البيكانتو الخليجى !!!

[Ahmed Hamdy]

يا جماعة ايه رأيكوا فى البيكانتو الخليجى ؟؟
بصراحة بتاعة الوكيل دى قرعة والفول أوبشن بتاعتها مش محصلة هاف أوبشن .. الخليجى بتنزل بحاجات أكتر بكتير .. بس مش عارف .. كان فى ناس بتقول ان العربيات الخليجى عموما بتبقى عفشتها مش حلوة .. العربيات اللى بتنزل تبع الوكيل بيبقوا منزلين مواصفات خاصة للعفشة لكى تناسب الطرق "الناعمة المسفلتة الممهدة بتاعتنا " .. فهل هذا الكلام صحيح ؟؟
النقطة التانية ممكن يتعملها صيانة فين ؟؟ هل ممكن فى التوكيل عادى ؟؟ ولا فى مراكز صيانة كويسة غير التوكيل ؟؟

[Ahmed Hamdy]

ايه يا جماعة محدش عنده معلومات عن الموضوع ده خالص ؟؟

[MEMES]

هى فعلا حلوه بس غاليه انا شوفتها ب72الف

[askoda]

go for sirion one :):)

[Bassim]

الخليجي ذي الفلللللللللللللللل،،والعفشة هي هي بظبط
أنا جبت الفل أبشنس وكيل وفعلاً قرعة جداً وندمان
الوكيل بيدخلو العربيات الخليجي عادي وبتتحاسب عادي
النقطة الوحيدة بس هي الضمان ،،،يعني،،،،لو حصل لقدر الله وأن حاجة باظت بسبب عيب صناعة .
أنا اشجعك عل خليجي وربنا يوفقك فأختيارك

[youssefmustang]

الخليجى نازل معاها
Abs Ebd Airbag Cd/mp3
لكن موضوع العفشة ده معرفوش
اخوكم يوسف

[Ahmed Hamdy]

هى فعلا حلوه بس غاليه انا شوفتها ب72الف

دى أتوماتيك ..
لكن فى منها اسعار كتير أنا شفتها مرة فى معرض بـ 62 .. فيها الكاسيت الأصلى وإير باج ..
وفى معرض كان منزلها بـ 57 بس معرفش فيها ايه ..

وهكذا يعنى ملهاش سعر ثابت ..

[Ahmed Hamdy]

الخليجي ذي الفلللللللللللللللل،،والعفشة هي هي بظبط
أنا جبت الفل أبشنس وكيل وفعلاً قرعة جداً وندمان
الوكيل بيدخلو العربيات الخليجي عادي وبتتحاسب عادي
النقطة الوحيدة بس هي الضمان ،،،يعني،،،،لو حصل لقدر الله وأن حاجة باظت بسبب عيب صناعة .
أنا اشجعك عل خليجي وربنا يوفقك فأختيارك

لو الوكيل بيدخلها عادى يبقى مفيش مشكلة .. إنما موضوع الضمان مش مهم أوى .. ملهوش لزمة غير لو فى عيوب صناعة .. ومسمعتش عن عيوب صناعة فى البيكانتو بصراحة ..

[tamirjacko]

انا معايا خليجى والعربية زى الفل وبعدين الخليجى بينزل باير باج وسى دى وام بى ثرى والاير باج لوحدة شوف المفروض يفرق كام فى ثمن اى عربية ..والتوكيل فعلا بيدخل العربية عادى وياريت اكون افدتكم

[haniii]

ممكن
سوال انا عايز اعرف فين تباع البيكانتو الخليجى
واسعارها كام
وفى معارض متخصصة فى بيع السيارات الخليجى

[telarius]

انا إشتقت فعلاً لمواصفات الخليجى دى....محدش يوصى بمكان نشوفها؟

[jilan]

هتﻻقى بيكانتوا خليجى فى المعارض ديه :
1- اﻻحمدى موتورز - شارع ذاكر حسين ، مدينة نصر - جنب عز العرب وفاصل ممكن توصل ل 56 الف ، انا وصلت معاه للسعر ده
والكماليات :
1- تكييف
2- باور-
3- كاسيت سى دى
4- اير باج
5- سنتر ( بكود )
6- فوج ﻻيت

2- معرض فور برازرز ( عند انبى - وانت طالع على حى السفارات )
برضه خليجى ب 56 ونص ، بس مفيهاش اير باج وﻻ سنتر

[A.Saad]

فيه اتنين معانا مبدلين علبة دركسيون فى البيكانتو

[M.ABDEEN]

البيكانتو عموما مشكلتها العفشة ازاي ؟؟؟؟؟؟؟
العفشة ناشفة يعني بتحس باي مطب بيتاخد وده انا اتغلبت عليه جزئيا بالنيتروجيين لكن محسوس برده ولكن بصورة اقل
والنشفان ده مدي للعربية بصراحة ثبات لغاية سرعة 140 كلم وتحس كمان بنشوفية العفشة في مطبات الهواء ......
لكن اجمالا العربية كويسة وانا من مفضلي وجود ضمان للعربية وخاصة لو جديدة

[sara2001]

فيه اتنين معانا مبدلين علبة دركسيون فى البيكانتو

المشكله دي في موديل 2009 ولا 2010
وكنت عايزه اعرف محدش يعرف التغيير في شكل موديل 2010 ايه؟