سيراتو 2012 العربية بتحك فى اي مطب محتاج رأيكم فى الموضوع الى هحكيه ده

[rock_we9]

السلام عليكم ورحمة الله وبركاته


ازيكم يا جماعه انا معاى سيراتو 2012 العربيه كانت كويسه جدااا لحد ما بقيت لظروف معينه بسافر بأستمرار المهم وانا ماشى بالعربيه بسرعه وباخد الحفر الى بقيت منتشره فى كل حته فى مصر بقيت بسمع زي صوت طرقعه كده ناحيه المساعد اليمين الى قدام دلوقتى العربية كل ما امشى ويبقى معايا اى حد فى العربيه (3 اشخاص مثلا ) العربيه تحك فى المطبات فى اى مطب

مش عارف اعمل ايه روحت لواحد قالى ارفعلك العربيه شويه بس انا بصراحه قلقت لان انا بسافر بأستمرار وخايف يكون موضوع ان ارفع العربيه ده مقلق

محتاج نصيحه ولو حد يقولى ورش تكون محترمه فى القاهرة بس مش التوكيل علشان انا قرفت من التوكيل بصراحه

[amr011111]

هل غيرت المساعدين من ساعة ما جبت العربيه ولا لاء
والسيراتو منتشره من زمان ومعظم الصنايعيه حافظينا وفيه مراكز خدمه كتير وبالتوفيق

[rock_we9]

هل غيرت المساعدين من ساعة ما جبت العربيه ولا لاء
والسيراتو منتشره من زمان ومعظم الصنايعيه حافظينا وفيه مراكز خدمه كتير وبالتوفيق

لا ما غيرتهاش خالص هى عامله 40 الف دلوقتى ومعلش انا اصلا خبرتى ضعيفه فى حكايه العربيات فبخاف يضحك عليا من الصنايعيه

[Omar Sarray]

بس من الاخر حكايه سيراتو تحك مطب اه تتحك بس فين على المصفحه من نص العربيه مش ف موتور ولا شكمان لا ف نص العربيه بتتحك ف مصفحه ومش بتاثر على المصفحه هيا شركه عملاها كده لمعظم الدول العربيه فقط ومن ضمنها مصر وللعلم لو روحت برا امريكا هتلاقى سيراتو 2012 و2016 و17 من تحت مفهاش مصفحه اصلا وهتلاقى مصفحه من بدايه نص العربيه لغايه قبل شكمان كده والعربيه ارفاعها 14 سنتى فقط وده عيب سيراتو بصراحه

[rock_we9]

بس من الاخر حكايه سيراتو تحك مطب اه تتحك بس فين على المصفحه من نص العربيه مش ف موتور ولا شكمان لا ف نص العربيه بتتحك ف مصفحه ومش بتاثر على المصفحه هيا شركه عملاها كده لمعظم الدول العربيه فقط ومن ضمنها مصر وللعلم لو روحت برا امريكا هتلاقى سيراتو 2012 و2016 و17 من تحت مفهاش مصفحه اصلا وهتلاقى مصفحه من بدايه نص العربيه لغايه قبل شكمان كده والعربيه ارفاعها 14 سنتى فقط وده عيب سيراتو بصراحه

يعنى الرفع ده ما فهوش مشاكل اصل سمعت انه فيه مشاكل يا باشا

[Omar Sarray]

ترفع العريه فى البنزينه تقصد وله ايه تقصد عشان اجمع معاك صح وحتى لو ترفعها انت لو شايف العربيه فيها حاجه لا قدر الله روح اى بنزينه واثق منها او معروفه زى موبيل شيل وقولهم عاوز ارفع العربيه اشوفها فيها حاجه وله لا انما كلمه يرفعوها وتبوظ ازاى تقصد رفع حاجه تانى مثلا

[lancer06]

ترفع العريه فى البنزينه تقصد وله ايه تقصد عشان اجمع معاك صح وحتى لو ترفعها انت لو شايف العربيه فيها حاجه لا قدر الله روح اى بنزينه واثق منها او معروفه زى موبيل شيل وقولهم عاوز ارفع العربيه اشوفها فيها حاجه وله لا انما كلمه يرفعوها وتبوظ ازاى تقصد رفع حاجه تانى مثلا

