يا جماعه انا معايا كيا بيكانتو 2012 حد يفيدنى بعد اذنكم

[Magdy amir]

ياجماعه العربيه تمام لما بتكون بارده مجرد ما بتسخن من المشى و كدا الموتور بيسخن جدا و المروحه بتشتغل لكن مبتفصلش انا فضلت اعد جانبها نص ساعه المروحه شغاله مبتفصلش لان العربيه مولعه رغم ان لمبه الحراره مش منوره انا معنديش مؤشر لكن هى لمبه و لما بتسخن كدا بتاثر على السحب و بتبدا انها تتخنق و تسقف فى الطلعه على الغيار الاول او على التانى و لو شغلت التكييف فى الظروف دى بيسقع و الكمبروسر شغال لكن لو فصل الجو بيبقى حر رغم ان التكييف شغال انا مش فاهم فى ايه ليه سخنه اوى كدا و ليه المروحه اعدت كل الفتره دى ؟؟؟ حد يفدنى دا ممكن يكون من ايه العربيه الزين بتاعها تمام الميه تمام و لسه عامله صيانه ال 50.000

[م/أحمد عبد الفتاح]

هل هى كانت كده قبل الصيانة ولا بدأت الموضوع ده بعد الصيانة ؟وايه اللى تم فى الصيانة ؟

[Magdy amir]

ايه احسن حاجه ازود بيها ميه الردياتير ميه من الحنفيه ولا ميه خارجه من خرطوم التكييف ؟؟؟؟

[Magdy amir]

هل هى كانت كده قبل الصيانة ولا بدأت الموضوع ده بعد الصيانة ؟وايه اللى تم فى الصيانة ؟

اه قبل الصيانه كانت بس مش كدا بالتحديد الموضوع بدا فى مره و هى لسه 49000 و شويه ان لمبه الحراره نورت مره واحده بقيت اسبها تبرد و بعد كدا اكمل روحت بيها سبتها قالولى حاجه اسمها ايدل و تنضيف بوابه و غيرو سرموستات المروحه لانها اتحرقت حتى ساعتها العربيه باتت عندهم اكتر من 3 ايام و فضلو يجربوها و لما وحت استلمتها قالى تمام احنا غيرنا و ظبطنا كدا تمام و انت جرب لو ظهر حاجه تعال و من ساعتها مظهرش حاجه الا دلوقتى و انا عامل 52000 يعنى بقالى 3000 كيلو كانت طبيعيه بس و الصيانه تغير زيت و فلتر بس

[م/أحمد عبد الفتاح]

طيب مستوى المية انت بتقول كويس يبقى إحتمال كبير إن ثرموستات الكوعة قافش وهو قافل وعلشان كده بيسخن العربية - وعموماً المشى بيها كده حايبوظ حاجات تانية كتير واولهم الثرموستات وبعد كده المشاكل حاتخش عالجوان والموتور فماتمشيش بيها كده إلا وانت رايح لميكانيكى كويس متخصص فى العربيات دى يفكلك الثرموستات ويكشف عليه وده بإنه يحطه فى حلة ميه سخنة لدرجة الغليان ويسيبة شوية وبعدين يحطة فى مية باردة عادية ويشوفه هل فيه حركة (القلب بيتمدد وينكمش يعنى) ولا ثابت لو كان مافيش تغيير بين المية السخنة والباردة يبقى باظ وتغيره على طول.

[Magdy amir]

ايه ده فعلا ؟؟؟؟ بس انا مشفتش مستوى الميه معلش انا اختلط على الامر انا شفت الزيت لكن مشوفتش ولا عمرى فتحت اصلا اشوف الميه انا طول عمرى بوديها الصيانه بس كبيرى اشوف الزيت لكن اصلا معرفش ازاى اشوف الميه اعمل ايه عشان اشوف الميه ؟؟؟؟ و هل هى ممكن تكون السبب ؟؟

[م/أحمد عبد الفتاح]

ممكن تكون المية ناقصة - الصبح قبل ماتدور العربية افتح وشوف المية ناقصة ولا تمام ولو ناقصة ومعندكش سائل تبريد بنفس اللون اللى فى العربية كملها بمية مقطرة او من التكييف مؤقتا لغاية ماتشوف هل السخونة راحت ولا لأ - اوعى تفتح الغطا بتاع المية والعربية سخنة لازم تكون باردة خالص

[Magdy amir]

ممكن تكون المية ناقصة - الصبح قبل ماتدور العربية افتح وشوف المية ناقصة ولا تمام ولو ناقصة ومعندكش سائل تبريد بنفس اللون اللى فى العربية كملها بمية مقطرة او من التكييف مؤقتا لغاية ماتشوف هل السخونة راحت ولا لأ - اوعى تفتح الغطا بتاع المية والعربية سخنة لازم تكون باردة خالص

الميه مش ناقصه و نضفت فلتر الهوا و كله تمام و الزيت تمام طب هل الموضوع ليه علاقه بالتكييف لو فيه مشكله ممكن يسخن العربيه يخليها تبرجل او تسقف ؟؟

[م/أحمد عبد الفتاح]

إكشف على ثرموستات الكوعة قبل أى شئ

[tasaka]

ايه ده فعلا ؟؟؟؟ بس انا مشفتش مستوى الميه معلش انا اختلط على الامر انا شفت الزيت لكن مشوفتش ولا عمرى فتحت اصلا اشوف الميه انا طول عمرى بوديها الصيانه بس كبيرى اشوف الزيت لكن اصلا معرفش ازاى اشوف الميه اعمل ايه عشان اشوف الميه ؟؟؟؟ و هل هى ممكن تكون السبب ؟؟

ايه احسن حاجه ازود بيها ميه الردياتير ميه من الحنفيه ولا ميه خارجه من خرطوم التكييف ؟؟؟؟

عربيتك 2012 .. يعنى بقى لها 4 سنين او اكثر و ماشيه 50 الف

اسأل المركز اللى انت بتعمل صيانه عنده .. هل غيرها قبل كده ام لا ؟

لو لم تغير الميه قبل كده .. يبقى ده ميعاد تغييرها .. لان خواصها بتتغير مع الزمن و الاستخدام

تشوف الكتالوج و اسم الميه بالظبط و التركيز المطلوب ليها كام .. و تأخذ هوا الدوره بعد تغيير الميه



لو حصل قبل كده انك زودت ميه حنفيه على ماء التبريد الاصلى .. ده ممكن يعمل مشاكل موش بسيطه

بالتوفيق