عيوب كيا سيفيا اتوماتيك موديل 2000

[ahmedgamalmemo]

السلام عليكم ياشباب

انا قدامى عربيه كيا سيفيا موديل 2000 اتوماتيك عامله 45000 جنيه
انا لسه هاخلى الميكانيكى يبص عليها واعرف حالتها بالتفاصيل بس لو حالتها كويسه اتوكل على ربنا واشتريها ولا فيه مشاكل معروفه للسيفيا 2000 ؟
ارجو الافادة ياشباب عشان دى هاتبقى اول عربيه ليا
وياريت لو حد جربها يقولى اسعار قطع الغيار فى المعقول ولا غاليه ومتاحه ولا هادوخ على ما الاقيها

[ahmed ahmed]

كانت معايا مانيوال
والناس كانت دايما تخوفنا من سيفيا أوتوماتيك
بيقال فتيسها بيبوظ واعطاله كتير
لكن السيفيا عامة
عربيه اعتماديه
عائليه
سرعتها وشكلها وثباتها جيدين جدا
عيبها قطع غيار غاليه ومش متوافرة اوي
واطية علي الارض
البوية بتاعت العربيه وحشه بتتجرح بسهوله وبسرعه
الا لو كانت راشه ممتاذة
في العموم عربيه ممتاذه بالنسبه لسعرها وامكانياتها(شكل، سرعة، ثبات)

[leed]

كان معايا المنيول
ميزتها انها واسعه وثابته بس فقط لا غير دول الميزتين بس وخد بقا عيوب صاج خفيف مشاكل علطول في الكهربا والماتور قطع غيار يطلع عينك علي لما تلقيها وتلاقيها غاليه واطيه علي الارض شوف النوبيرا احسن