استفسار بخصوص فتيس سيراتو 2010

[noraoo7]

بس استفسار لعشاق السيراتو
هل من الممكن تغير فيتيس السيراتو اوتوماتيك
من 4 سرعات القديم بالاحدث 6 سرعات
وما الفرق بينهم من حيث الوقود والاهم عزم السياره
وشكرا

[Dr.M_baz]

فرق الوقود غير ملحوظ ...عزم السياره و الاحساس بالنقلات في الست سرعات احسن.
انا معرفش بصراحة اذا كان ممكن تركب ده مكان ده.

Sent from my SM-N9005 using Forum Runner

[borio1704]

أعتقد إن الفتيس الجديد يركب عادي جدا لإن الموتور في موديلات 2010 و2011 هو نفسه ما تغيرش... بس الحقيقة معنديش فكرة عن التعديلات الكهربية اللي ممكن تكون حصلت.

بالنسبة للفروق...

- فرق استهلاك البنزين لصالح الـ6-سرعات على السرعات المتوسطة... إنما داخل المدينة وفي الزحمة الـ4-سرعات أوفر... بس الفرق مش كبير.

- التسارع عموما لصالح الـ6-سرعات

- الفتيس الـ6-سرعات مفيهوش مقاس للزيت... وما بينقصش... مجرد متابعة للتسريب بالكشف في الصيانة الدورية بس.

- زيت الفتيس في الـ6-سرعات مختلف (atf sp-4) وما ينفعش تستخدم ده مطرح ده... والزيت ده بيتغير كل 100 ألف كيلومتر في الحالات الشاقة... على عكس الفتيس الـ4-سرعات.. الزيت بتاعه (atf sp-3) وبيتغير كل 40 ألف كيلومتر.

الـ6-سرعات بشكل عام أفضل.


...

[noraoo7]

مشكور اخى الكريم على التوضيح
وشكرا على معلومه تغير الزيت

[عمرو سعد الدين]

صباح الخير انا معايا كيا سيراتو 2010 منوال وعايز احولها اوتوماتيك 6 سرعات ينفع ولا لا

مشكور اخى الكريم على التوضيح
وشكرا على معلومه تغير الزيت

صباح الخير انا معايا كيا سيراتو 2010 منوال وعايز احولها اوتوماتيك 6 سرعات ينفع ولا لا سنه 2018 وتتكلف كام بالواصلات الكهربائيه والعدادات وكل حاجه ومنين انا من الهرم وشكرا

[عمرو سعد الدين]

سيراتو 2010 منوال

لو العربيه مش مستحب تغيير فتيس اوتوماتيك ليها انا عندي العربيه منوال كل ما اجي انقل ناقله من الاول مثلا للثاني على rpm 3 الاقي العربيه على الناقله الجديده الrpm تحت ال2 بيتن ال1 و ال 1.5 والعربيه بترجرج ثنه لحد ما الrpm يطلع لل2 العربيه ترجع تمام والكلام فى نفس الناقلات بين ال 2 و ال3 والفتيس بيعض فى كل الناقلات تقريبا مع اني لسه مغير طقم دبرياج اصلي من التوكيل في صقر قريش

[borio1704]

لو العربيه مش مستحب تغيير فتيس اوتوماتيك ليها انا عندي العربيه منوال كل ما اجي انقل ناقله من الاول مثلا للثاني على rpm 3 الاقي العربيه على الناقله الجديده الrpm تحت ال2 بيتن ال1 و ال 1.5 والعربيه بترجرج ثنه لحد ما الrpm يطلع لل2 العربيه ترجع تمام والكلام فى نفس الناقلات بين ال 2 و ال3 والفتيس بيعض فى كل الناقلات تقريبا مع اني لسه مغير طقم دبرياج اصلي من التوكيل في صقر قريش

حضرتك متأكد إنك بتجيب الثاني؟؟؟

أصل الحكاية دي ما تحصلش إلا إذا جبت الرابع بعد الأول مباشرة


...

[عمرو سعد الدين]

لا بتعض فالغيارات كلها وبتعمل كده بين النقلات الاول والثاني و الثاني والثالث وساعات تبقي تمام فهل بيتغير زيت فتيس منوال للسيراتو 2010 او ماستر !

[عمرو سعد الدين]

وهل لو غيرت الزيت او الماستر العربيه هترجع تمام ولا هتعمل تاني كده

[عبدالله برعى]

لا يفضل فعل ذلك .....الافضل تغيير السيارة بفتيس 6 سرعات....