كيا ريو ٢٠١٣ لمبة الاعطال بتعمل فلاش والربيه مابتدورش

[Abdomohamed]

لو سمحت ياباشا انا عندي مشكله بقالها يومين
عربيتي كيا ريو 2013 كنت ف الشغل بيها امبارح وانا مل شويه لازم انزل من العربيه وارجعل اشغلها تاني عشان بتنقل كتير اول مافتحت الكونتاكت ظهرة لمية الاعطال وبتدي فلاش ولما افتح الكبوت والكونتاكت مفتوح بسمع صوت تكتكه والعربيه مابتدورش سبتها 5 دقايق بجرب تاني اشتغلت
اتحركت بيها حوالي 100 متر وسبتها 5 دقايق ورجعت اشغلها تاني نفس المشكله وبردو افضل احاول معاها اشيل المفتاح من الكونتاكت واسيبها شويه وهكذا لحد ماتشتغل روحت لميكانيكي ف المنصوره بعتني لمهندس كشف ع العربيه بالكمبيوتر كان ف عطلين startup relay march
وعطل تاني مش فاكره المهم العربيه دارت عنده ومشيت بيها ووقفت وانا ف الطريق راجع لشغلي
اجربها اطفي العربيه واحط المفتاح ف الكونتاكت الاقي مافيش فلاش من لمبة الاعطال وتشتغل عادي
المهم رجعت المشكله بعد مرتين او تلات مرات استنيت عليها ورجعت اشتغلت
رجعت بيها للمهندس حطها ع الكمبيوتر تاني ومافيش اعطال بس بردو المشكله موجوده قالي دا تقريبا كنترول فصل الكنترول بتاعي وجرب علي كنترول تاني العربيه اشتغلت تمام قولت اتطمن بردو واسال حد تاني روحت بيها للتوكيل بردو فحصوها بالكمبيوتر ونزلو سوفت وير جديد وقالي جرب مافيش بعدها 5 دقايق وانا ف الطريق قولت اجربها تاني رجعت المشكله
دلوقتي تصليح الكنترول دا علي كلام المهندس 1000جنيه والجديد 3500
سؤالي هل المشكله مشكلة كنترول لان حرام اغرم الفلوس دي كلها وتبقي حاجه تانيه
لان انا لاحظت ان لما العربيه تعمل المشكله دي اسيبها شويه وتشتغل تاني
وبردو دورت علي مواقع اجنبيه كل كلام الناس كان علي حاجات تانيه

[tasaka]

يعنى هى لمبه الاعطال بتنور معاك و بتعمل فلاش وانت ماشى بالعربيه .. و لا ده بيحصل و انت واقف بس اثناء التدوير

و دائما لما تكشف اعطال لازم تعرف الاكواد اللى طلعت علشان حد يساعدك هنا ان امكن

[Abdomohamed]

لمية الاعطال بتعمل فلاش اول مافتح الكونتاكت والعربيه ماتدورش افضل احاول معاها لحد مايروح الفلاش وتدور العربيه عادي
مافيش اي مشكله ف العربيه وانا ماشي بيها لا علامة check engine ولا حراره ولا ف اي تغيير ف اداء العربيه
انا الصراحه مش فاكر الاكواد بس متاكد من عطل واحد ظهر ع الكمبيوتر
March startup relay
بس المهندس قالي حتي العطلين اللي ظهرو ع الكمبيوتر ماتعملش المشكله اللي عندك

[م/أحمد عبد الفتاح]

غير ريليه المارش start up relay الاول ولو فضلت على كده يبقى الاحتمال التانى كارتة الكونترول للاسف - الريليه ده بيبقى موجود فى الغالب فى علبة الفيوزات وتغييره سهل جدا زى الفيوزات - والرسمه بتاعة الريليهات والفيوزات واماكنها بتبقى موجودة على غطا علبة الفيوزات من جوه او من بره وجرب برضه الاول تشيله من مكانه وتنضف رجليه بصنفرة ناعمة وتركبه تانى كويس وشوف الاخبار ايه لو منفعش يبقى تغيره كتجربة يمكن تنفع معاك ويكون هو السبب

[Abdomohamed]

ماشي نجرب وارد عليك ياباشا