كيا سول ولا سيراتو ..

[Manchestrawy]

السلام عليكم

بقالي فتره محتار اجيب ايه في حدود 190 الف .. واستقريت ع السيراتو ولكن تراجعت بسبب موضوع السرقه المنتشر للعربية .. ف فكرت ف حاجه ف نفس الرينج لقيت الكيا سول وشكلها مبدأيا عاجبني .. ياريت حد من ملاكها يعرفني عيوبها ومميزاتها ..

شكرا

[shake]

متابع

[Rsarabia]

بلاش السيراتو خالص لان واضح ان الحرامية بيحبوها و الجديدة اللى بايميوليليزر بتتسرق بردو
السول عربية ممتازة جدا و لكن لو وصلت ل 190 الف انصحك بهيونداى كريتا شنطتها اكبر

[Manchestrawy]

الكريتا شفتها وشكلها الخارجي عجبني بس فقيرة جدا من جوا .. شبه الاكسنت بس على كبير ..

شكرا لاهتمامك يا فندم

[Hosam_Optrawy]

لو السيراتو بتتسرق يبقى السول هاتتسرق ، الاتنين فيهم ايموبليزر وصعب جدا يكاد يكون مستحيل يتسرقوا

السول عربيه شكلها مميز وصالونها واسع وارتفاعها مناسب عيبها الوحيد ان شنطتها صغيره

[borio1704]

السيراتو لو فيها إيموبيلايزر .. يبقى سرقتها هتبقى أصعب... بس مش مستحيل.. لإن اللي عايز يسرق هيتصرف وهيسرق.

نفس الكلام ينطبق على السول... وأنا شايف إن المسألة سمعة انتشرت والحرامية كمان ماشيين عالموجة.


من ناحية الفرق بين الاتنين.. فالفرق كبير لإن دي حاجة ودي حاجة تانية خالص..

السيراتو عربية سيدان.. حاجة كلاسيكية كده زي معظم العربيات اللي نعرفها من زمان... إنما السول ولا هي هاتش باك ولا هي SUV ولا ميني فان.. حاجة في النص وواخدة طابع شبابي خالص... يعني لو سنك بين 20-35 العربية هتبقى ممتعة بالنسبالك

شوف انت احتياجاتك إيه ونفسك في إيه بعيد عن أي حاجة تانية.. ساعتها هتعرف تختار.

وعدي على الموضوع ده كمان.. إن شاء الله ينفعك:

http://www.nilemotors.net/Nile/329150-a.html

[Manchestrawy]

لو السيراتو بتتسرق يبقى السول هاتتسرق ، الاتنين فيهم ايموبليزر وصعب جدا يكاد يكون مستحيل يتسرقوا

السول عربيه شكلها مميز وصالونها واسع وارتفاعها مناسب عيبها الوحيد ان شنطتها صغيره

انا متابع جروب ملاك السيراتو وللأسف بأيمبولايزر وبتتسرق في أقل 5 دقايق "شفناها ف اكتر من فيديو" .. انا متخوف من السول بسبب استهلاك البنزين العالي وقطع الغيار ..

[Manchestrawy]

السيراتو لو فيها إيموبيلايزر .. يبقى سرقتها هتبقى أصعب... بس مش مستحيل.. لإن اللي عايز يسرق هيتصرف وهيسرق.

نفس الكلام ينطبق على السول... وأنا شايف إن المسألة سمعة انتشرت والحرامية كمان ماشيين عالموجة.


من ناحية الفرق بين الاتنين.. فالفرق كبير لإن دي حاجة ودي حاجة تانية خالص..

السيراتو عربية سيدان.. حاجة كلاسيكية كده زي معظم العربيات اللي نعرفها من زمان... إنما السول ولا هي هاتش باك ولا هي suv ولا ميني فان.. حاجة في النص وواخدة طابع شبابي خالص... يعني لو سنك بين 20-35 العربية هتبقى ممتعة بالنسبالك

شوف انت احتياجاتك إيه ونفسك في إيه بعيد عن أي حاجة تانية.. ساعتها هتعرف تختار.

وعدي على الموضوع ده كمان.. إن شاء الله ينفعك:

http://www.nilemotors.net/nile/329150-a.html

انا كنت راكب صني وبعتها بسبب الحك ف المطبات .. ف اهم حاجه عندي ف العربية الي هجيبها يكون ارتفاعها كويس .. السول مناسبه بالنسبالي ف كل حاجه الا استهلاك البنزين بيقولو عالي و قطع غيارها قليله .. وشكرا ع رابط الموضوع

[Hosam_Optrawy]

انا متابع جروب ملاك السيراتو وللأسف بأيمبولايزر وبتتسرق في أقل 5 دقايق "شفناها ف اكتر من فيديو" .. انا متخوف من السول بسبب استهلاك البنزين العالي وقطع الغيار ..

خلى بالك في سيراتو خليجى كتير من غير ايموبليزر وغالبا هي دى اللى شوفتها في الفيديوهات بتتسرق

[Manchestrawy]

خلى بالك في سيراتو خليجى كتير من غير ايموبليزر وغالبا هي دى اللى شوفتها في الفيديوهات بتتسرق

اعتقد الهايلاين وكيل او خليجي لازم تكون بأيمبولبزر .. والجروب فيه اعضاء عربياتهم اتسرقت وفيها ايمبوليزر .. انت قلقتني ان السول ممكن تتسرق زي السيراتو

[borio1704]

اعتقد الهايلاين وكيل او خليجي لازم تكون بأيمبولبزر .. والجروب فيه اعضاء عربياتهم اتسرقت وفيها ايمبوليزر .. انت قلقتني ان السول ممكن تتسرق زي السيراتو

أستاذي العزيز.... مفيش عربية في الدنيا مش بتتسرق... الموضوع كله شهرة السيراتو ﻹنها كانت أكتر عربية اتباعت في مصر في ال5-6 سنين اللي فاتوا.




...

[Hosam_Optrawy]

اعتقد الهايلاين وكيل او خليجي لازم تكون بأيمبولبزر .. والجروب فيه اعضاء عربياتهم اتسرقت وفيها ايمبوليزر .. انت قلقتني ان السول ممكن تتسرق زي السيراتو

اى عربيه وكيل فيها ايموبليزر

الخليجى ممكن تبقى هاى لاين ومفيهاش عادى ، الوحيده اللى اكيد فيها اللى ب Start/Stop Button

مش قصدى اقلقك بس لو السيراتو بايموبليزر وبتتسرق بسهوله يبقى اى عربيه كيا او هيونداى تتسرق بسهوله

[svneleven]

اعتقد فعلا ان السيراتو عشان كتيره هتلاقي عدد العربيات اللي مسروق منها كتير عشان كده مسمعة و ممكن كمان الحرامية بيتعلمو يسرقوها و يتحايلو علي ال ايموبيلايزر عشان ديه عربية كتيرة و بيلاقي منها كتير أحسن ما يتعلم يسرق مثلا سوبارو و ما يلاقيش منها اتنين في الشارع. رايي اتوكل علي الله في العربية المناسبة ليك و ربنا ال ستار. لو الشنطة مش مشكلة بالنسبالك اتوكل علي الله في ال سول. شكلها حكاية و قعدتها مريحة وواسعة و عالية مش هتشيل هم المطبات. و لو اتجهت للشكل ده من العربات ممكن تفكر في ال سوبارو ال xv بس اقل فئة ب 220 الف.