اشترى سيراتو دلوقتى ولا استنى الشكل الجديد

[Hamed Omda]

كيا اعلنت ونزلت الشكل الجديد من السيراتو العربيه تقريبا نفس الشكل بس تغيير فى المصابيح والشبكة الاماميه وشكل الطارة لو مكانى وحابب السيراتو تستنى شويه ولا تجيب الشكل ده عادى
فعلا حاجة تحير

[Omar Sarray]

كيا سيراتو 2017 كان هدفها تكون فيس لفت تغير مش كتير بس بعدين اعلنت ان شكل ده رسمى وواضح ان الشكل الجديد من قدام واخد من كيا سيدونا واوبتيما هليط يعنى بس انا شايف 2016 احلا منها ودى اراء الشخصيه مش اكتر انا من راى اشترى فى وقت ده احسن متستناش شكل الجديد اى نعم شكل جديد حيكون فرق طفيف مش كتير والموتورو هو هو نفسه حينزل 130 حصان على 160 نيومتر منر بس انا من راى شخصيه يعنى شكل دلوقتى احسن واحلا انما الجديد تقريبا حينزل فى شهرين كده او شهر 5 ولو نزلت بشكل ده حتنزل بسعر احلا من 200 الف والله اعلم

[hugan]

دايما الجديد احلي

[Hamed Omda]

انا كنت هشترى النهارده خلاص :)))
بس بدور على النت لقيت الشكل الجديد ويمكن ينزل مصر قريب كمان شكل الطارة حلو والشكل الخارجى احلى شويه برضه بس هو الانتظار بقى صعب شويه
عموما لما تنزل هيكون الشكلين موجودين فى نفس الوقت واقدر لو فرق السعر كبير اجيب الشكل القديم برضه

[Hany Saad]

اللى بيفكر يشترى عربية جديدة يجيبها إمبارح مش حتى انهارده
كل حاجة فى السوق بتقول ان أستيراد السيارات هيخف جداً و الأسعار هتعلى قوى
نصيحة أشترى على طول و سيبك من تغيير الشكل بدل ما تندم و ما تقدرش تجيبها لعدم توافرها او غلو سعرها الرهيب
هذا رأى الشخصى و ربنا يوفق الجميع

تحياتى

[AhmedSalemz]

انا طبعا مع راي اللى بيقول اشترى النهاردة قبل بكرة لان الاقتصاد فى النازل والاسعار بتطلع كل يوم

يعنى عربيتى زادت 10 الاف فى 4 شهور بنفس الشكل وكل الامكانيات

[Colin Chapman]

الجديد

دايما الجديد احلي

الجديد

[Hamed Omda]

شئ محير فعلا
بين شكل جديد وبين اسعار مش مضمونه

[Omar Sarray]

المشكله حنستنا الجديد والاسعار حتغلا بلامعنى والسبب ان اى حاجه يقولك ضريبه بترول سعره زاد جمارك اقتصاد دوله ميستعحملش وتلاقى عربيه توصل 200 فى الميه بلاسبب او معنى يخليها توصل كده وهيا بره متجبش اصلا سعر ده وتيجى برا كامله مكمله والكمال لله وحده لنا الله يامصر ربنا الى عالم حتيجى شكل الجديد بكام وتوقعاتى توصل فوق ال200 الف