مشكلة تقسيط سيارة - بجد حد يساعدنى

[engphp]

أولا انا كنت فرحان جدا لانى هشترى سيارة جديدة و كنت مستعد بشكل كبير ليها و لكنى فوجئت بمشاكل فى التقسيط

رحت سمير ريان عشان اقسط و لقيتهم رافضين انى اعمل نظام القسط بسبب انى مش موظف و لا معاية سجل و بطاقة ضريبية

حد يعرف حل

و بعدين انا عاوز سيارة نوعها
كياسيراتو توكيل و ليس الخليجى

و هل موضوع ال abs مهم لانه بيزود الفلوس جامد و بعدين انا رب اسرة يعنى مش هاخد العربية اجرى بيها او اعمل حركات بيها انا بسوق باحترام لانى كبير

[lancer06]

و هل موضوع ال abs مهم لانه بيزود الفلوس جامد و بعدين انا رب اسرة يعنى مش هاخد العربية اجرى بيها او اعمل حركات بيها انا بسوق باحترام لانى كبير

نظام abs يعني المكابح المانعة للأنغلاق وتقوم فكرة هذا النظام علي انه عند الضغط علي دواسة الفرامل بشكل مفاجيء فانه لن يتم وقف حركة الاطار بشكل تام ،لكن ما يحدث هو تجزئة هذه الضغطة الي عدة ضغطات في زمن قصير وهو ما يسبب شعور السائق بارتداد دواسة الفرامل عند الضغط بقوة عليها.

ويتيح هذا النوع من الفرامل القدرة على التحكم بعجلة القيادة أثناء الضغط عليها، حيث إنه يترك بعض المساحة للعجلة للتحرك وهو ما يتيح لقائد السيارة القدرة على الإنعطاف أو المناورة في نفس الوقت الذي يضغط فيه على الفرامل، إضافة إلى تقليل مسافة التوقف، خاصة على الطرق الزلقة بسبب الأمطار أو الرمال.

ويعتمد نظام الـabs على أربعة عناصر أساسية، هي حساسات السرعة التي تتواجد في كل عجلة من العجلات الأربعة، وتقوم بتنبيه النظام لحظة حدوث إنغلاق للقرص بعد ضغط السائق على دواسة الفرامل ، أما المكون الثاني فهي الصمامات، وتكون تلك الصمامات على دائرة الفرامل المحيطة بالإطار، لتقوم بالتحكم في فتح وغلق هيدروليكي بمساعدة مضخة هيدروليكية، على ثلاث مراحل، الأولى يكون فيها الصمام مفتوحا وبالتالي فإنّ قوّة الكبح تنتقل من دواسة الفرامل إلى التيل بشكل جزئي وليس كلي.أما الجزء الثالث فهو المضخة التي تعمل بالتعاون مع الصمام لتنظيم قوة الفرملة وتحويلها لأجزاء، والرابع هو وحدة التحكم الإلكترونية ووظيفتها تلقي المعلومات من الحساسات والتحكم بالصمامات.

وكثيرا ما يرتبط توافر ال abs بالسيارة بتوافر نظام ebd وهو نظام الكتروني مختص بتوزيع قوة الفرامل علي عجلات السيارة بناءا علي حالة الطريق وسرعة السيارة ومقدار حمولتها ، ويقوم هذا النظام بتوزيع ضغط فرامل اقل او اكثر علي العجلات لتحقيق افضل توقف للسيارة .

وقد اصبحا هذان النظامان تجهيزا قياسيا في العديد من السيارات لتمثل بذلك الحد الأدني لمواصفات الأمان بها .
منقول للإفاده

[mr_green]

ذى ما قولت لسيادتك قبل كده

بلاش سمير ريان و بلاش خليجى

و التقسيط لو هاتدفع 50% فمش هايحتاج منك ضمانات ذى السجل أو إثبات دخل (سالارى سليب)

[Mohamedgam]

بلاش سمير ريان برضه

[engphp]

اولا انا اتخانقت فى سمير ريان لانه طريقتهم كانت غريبة و بالتحديد فى التالى

1- حسيت انه مفيش حد مباشر فى كلامة و الى بنسمعة حمادة و بعد الشراء هنلاقى حمادة تانى خالص
2- لما قابلت بتاع ضمان الخليجى و قعد يتكلم و تدفع 2500 ل3 سنوات قلتلة و لو عيب صناعه (تنح)
3 انا هشترى كيا سيراتو و رحت الوكيل و قالى ابعد عن الخليجى لان عيوب الصناع مش مضمونة
4- لما سالت على الهدية لقيتها دواسات طبعا على كياسيراتو


انا كلمت بنك ابوظبى الاسلامى و سالتهم سؤالين من الاخر كده

هل هاخد تمويل فلوس و العربية انتم هتشتروها و انا هاخدها منكم
قالوا احنا هنشتريها و بعدين نبيعهالك
حلو حلو

طيب و هل فية غرامات تاخير على الاقساط

قالوا لاه مفيش غرامات تاخير على الاقساط لكن هتدفع حاجة اسمها 40 جنية تصدق
و دية بتدفع مرة واحد للقسط مهما اتاخر

طيب محتاجين حاجة منى
قالوا مفردات مرتب و عرض سعر السيارة و مقدم من 25% حتى 40%

طيب سؤال انا بقة

انهى معرض كويس فى المهندسين

شكرا

[mohamed 85]

لو حضرتك عايز تمويل اسلامى يبقى الأفضل بنك فيصل لأن بنك أبو ظبى عنده مخالفات اخرى مش فاكرها. بالرغم أن بنك فيصل عندهم شوية روتين ونسبة عالية فى الفايدة ولكن هم اقرب للتمويل الاسلامى والله اعلم.

[scientist9508]

بسم الله الرحمن الرحيم

الإخوه الأفاضل جميعآ

سأكتب كلمات قليله بعيده عن المجال الهندسى و عن السيارات.

لقد مررت بتجربة القسط قبلكم . . . و قضيت شهور و شهور من البحث الدقيق و سؤال أهل العلم و إليكم ملخص النتيجه.

1 - كل أنواع التمويل التى تقدمها البنوك (و لا أستنثى أى بنك) حرام صافى و ربا (منها الربا الخفى و منها الربا الصريح)

2 - شركتان فقط هما الذان يقدمان التقسيط الحلال و للأسف التقسيط ليس متاح لكل الموديلات . . الشركتين هما منصور شيفروليه و أباظه . . . أنت تقسط مباشرة معهم و البنك مجرد ضامن للسداد ليس إلا

بناءآ على كل ما سبق . . قررت التخلى عن فكرة التقسيط و إشتريت ماروتى صغيره كاش . . و لله الحمد . . ربنا مبارك فيها.

رحمنى الله و إياكم من الإحتراق بنيران الربا فى الدنيا و الآخره

السلام عليكم ورحمة الله و بركاته