السيفياويه

[max_ziro]

يا جماعه ماكس نفسوا مش نازل واللهى وقلى مش هينزل يعنى محدش يفكر انوا مش هينمزل عشان حد اعتذر ده واد نصاب

ماشى يا عم عص ...
هوريك

[KIA_SEPHIA_2001_K]

وانا موافق يا سيدى ومعنديش مانع اهو هلاقى حد ارخم عليه على الطريق بس على فكره انا سوقت ىوحشه اوى ومبعرفش اسوق خالص

ها لسه عاوز تروح الاسماعليه معايا ولا ايه

[EZABY]

أولا ازيكوا كلكوا
انا بقالي فتره كبيره تقريبا مبدخلش خالص عالمنتدى وفعلا رووم الكيا اكتر حاجه وحشتني في المنتدى
المهم
متيجوا نفتح صفحه جديده ونعمل مقابله للسيفياويه الاسبوع ده

انا حاسس اننا لو فضلنا نحاول نتفق هنقعد سنين ومش هنتقابل
فعشان كده انا هعمل مبادره

الخميس الجاي اللي هو 16/7 الساعه 8 بليل على قهوة بدايه ورا جامعة الازهر جنب قسم تاني مدينة نصر

مين قال جاي

[EZABY]

ايه يا رجاله
مفيش اي رد

[ads]

بص يا سيدى العربية دى من الاخر روعة انا بعشقها بنزين تقريا سفر 6 لتر لل 100 كم جوة المدينة مش عارف بس انا بمون ب 50 جنية مثلا بيعدوا اسبوعين او اكثر يعنى متوسط اسبوعين قطع الغيار ب النسبة للجديد معرفش اوى لان كل تعاملى للقطع الاستيراد انضف من الجديد انما مثلا طقم حشو الاسكاترة لازم يبقى جديد و دة ب 110 جوان وش سلندر 50 جنية جوان وش تاكيهات 35 جنية
المتور الكامل ال1500 او 1600 ب 2200 مكن يزيد 100 او يقل 100 دة المتور الفاضى انما الكامل يعنى ب طرمبة الباور و التكيف و الدينامو ب 3000 الدينامو لوحدة ب 200 طرمبة الباور 350 او 400 طرمبة التكيف 400 ل 500 المساعد 150 الكوبلن 150 و طبعا دى الاسعار الى من الاخر يعنى فاصل لحد متوصلة كدة قالك لا سيبة وامشى
و لقدرالله النص ب 4500 او 5000 دة النضيف الى يقولك 13 او 14 الف دة احدفة بطوبة و امشى الصيانة ممكن تخليها توكيل وتريح دماغك لان المتور بتاعها مش اى حد يشتغل فية العربية فيها حساسات كتير بس ماشاء الله عليها ادائها رائع الى معايا 1500 جايب بيها ال190 ماشاء الله عليها اة الفتيس بتاعها الوتو مثلا ب 3000 المانيول ب 1500
و لو عندك اى سؤال تانى انا فى الخدمة يا باشا


انما ب النسبة لل99 الاوتو الى قدانم هى العربية نفسها ماشاء الله عليها انما الفتيس الوتو بتاعها مبيستحملش
يعنى من الاخر لو انت شاب مش هبنفعك خالص و لو رجليك تقيلة يبقى برضة بلاش انما لو مشيك عادى يعنى حنين و سوقت اوتو قيل كدة يعنى رجليك متعودة على طريقة السحب البطيئة بتاعتة يبقى كدة تمام و ربنا يباركلك فيها يا معلم ...
انا فى الخدمة يا باشا ..

حضرتك عملت علبه الدريكسيون فين وايه النتيجه معاك