محتاج نصيحه لوجه الله بسرعه

[salah012]

السلام عليكم يا جماعة الخير
محتاج النصيحه بارك الله فيكم
أمامى عربية سيراتو 2010 كامله هاى لاين ( فتحة سقف - بصمة - جنوط 17 - ستارت انجين - حساسات خلفية - فرش جلد ) فبريكة بالكاااامل وماشية 40 ألف كيلو فقط
ومطلوب 125 ألف
ايه رأيكوا فى السعر بالحالة دى
وهل فى مشكله فى الفتيس القديم ( 4 سرعات )
مع العلم انى مش من النوع اللى بيمشى بالعربية كتير ولا بسافر كتير
ارجو الرد السريع وجزاكم الله خيرا

[ahmedsrs]

السعر عالى ب 10 الاف جنيه لكن لو عجباك توكل على الله

[ahmed ahmed]

السعر عالي يافندم 15الف علي حاله العربيه
كمان الفتيس القديم صوت العربيه بيكون عالي
واستهلاك بنزين عالي ومفيهوش سرعات زي الجديد
والفتيس الجديد بيعلي سعر العربيه اكتر لانه ممتاز
زيت الفتيس4سرعات بيتغير علي40الف كيلو او قبلها بشويه
زيت ال6سرعات بيتغير علي100الف كيلو
سحب ال6سرعات والاستيبترونيك افضل بكتير من ال4

[عبدالله برعى]

ثمن العربية لو المواصفات كما ذكر 107 الي 110

[salah012]

جزاكم الله خيرا
طب ايه رأيكوا لو فكرت فى الينترا الشكل الجديد موديل 2012 او 2013

[Samah AbdAllah]

عفشة ال 2010 ناشفة وكان فيها مشاكل واتحلت مشكلة العفشة للسيراتو في الموديلات اللى بعد كده