Tweet
سلام عليكم, لى سؤال فى فتيس سيراتو 2016 , انا معايا سيراتو 2016 ماشية الفين كيلو لسة زيرو , لما بجيب الفتيس على الستيبترونيكس, بحس بالنقلات اكتر شوية عند لما بكون على ال d الاتوماتيك, و خاصا الاحساس بالنقلات ده فى الستيبترونيكس لما بنقل من الاول ل الثاتى و من الثانى للغيار الثالث بيبا الاحساس بالنقلات على الستيبترونيكس اكتر شوية من لما بتكون على الd, و بيبا الاحساس ده اعلى الستيبترونيكس لما بيكون الار بى ام على مثلا 3 و نص و لا حاجة , علشان متوهكوش, لافكرة ان الاحساس بنقلات الفتيس على الستيبترونيكس اكتر شوية من ال d, فهل ده طبيعى و لا انا كده عندى حاجة غريبة او مشكلة فى لافتيس فى الستيبترونيكس؟؟ شكرا
-
-
طبيعي جدا وما تقلقش
السبب في كده حاجتين...
أول حاجة.. في كل الفتايس الاستبترونك بيبقى موجود فيه كلتش زيادة بيعشق بمجرد التحويل على الوضع اليدوي... والكلتش ده بيمنع حركة محول العزم ويخلي الفتيس كإنه متوصل مباشرة للموتور زي الفتيس المانيوال العادي..
علشان كدة بتحس بكل الاهتزازات في الموتور كإنها بقت زيادة شوية..
تاني حاجة... فتيس السيراتو فيه السرعة التانية بالذات مهياش متناسبة مع السرعتين الأولى والتالتة... .. والموضوع ده أنا بعتبره قصور في التصميم من الأساس..
بس ما تقلقش... مالوش أي تأثير على الأداء خالص غير النتشة اللي بتحس بيها دي..
وعموما.. لو عايز تستمتع فعلا بالاستبترونك... أول ما تحول عليه خف رجلك من على دواسة البنزين لمدة أقل من ثانية واحدة .. وبعدين دوس بنزين زي ما تحب... واتفرج على سحب العربية.
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC] -
شكرا لاستشارى منتداناالمشاركة الأصلية كتبت بواسطة borio1704 مشاهدة المشاركة
هل ممكن نعرف الفكره من التصرف ده
تحياتىComment
-
المشاركة الأصلية كتبت بواسطة tasaka مشاهدة المشاركة
المعروف إن محول العزم بيعمل نوع من "التفويت" نظرا لطبيعة تكوينه وطريقة عمله اللي بتعتمد على نقل الحركة بالزيت... وبالتالي في المعتاد إنك تلاقي سرعة الموتور أعلى من سرعة عمود إدارة الفتيس بنسبة حوالي 5-10%
فتيس السيراتو متبرمج إنه يعشق الكلتش الزيادة اللي اتكلمنا عليه قبل كده لما يكون الفرق بين سرعة الموتور وسرعة الفتيس أقل ما يمكن.. حتى لو ما كنتش معشق الوضع اليدوي... علشان يحسن الأداء ويوفر بنزين... وأنا بحس بيه لما بيعشق فعلا وبلاقي كإن صوت الموتور قل بنسبة بسيطة بعد النقل على الرابع بالذات... خصوصا لو تسارع العربية قل شوية.
طبعا... مع تكرار الحركة دي هيحصل تآكل للكلتش.. وعلى فكرة هو بيشتغل بنفس فكرة اسطوانة الدبرياج العادي بس تحريكه بيبقى أوتوماتك.. وبيشتغل جوه الزيت (بيسموه wet clutch)
الفكرة بقى إني لما بخف رجلي "لحظيا" من على الدواسة بخلي سرعة الموتور هي نفسها سرعة عمود الفتيس... ودي أفضل لحظة الكلتش يعشق فيها علشان ما يحصلش تآكل فيها...
وده اللي بيفهمه الفتيس وبيعشق الكلتش في لحظتها... فناخد طاقة الموتور بالكامل بدون أي فقد أو إهدار.
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
-
شكرا للشرح الوافىالمشاركة الأصلية كتبت بواسطة borio1704 مشاهدة المشاركة
ممكن ايضاح اكثر للجمل باللون الازرق
على فكره حسب فهمى .. برضه نوع الزيت بيعمل ال Slipping المحسوب ده اثناء تعشيق الكلتشات .. و ده بيكون حسب ال Friction Modifier التصميمى بتاع الزيت .. ال SP3 افضل من الديكسرون 3 فى الموضوع دهComment
-
اتقف معاك الاخ بوريو وكلامك منع انى اكتب ولله تحياتى كلامك شامل ووفاى بوريوComment
Comment