نصيحة عاجلة لشراء سياره اليوم

[Tom Hanks]

السلام عليكم ورحمة الله وبركاته

ان شاء الله نويت اشترى عربية جديدة وكنت فكرت فى السيراتو الفيس ليفت الجديد 2017 الفئة الثانية وسعرها 230 الف و النترا الشكل الجديد 2017 هاى لاين (الفئة الرابعة) وتقريبا سعرها بردو 230 الف وانا فى زحمة الاختيار لقيت معرض بيبيع الصنى الشكل القديم ال ex الاوتوماتيك موديل 2016 ب 165 الف .. والعربية الصنى دى انا بعزها جدا وعارف ان فى فرق كبير بين ( الصنى ) و( الالنترا والسيراتو )..

النصيحة اللى محتاجها أتوكل على الله واشترى انو واحدة فى ال3 دول وهل فعلا السيراتو والالنترا يستاهلو فرق ال 65 الف زيادة ولا أخلينى فى الصنى القديمة أضمن .. وكمان الصنى هجيبها كاش ولو سيراتو او النترا هقسط الباقى .. نصيحة لوجه الله عاجلة

[AHMEDJUDDY]

كيا سيراااتو طبعاااااا ،،،،
الالنترا مسترخم شكلها و شكلها قريب من القديمه ،،، انسي الصني دي خاااااالص ارجوك .. دي تقفيل مصري ،، ليا واحد صاحبي معاه نفس الشكل اللي بتتكلم عنه و كان ماشي و فرمل فجاه و الدركسيون مستقيم ولا جه يمين ولا شمال و العربيه عملت منه خمسه و كانت هتتقلب بيه ،،، ابعد عن اي حاجه تقفيل مصري ،،، نصيحه لوجه الله و كمان الصني نزل منها شكل جديد بعد اللي بتتكلم عنها و كمان فيس ليفت فحرام تدفع المبلغ ده في عربيه زي دي و لو حبيت تبيعها هيتقال عليها نزل موديلين بعدها و هتسمع اسعار هتزعلك اوي اوي ،،، هات السيراتو و دلع نفسك بموديل سنه جايه 2017 و سعرها فيها و كمان ممكن كمان سنتين ثلاثه الدولار اكيد هيعلي و هتبيعها بأعلي ما اشتريتها و كمان استعملتها سنتين ثلاثه ...

[AHMEDJUDDY]

و لو هتقسط سعر السياره و السيراتو فعلا عجبتك و ناوي عليها ،، و امكانياتك تسمح هاااات اعلي فئه و دلع نفسك ...

[Omar Sarray]

جيب سيراتو 2016 مش فيس لفت لو لقيت احلا وشكل جنط احلا كمان من فيس لفت 2017

[adorehearts]

إتكل على الله واشتري سيراتو 2016 ، بلاش الفيس ليفت ، الشكل القديم كمالياتها كتير وكله دلع ما شاء الله تحس انك راكب مرسيدس كلاس ، بالتوفيق