سبرتاج ٢٠١٧ الجديدة

[Magdynow]

انا نويت احجز كيا سبرتاج ٢٠١٧ gt الجديدة ،، وانا عمرى ما ركبت كيا او اتعملت مع توكيلها ،، بس العربية بصراحة شكلها حلو وجزاب وناس كتير خارج مصر بتشكر فيها ،،
يا ريت لو حد يقدر يساعدني ويقلي ايه نظام توكيل كيا في مصر هل هو توكيل محترم ومتوفر فية قطع الغيار واخبار الناس اللي شغالة فية ايه ؟؟
ويا ريت لو حد يعرف اي حاجة عن الاسبرتاج الجديدة يسعدني او يعرف حد اشترها وظهر فيها عيوب او اي حاجة ؟؟
وشكراً للجميع

[hanyghazal]

مبروك مقدما: طبعا التوكيلات فى مصر مش اد كده بس انا معايا سيراتو 2010 و بتعامل مع التوكيل 5 سنولت بصراحة توكيل كويس و محترم و يعتبر من افضل التوكيلات فى مصر مقارنة بالاباقى فى مصر. انا كان كل او اغلب تعاملى مع فرع ابو رواش و بصراحة انا بحترم الفرع ده ة الناس الى فيه محترميين . و حصل معايا مواقف كتيرة فى الضمان و اخذت كل حقوقى بمجهود بسيط يعنى برضو لازم تتكلم و تضغط شوية علشان تاخد حقككو لكن بصراحة خت كل حقوقى و علشان كده غيرات برضو السيراتو القديمة لسيراتو 2016 و اخترت طبعا وكيل علشان ضمان حقيقي. و ربنا يوفقك الى فيه الخير لييك

[Magdynow]

شكرا لزوقك و جزاك الله ﷻ خير

[man1974]

انا نويت احجز كيا سبرتاج ٢٠١٧ gt الجديدة ،، وانا عمرى ما ركبت كيا او اتعملت مع توكيلها ،، بس العربية بصراحة شكلها حلو وجزاب وناس كتير خارج مصر بتشكر فيها ،،
يا ريت لو حد يقدر يساعدني ويقلي ايه نظام توكيل كيا في مصر هل هو توكيل محترم ومتوفر فية قطع الغيار واخبار الناس اللي شغالة فية ايه ؟؟
ويا ريت لو حد يعرف اي حاجة عن الاسبرتاج الجديدة يسعدني او يعرف حد اشترها وظهر فيها عيوب او اي حاجة ؟؟
وشكراً للجميع

السلام عليكم ومبروك مقدما
حضرتك أول مرة تركيب عربية كيا حسب كلامك
يُفضل حضرتك تعمل تست درايف للعربية وده مهم جدا لأن العربيات الكوري تختلف عن اليباني والأوروبي، والإس يو في وكروس أوفر يختلف عن السيدان في الركوبة، دي نقطة مهمة


تاني حاجة موضوع البنزين مهم بردو هل العربية هاتخد بنزين 92 ولا 95؟ لأن أظن الموتور بتعها تربو، ولأن في بعض المناطق الـ 95 مش موجود خالص، موجود بس في القاهرة والإسكندرية حسب علمي

خش على مواقع الإنترنت واليوتويب والفيديوهات عن العربية، وشوف ردود فعل الناس على العربية وتعليقاتهم، الآراء الإيجابية والسلبية، وأدرسها كويس

وبالتوفيق إن شاء الله

[mohaismail]

معلش بس اسمحلى اقولك رأييى لمصلحتك من وجهة نظرى
العربية تمنها في التوكيل 365000 الف وكورى
ال bmw x1 الجديدة تمنها 400 الف المانى بالكامل
ال audi q3 ب 380 الف المانى بالكامل
ال Mercedes gla 200 اول فئة ب 370 الف المانى بالكامل
الفولكس فاجن تيجوان تمنها 349 الف المانى بالكامل .
فورد كوجا من 325000 حتى 396000 المانى بالكامل.
دى الفئة السعرية بتاعت السبورتاج وكلها اختيارات افضل بمراحل وربنا يوفقك في الاختيار الصحيح

[Magdynow]

معلش بس اسمحلى اقولك رأييى لمصلحتك من وجهة نظرى
العربية تمنها في التوكيل 365000 الف وكورى
ال bmw x1 الجديدة تمنها 400 الف المانى بالكامل
ال audi q3 ب 380 الف المانى بالكامل
ال mercedes gla 200 اول فئة ب 370 الف المانى بالكامل
الفولكس فاجن تيجوان تمنها 349 الف المانى بالكامل .
فورد كوجا من 325000 حتى 396000 المانى بالكامل.
دى الفئة السعرية بتاعت السبورتاج وكلها اختيارات افضل بمراحل وربنا يوفقك في الاختيار الصحيح

اكيد طبعاً عندك حق ،، بس للاسف الوضع في مصر بيجبرك علي اختيارات معينة ،،
وفي الوقت اللي احنا فية دة بزات محدش عارف يقيم عربية علي حسب سعرها كل يوم العربيات بتزيد ١٠ ، ٢٠ الف ،، ولا في ظابط ولا رابط للسعر ،، والتوكيلات عندنا كلها تعبانة وغير محترمة وكل اللي يهما المكسب فقط ، دون التفكير في الخدمة المقدمة للعميل ..
الميزة الوحيدة في الكيا انك لو اشترتها ومعجبتنيش سهل ابيعها واكسب فيها كمان ،، ودي ميزة كبيرة مش موجودة في عربيات كتير ،،
الله المستعان

[AHMEDJUDDY]

الف مبروووك

[AMRPEGAS]

هتسيب مرسيدس زيرو ولا بي ام زيرو علشان تركب كيا بلاستيك
حرام عليك

[Colin Chapman]

https://www.youtube.com/watch?v=JbzB42hmbxQ

[hosamfares]

انا بردو بأفكر في اس يو في بس قدام شوية
لازم طبعا تقارن بين العربيات المذكورة اعلاه في البوست ... مع العلم اني مليش في الكوري بس الكيا سبورتاج بالنسبه لكيا الجواد الرابح و بيركزوا كل جهدهم فيها
المقارنة هيبقى فيها
الافضل توكيلا
اعادة البيع و هي في صالح السبورتاج
البنزين لازم تتاكد منه
مقاس الكاوتش كل ما يكون جنبه اكبر كل ما يتحمل النقر و الطرق بتاعتنا
الاعتمادية في صالح الاسبورتاج بردو من ايام الشكل القديم
مصاريف الصيانة و خلافه أعتقد حتى لو غليت بس مش هتوصل للألماني
و بعد ده كله تشوف بقى الاوبشنس
لو دخلت على اليوتيوب هتلاقي مقارنات كتير ليها و هتلاقيهم بيشيدوا جدا بيها في اورويا

يظل في الاخر بعد ما تحتار بين المجموعه الرائعه دي كيا افضلهم توكيلا و العربية افضلهم في إعادة البيع