عزيزى
المقصود بالرفع هنا تعليه العربيه عن الارض
وهو بيخل بثبات العربيه على السرعات لو عليت كتير
بتاع العفشه هيفلك المساعدين اللى ورا هيفكهم من مكانهم بس مش هيخرجهم من العربيه وهيرفع مكان تثبيتهم سنه بسيطه
ودا بيفيد ان لما تحمل العربيه بأفراد او غيره العربيه مبتبقاش واطيه قوى فمبتحكش فى المطبات
الخلاصه على حاجه بسيطه فمش هتبقى مؤثره

[tasaka]

تعليه العربيه عن الارض يخل بثبات العربيه على السرعات .. و انت بتسافر كتير .. بلاش الموضوع ده حتى لو موش بتسافر كمان

اكشف على المساعدين و السوست .. و شوف بعدها تغيرهم ام لا حسب حالتهم

[Omar Sarray]

اه فهمت كده موضوع رفع ده عمرى ماعملتها ولا اى عربيه ف عيلتى عملوها الحمدلله ولو على موضوع مساعدين وسوست اكشف عليهم احسن ف توكيل او حد تعرفه واثق منه وكويس

[rock_we9]

شكرااا جدااا تسلمو يا شباب بجد ربنا يبارك لكم

يبقى فعلا زى ما الناس قالتلى ان موضوع رفع العربيه ده مش امان

هروح اكشف على المساعدين وربنا يسهل (تنصحونى بايه لو المساعد طلع عايز يتغير ايه النوع المفضل )

[Omar Sarray]

الشكر لله وحده وطمنه على العربيه اول باول هنا واكشف على العربيه وشوفها وانشاءالله مفيش اى مشاكل تذكر تحياتى ليك

[borio1704]

رفع العربية ممكن تلجأ له في حالة واحدة بس... إن سست العربية تكون قديمة وبدأت تنضغط .. وبالتالي العربية أساسا بدأت توطى على الأرض..

علشان تتأكد... أغلب العربيات بتعمل مسافة الخلوص بين العجلة والرفرف في حدود مسافة "قبضة يد"..

فلو قفلت إيدك (على شكل قبضة) وحاولت تدخلها بين العجلة والرفرف ولقيتها ما دخلتش... ساعتها ممكن تلجأ لـ"العلايات" الكاوتش دي كـ حل مؤقت بدل ما تدفع ثمن سست جديدة.




...

[rock_we9]

رفع العربية ممكن تلجأ له في حالة واحدة بس... إن سست العربية تكون قديمة وبدأت تنضغط .. وبالتالي العربية أساسا بدأت توطى على الأرض..

علشان تتأكد... أغلب العربيات بتعمل مسافة الخلوص بين العجلة والرفرف في حدود مسافة "قبضة يد"..

فلو قفلت إيدك (على شكل قبضة) وحاولت تدخلها بين العجلة والرفرف ولقيتها ما دخلتش... ساعتها ممكن تلجأ لـ"العلايات" الكاوتش دي كـ حل مؤقت بدل ما تدفع ثمن سست جديدة.




...

اه فعلا عندى المسافه بين الرفرف والعجله قلت جدااا لدرجه ملحووظه

[tasaka]

رفع العربية ممكن تلجأ له في حالة واحدة بس... إن سست العربية تكون قديمة وبدأت تنضغط .. وبالتالي العربية أساسا بدأت توطى على الأرض..

علشان تتأكد... أغلب العربيات بتعمل مسافة الخلوص بين العجلة والرفرف في حدود مسافة "قبضة يد"..

فلو قفلت إيدك (على شكل قبضة) وحاولت تدخلها بين العجلة والرفرف ولقيتها ما دخلتش... ساعتها ممكن تلجأ لـ"العلايات" الكاوتش دي كـ حل مؤقت بدل ما تدفع ثمن سست جديدة.




...

بصراحه في حاجات تنفع فيها حلول مؤقته ( لفتره قصيره ) .. و فى حاجات لا

من وجهه نظرى اتزان العربيه مينفعش فيه حلول مؤقته .. لانه مصدر خطوره

و بالاكثر فى حاله صاحب الموضوع .. بيسافر كتير بصفه مستمره

[Alking99]

متابع