مساعدة فى شراء سيارة كيا جديدة رأى الخبراء مهم .

[engphp]

أولا مهما تحدثت عن الاستفادة الكبيرة من المنتدى هنا و الاعضاء و التفاعل مش هعرف اكفى و اوفى حقكم و بجد ربنا يجعلة فى ميزان حسناتكم كلكم و كل الاحترام ليكم و دعوة منى بظهر الغيب لكل من ساهم و تفاعل فى ايصال معلومة ساعدت ناس كتيير فى شراء سيارة او صيانة

انا بقى ناوى اشترى اول سيارة فى حياتى ملكى انا ان شاء الله
مش قادر اوصفلكم حجم الفرحة الى انا فيها

بعد زيارات لمعارض و البحث فى الانترنت و حتى زيارة بعض البنوك لمعرفة نظام القسط

وصلت اخيرا لمعرض سمير ريان و الى لقيت فية خيارات اكتر لانواع سيارات عجبتنى

طبعا ركبت كذا عربية لحد مفجأة و اول مركبت سيارة كيا
و حسيت انها بتاعتى و انها متفصلة لية

ركبت كيا ريو و كيا سيراتو

انا عاوز رايكم فى سيارات كير و ترشحولى اية من انواعها و اية نصايحكم

احنا اربع افراد انا و زوجتى و طفلين

كمان انا عايز ادفع نص ثمن السيارة كاش و الباقى قسط فاية رايكم و اية افضل بنك ممكن تصنحونى اقسط معاه من تجاربكم .

شكرا ليكم

[mr_green]

أولا مبروك مقدما و إن شاء الله تجيب إللى نفسك فيه

مبدأيا بلاش سمير ريان

ممكن تشوف بى أوتو محترمين جدا و إنت كده كده عارف الأسعار بره كام و ممكن تفاصل بسيط بس اليومين دول الدنيا والعه و محدش بيردا ينزل

المهم بلاش تجيب خليجى

طبعا سيراتو أفضل من ريو بس فلوسك هى إللى هاتحكم

التقسيط 50% مقدم بيكون الفايده أقل أعتقد على السمع إن بنك الإمارات دبي الوطني أسرع و أرخص حاجة حاليا مش متأكد

[pepo2011]

طالما اقتنعت بالكيا يبقي السيراتو افضل طبعا
ومبروك مقدما

[engphp]

أولا مبروك مقدما و إن شاء الله تجيب إللى نفسك فيه

مبدأيا بلاش سمير ريان

ممكن تشوف بى أوتو محترمين جدا و إنت كده كده عارف الأسعار بره كام و ممكن تفاصل بسيط بس اليومين دول الدنيا والعه و محدش بيردا ينزل

المهم بلاش تجيب خليجى

طبعا سيراتو أفضل من ريو بس فلوسك هى إللى هاتحكم

التقسيط 50% مقدم بيكون الفايده أقل أعتقد على السمع إن بنك الإمارات دبي الوطني أسرع و أرخص حاجة حاليا مش متأكد

شكرا جدا ليك و انا هعمل بنصيحتك و هسال تانى
لكن عاوز اعرف فين الاقى بى أوتو لانى مش عارفة

[engphp]

طالما اقتنعت بالكيا يبقي السيراتو افضل طبعا
ومبروك مقدما

شكرا ليك و ان شاء الله خير و هبقى اقولكم اشتريت اية و اصورلكم السيارة ان شاء الله

[mr_green]

بى أوتو ليه كذا فرع
المعادى و شيراتون إللى أعرفهم

بى اوتو

[Mohamedgam]

بلاش سمير ريان
كدابين وغشاشين

[engphp]

انا كلمت بى اوتو
و كمان فى معرض اسمة الليثى
و هروح اتفرج انهاردة

[hanyghazal]

بلاش سمير ريان
كدابين وغشاشين

هو حضرتك ليه قولت كده انا اشتريت من عنده و ناس محترمين. ممكن حضرتك توضحلى ايه المشكلة بعد اذنك؟؟

[Zezo1bs]

بلاش سمير ريان
كدابين وغشاشين

احكي اللي حصل انا ليسة شاري من عندهم من حوالي شهر تقريبا