادي... وإن كان الريموت مش بيأثر في حتة الإيموبيلايزر دي.. لإن المفتاح العادي ممكن قوي يبقى فيه القطعة (أو الفحمة) اللي بتدور عليها.



ولو عايز تعرف إذا كان فيها أيموبيلايزر أو لأ.. لازم تحط المفتاح في الكونتاك وتدور تاني تكة... هتلاقي لمبات التابلوه نورت ..

لو لقيت اللمبة اللي في الصورة دي نورت.. يبقى فيها إيموبيلايزر



غير كده يبقى مفيهاش.


...

[ahmed1127k]

متشكر جدا علي المعلومه ديها هجربها انشاء الله
ياريت اللي يعرف مراكز الصيانه سواء المعتمده او غير المعتمده يقولي
واسعار قطع الغيار خارج وداخل التوكيل

[bakkarahmed]

نصيحه ماتجيبهاش من غير اموبيلايزر انما لو اتفقت ودفعت فلوس يبقي لازم تركب فيها جهاز تتبع

[ahmed1127k]

الحمد لله انا جربت فعلا تاني تكه لقيت علامه العربيه اللي داخلها مفتاح نورت فمعني كده انها فيها ايموبلايزر
مفيش اي حد من الشباب عاوز يساعد علي مراكز صيانه الكيا المعتمده والغير معتمده واسعار قطع الغيار

[Omar Sarray]

انا عندى اعلا فه سيراتو 2016 وفيها غير العلامه دى خالص فيها علامه دركسيون مقفول وسالت قاولى ايوه فيها امبولايزر

[borio1704]

انا عندى اعلا فه سيراتو 2016 وفيها غير العلامه دى خالص فيها علامه دركسيون مقفول وسالت قاولى ايوه فيها امبولايزر

قصد حضرتك أنهي صورة في دول؟؟









...

[ahmed1127k]

لا علامة الدريكسيون والقفل ديه مش عندي انا عندي علامه العربيه وداخلها مفتاح
ميين فيهم دليل علي وجود ايموبلايزر

[ahmed1127k]

يا جماعه كل المشاهدات ديه ومحدش يعرف مراكز صيانة

[Omar Sarray]

عندى العلامه دى وسالت قالولى فيها امبولايزر وله ده قفل دركسيون الله اعلم مع ان انها اعلا فئه 2016

[borio1704]

عندى العلامه دى وسالت قالولى فيها امبولايزر وله ده قفل دركسيون الله اعلم مع ان انها اعلا فئه 2016

العلامة دي معناها إن فيه مشكلة في الباورستيربنج... وغالبا بتنور لمدة ثانيتين تلاتة بعد ما تدور الموتور..

ما تنساش إن الباور بتاع العربية كهربا.

اتأكد تاني من وجود علامة العربية والمفتاح.. هتلاقيها في عداد الrpm جنب رقم 6 أو 7.


...

[aelsayed74]

يا جماعه كل المشاهدات ديه ومحدش يعرف مراكز صيانة

ادخل على موقع كيا مصر هتلاقى كل مراكز الخدمة للوكيل (فيه فى ابو رواش والمقطم عند منزل الاوتوستراد والقطامية) والمعتمدة زى السبع وبالنسبة للخليجى فيه مركز صيانة فى صقر قريش تحت الدائرى
بالنسبة لقطع الغيار ادخل صفحة كيا على الفيس واسأل على اى قطعة انت عاوزها هيردوا عليك بعد ٢٤ ساعة بالسعر

[Omar Sarray]

اه صح لقيت اعلامه موجود بلفعل وفيها علامه قفل دركسيون وفيها علامه امبولايزر الاتنين مش وحده عندى

[M.ABDOU]

بطريقه لا تكلفك اكثر من 5 جنيه فقط ممكن تتأكد ان عربيتك فيها ايمبولايزر او لا


ببساطه روح لاى حد بتاع مفاتيح عاديه واعمل مفتاح نسخه من مفتاح عربيتك بس طبعا مفتاح حديد العادى يعنى

تقدر تفتح بيه باب عربيتك


وحتحط المفتاح فى الكونتاكت وتحاول تدور عربيتك عاادى جداااا

حيحصل حاجه من اتنين


اما العربيه حتفضل تسمع منها صوت المارش فقط والعربيه مش حتدور ففى هذه الحاله يبقى فى نظام ايموبلايز فى عربيتك


او الحاله التانيه ان الموتور يقوم والعربيه تدور عاادى وساعتها يبقى مفيش ايموبلايز فى عربيتك


ده اختبار الايموبلايزر وعملته فى عربيتى للتأكد من فعاليه النظام بالرغم انا متأكد ان فى عربيتى ايموبلايزر بس حبيت اتاكد بنفسى

[Omar Sarray]

حضرتك انا عربيتى من غير مفتاح وفيها علامه الامبولايزر