مشكلة فى كيا برايد هاتشباك 98

[ليل صالح]

كل سنة وانتوا طيبين ورمضان كريم
انا اشتريت كيا برايد هاتشباك 98 من يومين لكن لاحظت دخنة سوداء كتير بتطلع من الشكمان وكمان بتبطل وهى واقفة على السلانسية
ياريت لو حد يعرف المشكلة فين

[borio1704]

اللي حضرتك شايفه ده احتراق غير كامل.. والموضوع محتمل له أكتر من سبب..

على العموم.. راجع على الحاجات دي:

- فلتر الهوا نظيف أو جديد
- استخدم منظف لدورة الوقود لإزالة الأوساخ من سكة البنزين ومانيفولد السحب..
- لو العربية كاربيراتير.. راجع على ضبط الخليط (نسبة الهواء للبنزين).. ولو العربية إنجكشن راجع على البخاخات
- نظف بوابة الهوا (سواء في الكاربيراتير أو الإنجكشن)
- اتأكد من سلامة دايرة الإشعال (الكهربة):

- الموبينة.. هل هي سليمة ولا بتقطّع..
- البوجيهات سليمة ومناسبة للموتور..
- أسلاك البوجيهات مفيهاش حاجة بتسرب كهربا..
- ولو العربية كاربيراتير.. اتأكد من أهم حاجة.. الأبلاتين والكوندنسر جداد ومضبوطين كويس..

العربية على ما أعتقد كاربيراتير .. مش كده؟؟


وكمان ما تنساش البنزين...

افتكر كده ممكن تكون عبيت بنزين قريب والحاجات دي حصلت بعدها...

لو كان كده يبقى البنزين اللي حطيته مغشوش.. عليه مية... ولازم تفضي التانك بالكامل


...

[ليل صالح]

انا روحت للميكانيكى ونظف الكاربيراتير والبوجيهات كانت سودة نظفها هى كمان وغير جوان غطاء التاكيهات وغيرت فلتر الهواء وفلتر البنزين والدخانة السودا اختفت لكن اتحولت لدخانة بيضاء لكن نسبتها بسيطة جدا ومازالت تبطل منى خاصة عند المطبات