الكارينز عملتها معايا

[Khaled_Nowaihy]

السلام عليكم ورحمة الله وبركاته
انا معايا كارينز 2010 مانيوال وعامل حوالى 92 ألف كيلو

العربية ساعات بتدور بصعوبة بعد 4 أو 5 محاولات لما تكون ساخنة ، حتى لو كانت مركونة فى الشمس
ولما تدور وأمشى بيها ألاقى السحب ضعيف جدا و السحب ينعدم تماما عند 4 rpm
مهما ادوس بنزين مفيش سحب خالص

وساعات تشتغل عادى جداً بدون أى مشاكل

وسمعت عدة فتاوى مختلفة من الأصدقاء :
وساخة بنزين
فلتر بنزين
طلمبة بنزين
اسطوانة الدبرياج

مع العلم إن البطارية جديدة وشغالة كويس

ممكن تكون المشكلة بسبب إيه ؟

[hi_nmr]

فلتر بنزين

[ehab_osman]

السلام عليكم ورحمة الله وبركاته
انا معايا كارينز 2010 مانيوال وعامل حوالى 92 ألف كيلو

العربية ساعات بتدور بصعوبة بعد 4 أو 5 محاولات لما تكون ساخنة ، حتى لو كانت مركونة فى الشمس
ولما تدور وأمشى بيها ألاقى السحب ضعيف جدا و السحب ينعدم تماما عند 4 rpm
مهما ادوس بنزين مفيش سحب خالص

وساعات تشتغل عادى جداً بدون أى مشاكل

وسمعت عدة فتاوى مختلفة من الأصدقاء :
وساخة بنزين
فلتر بنزين
طلمبة بنزين
اسطوانة الدبرياج

مع العلم إن البطارية جديدة وشغالة كويس

ممكن تكون المشكلة بسبب إيه ؟

السلام عليكم ورحمة الله وبركاته
كيف الحال يا استاذ خالد
اولا حال البوجهات ايه + اسلاك البوجهات وصله كويس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثانيا فلتر البنزين اخباره ايه غيرته امتي + هل تنتظر لنفاذ البنزين حتي تمون بنزين ؟

[ehab_osman]

ثالثا وممكن كمان العيب في الانجشن في سدد في دورة البنزين .
رابعا فبرة الكونتكت تكون باضت ( وانا استبعد ده تمام )

[salam100100]

هل استهلاك البنزين زياده عن حده؟

فى طريقه اسمها Clear Flood Mode لاداره العربيه
وهى انك بتدوس بنزين للاخر- بالطريقه دى انت بتدى اشاره للكومبيوتر انه ميشغلش الرشاشات
وبعد كدا بتدور- اول مالعربيه تدور شيل رجلك من على البنزين

بيستخدموه لما يكون فى احتمال ان المحرك غرقان بنزين (شرقانه) عشان كدا مش بيدور ودا بيكون بسبب رشاشات مسيله او شى اخر مثل TPS sensor

لو فعلا العربيه وهى سخنه بتاخد وقت عشان تدور جرب الطريقه دى لو لاحظت ان فى تحسن ممكن يكون عيب رشاشات
ولو فعلا فى تحسن- هات منظف الرشاشات من محطه البنزين حطه وفول بنزين وتابع المشكله- يمكن يجيب نتيجه لما التنك يخلص- قصدى ممكن يجيب نتيجه بعد شويه كتار 400 كم مثلا

[Khaled_Nowaihy]

السلام عليكم ورحمة الله وبركاته
اليكم آخر المستجدات فى هذه المشكلة:
- حصل مرتين ان العربية تبطل وحدها وأنا واقف فى الاشارات والعربية ممورة ، ودارت بعد عدة محاولات
- وبعد ما تدور السحب بتاعها شبه منعدم وآخر العربية فى السحب على 4000 rpm
- فى اليوم التالى .. العربية تدور وتشتغل عادى جدا وماشية عادى جداً كأن مافيش حاجة حصلت !!!!

اتصلت بأحد مراكز الخدمة المعتمدة ورحت لهم
المهندس دماغه راحت على اسطوانة الدبرياج و أنا لم أقتنع بالكلام ده
اتصلت بالتوكيل أعطونى ميعاد بعد أسبوعين ، قلت بركة يا جامع ، أنا أساساً مستحرم أسعار المصنعية بتاعتهم آخر استهبال ولا سيما ان ضمان العربية انتهى

المهم رحت لميكانيكى كنت اتعامل معاه زمان وحكيت له ع اللى حصل
من غير ما يبص أو يكشف قال لى : طلمبة بنزين وفلتر
قلت له ليه طلمبة بنزين ؟ كفاية الفلتر
قال لى طالما العربية بطلت من نفسها كده يبقى الطلمبة وقفت وامداد البنزين قطع

تم تغيير طلمبة البنزين والفلتر والعربية تحت التجربة حاليا والفيصل فى هذا حدوث العطل مرة تانية

ها نزل الصور وأستفتيكم فى رأيكم بخصوص اسلوب صيانة العربية ونعمل معاها ايه بعد انتهاء الضمان

والى لقاء قريب

السلام عليكم ورحمة الله وبركاته
كيف الحال يا استاذ خالد
اولا حال البوجهات ايه + اسلاك البوجهات وصله كويس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثانيا فلتر البنزين اخباره ايه غيرته امتي + هل تنتظر لنفاذ البنزين حتي تمون بنزين ؟

وعليكم السلام ورحمة الله وبركاته
أزيك يا أستاذ إيهاب ، الحال تمام والحمد لله وكل سنة وحضرتك طيب
البوجيهات تم تغييرها فى صيانة ال 70 ألف ، وسحب العربية فى الحالة الطبيعية ممتاز

فلتر بنزين

أشكرك للاهتمام والرد يا صديقى، فعلا الفلتر طلع مسئول عن جزء من المشكلة

هل استهلاك البنزين زياده عن حده؟

فى طريقه اسمها Clear Flood Mode لاداره العربيه
وهى انك بتدوس بنزين للاخر- بالطريقه دى انت بتدى اشاره للكومبيوتر انه ميشغلش الرشاشات
وبعد كدا بتدور- اول مالعربيه تدور شيل رجلك من على البنزين

بيستخدموه لما يكون فى احتمال ان المحرك غرقان بنزين (شرقانه) عشان كدا مش بيدور ودا بيكون بسبب رشاشات مسيله او شى اخر مثل TPS sensor

لو فعلا العربيه وهى سخنه بتاخد وقت عشان تدور جرب الطريقه دى لو لاحظت ان فى تحسن ممكن يكون عيب رشاشات
ولو فعلا فى تحسن- هات منظف الرشاشات من محطه البنزين حطه وفول بنزين وتابع المشكله- يمكن يجيب نتيجه لما التنك يخلص- قصدى ممكن يجيب نتيجه بعد شويه كتار 400 كم مثلا

أشكرك للاهتمام والمساعدة يا صديقى،
بالنسبة لاستهلاك البنزين لم يتغير وثابت
أنا حطيت قريب منظف الرشاشات ويمكن يكون هو السبب فى اللى حصل للعربية والله أعلم
واتكلمت عن تجربة استخدامه فى الموضوع ده :

http://www.nilemotors.net/Nile/475915-a.html

[ehab_osman]

اخبار طرمبة البنزين ايه ؟؟؟؟؟؟؟؟؟؟؟؟؟
سؤال هو انت غيرت فلتر البنزين قبل كده ولا ديه اول مرة ؟؟؟؟

[Khaled_Nowaihy]

عملتها تانى

اخبار طرمبة البنزين ايه ؟؟؟؟؟؟؟؟؟؟؟؟؟
سؤال هو انت غيرت فلتر البنزين قبل كده ولا ديه اول مرة ؟؟؟؟

بالنسبة لطلمبة البنزين: لغاية النهارده (الثلاثاء 28/6) كانت العربية كويسة و100%
النهارده بقى مروح من الشغل العربية دارت عادى بدون أى مشاكل
الجو كان حار وشغلت التكييف عادى جدا
انما السحب مافيش خالص والعربية بتنتش لما باوصل 4000 rpm والسحب ينعدم تماما مهما دست بنزين
طبعا بالاضافة الى التحرك من الثبات بصعوبة ولازم أكبس بنزين عشان العربية تتحرك !!!!

سـألت الميكانيكى قال لى لازم نغير بوجيهات وفلتر هواء وننظف البوابة

بالنسبة لفلتر البنزين تم تغييره مرتين فى صيانة 40 و 80 ألف
البوجيهات أيضا تم تغييرها فى صيانة ال 80 ألف
والعربية حاليا عاملة 93 ألف

هامشى مع الميكانيكى للآخر وهاشترى البوجيهات والمنظف ونشوف ايه اللى ها يحصل

ولو فشل هاروح التوكيل وأمرى لله

[Khaled_Nowaihy]

الظاهر انها بباين !!!!!

السلام عليكم ورحمة الله وبركاته
.
.
بعد ما غرمت ثمن طلمبة بنزين وفلتر بنزين اتغير قبل ميعاده ب 7000 كم
وبعد ما غيرت طقم البوجيهات وفلتر الهواء قبل ميعادهم ب 7000 كم برضه
المشكلة طلعت فى موبينة من البباين اللى بيركبوا على البوجيهات !!!!

ملحوظة : موبينة جمعها بباين ههههههه
.
الميكانيكى بعد ما ركب البوجيهات وقام بتنظيف البوابة بمنظف خاص ودور العربية لاحظ ان فيه موبينة ضعيفة وهى سبب انهيار السحب لما العربية بتكون سخنة
حتى انه قال لى مصطلح ماكنتش اسمعه من أيام ما كان معايا ال 128 .... قال لى (العربية متلتة)
.
والعربية فيها 4 بباين ، موبينة راكبة فوق كل بوجيه والمشكلة هنا تحديد أنهو موبينة اللى بايظة ومحتاجة تغيير !!!!
ودى مشكلة لأن حتى على جهاز الكمبيوتر لايمكن تحديد الموبينة البايظة
وكان حصلت المشكلة دى مع واحد صاحبى معاه هيونداى أكسنت وبتوع التوكيل غيروا له ال 4 بباين

نزلت اشتريت موبينة من عند الجندى ب 320 جنيه والميكانيكى ركبها على أول بوجيه وقال نجرب ....
طيب، آدينى با جرب لما نشوف العربية هاتعمل ايه فى الوضع ده
لو ظهر العيب تانى يبقى نجرب نحط الموبينة الجديدة على البوجيه التانى بدل الأولانى .... وهلم جره

الفلتر القديم وعلبة طلمبة البنزين الجديدة




طلمبة البنزين القديمة ومكتوب عليها هيونداى




فلتر البنزين القديم بعد ما طلع من ال housing بتاعها




فلتر البنزين والطلمبة بتركب داخله فى تجويف اسطوانى مقاسها بالضبط



عملية تغيير البوجيهات ونلاحظ ان البوجيهات فى مكان غويط جداً داخل جسم الموتور وبتركب عليها البباين




الميكانيكى بيطلع البوجيه من مكانه بواسطة سلك ممغنط


البوجيهات القديمة .... ودى كان مفروض تتغير بعد 7000 كم ، لكن منظرها يصعب ع الكافر

[ehab_osman]

يا خالد ابقي صور لينا البوبينة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وقول لنا اخبار العربية ايه ؟؟؟؟؟؟؟؟؟؟؟؟؟؟؟؟

وكل سنة والجميع بخير بمناسبة عيد الفطر المبارك

[Khaled_Nowaihy]

يا خالد ابقي صور لينا البوبينة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وقول لنا اخبار العربية ايه ؟؟؟؟؟؟؟؟؟؟؟؟؟؟؟؟

وكل سنة والجميع بخير بمناسبة عيد الفطر المبارك

كل عام وأنتم بخير وعربياتكم سليمة ههههههه

عملتها تانى أمس الإثنين 4 / 7 وانا راجع من الشغل برضه
العربية دارت عادى بدون مشاكل وبعد حوالى ربع ساعة وانا واقف فى إشارة بطلت لوحدها 3 مرات !!!!

وكانت فى كل مرة بتدور من ثالث أو رابع محاولة
والسحب ضعيف جداً

واكتشف الحل المؤقت : لما تعملها وتبطل لوحدها وبعد ما أدورها أقوم طافيها تانى وأدورها تانى !!!!
ساعتها بتدور عادى ولا كأن حاجة حصلت
وعجبى

دى صورة البباين

[Khaled_Nowaihy]

آخر فتوى سمعتها من متخصص بعد ما كشف عليها بالكمبيوتر:
حساس الكرنك
رحت اشتريته ب 350 جنيه من عند الجندى واتركب النهارده


العربية تحت التجربة وربنا يتمها على خير

[major123]

استاذ خالد انا عربيتي كارنز 2010 مانيوال وعندي تقريبا نفس المشكلة وغيرت كل حاجة ومازالت المشكلة موجودة فلو وصلت لحل برجاء ابلاغنا .

[kh_fawzy]

ممكن تنظف حساس الماب

[Khaled_Nowaihy]

استاذ خالد انا عربيتي كارنز 2010 مانيوال وعندي تقريبا نفس المشكلة وغيرت كل حاجة ومازالت المشكلة موجودة فلو وصلت لحل برجاء ابلاغنا .

ده احنا دفعة واحدة هههههه

العربية جربتها 3 مرات بس بعد تغيير حساس الكرنك
والحمد لله ما ظهرتش المشكلة

العربية حاليا مركونة عشان أنا مسافر ولما أرجع واجربها أسبوع كده ونشوف

إن شاء الله خير

لو كنت حضرتك غيرت حساس الكرنك وما جابش نتيجة يبقى احتمال محتاج تغير حساس الكامات كمان والله أعلم

و دى صور حساس الكرنك