صور سايبا برايد الجديده وموقف غريب جدا فى جناح الشركه

[ahmed_wbt]

بالرغم انى كنت عايز اقاطع المعرض لكن ظروف عملى فى احد المجلات ارغمتنى على تغطيه المعرض

اليكم الاول صور العربيه وبعدين هحكى لكم على موقف غريب جدا حصل لى فى جناح ناشيونال موتورز

مبدئيا انطباعى عن العربيه انها نص نص

الخامات فى مستوى متوسط واقل من الخامات اللى موجوده فى البرايد العصفوره فى المستوى

التقفيل سئ جدا وواضح قوى فى الفروق بين قطع التابلوه والسلوك والمسامير الواضحه فى كل مكان وبشكل مستفز جدا

وخصوصا تحت الدركسيون واللى تعمدت اصوره هتشوف كل السلوك اللى قلبك يحبها بمجرد نظره عين واول ما تفتح الباب

مفصلات الابواب والشنطه سيئه جدا وحركه الشنطه خصوصا محتاجه ترفعها لفوق وتتشعبط فيها لغايه ما تتقفل

غير كدا الفرش كويس قوى والمساحات الداخليه جيده جدا والشنطه حجمها اكبر من اى عربيه فى الفئه دى فعلا

نقطه كمان دايقتنى قوى

حوض العربيه كله اسلاك وشريط لحام و الدنيا ملغبطه جدا فيه ومع ان الموتور 1300 الا انك تحس انك قصاد عملاق ولا حاجه من كتر البهدله وعدم النظام فى حوض العربيه

الموقف اللى حصل اثناء تصويرى للعربيه كالاتى

انا دخلت الجناح مع اثنين من زملاء العمل واحد منهم من مجله سيارات مشهوره جدا فى مصر واحنا الثلاثه كارنيهات المجلات والمعرض واضحه جدا على صدرنا وبالبنط العريض

مع ان تصويرى للعربيه مش محتاج ابدا انى اكون فى المجال ده ومن حق اى زائر ولكن انا بلفت نظركم لرد الفعل الغير مبرر تماما من مدير التسويق

فتحنا العربيه ووقفنا نتكلم شويه وبعدين بدات اصور العربيه طبعا قطعه قطعه

فوجئت اثناء تصويرى للتابلوه وبعد حوالى 5 صور جوا العربيه ان احد العارضين فى الجناح ( سمعت من ناس معانا انه مدير التسويق والله اعلم ) جاى يجرى بمعنى الكلمه ناحيتنا وبيقولى انت ايه اللى انت بتعمله حضرتك ده

وانت بأى حق تصور كل قطعه فى العربيه كدا !!!!!

خير يعنى هو فى ايه ؟

طبعا احنا استغربنا جدا جدا من رد الفعل الغريب ده

رد عليه الاخ بتاع المجله المشهوره بان هو فى ايه احنا تبع مجله كذا وعيب اللى حضرتك بتعمله ده احنا بنصور العربيه لشغل مش جايين نتفسح ومش بنصورها علشان نعمل واحده فى البيت زيها مثلا

رد بكل عصبيه ان التصوير ميكنش كدا وبالاسلوب ده وحضراتكم كدا بتصورو بشكل غريب جدا ده الاستاذ مش سايب حته الا لما صورها

طبعا بما ان الجدال مع اخ زى ده مع احترامى ليه ملوش فايده خدنا بعضنا ومشينا من الجناح فى الحال وقولتله عندك حق العربيه دى متستاهلش يتكتب عنها اصلا

الموقف يحرق الدم فعلا ومبرره الوحيد من وجهه نظرى ان الراجل عارف عيوب التقفيل اللى واضحه فى العربيه وفهم ان الصور دى بغرض الكتابه عنها لكن التعامل كان بأسلوب مرفوض تماما ولولا انه قلق من حته اننا تبع مجله وكنا ناس عاديين مش بعيد كان قال هاتو الصور ولا حاجه

منتظر رأيكم فى العربيه عامه من خلال الصور وارجو ان التصوير يكون وضح كل اجزاء العربيه لأن اضطريت ابعت واحد تانى خالص يصور الحوض لأنى مكنتش لحقت اصوره

[A.Saad]

انا هنالك كلمت واحد من المبيعات وقلت له ان شكل خامات الاجزاء فى الحوض متوسطة المستوى فقاللى يعنى هيا سعرها 46500 مش هيكون فيها حاجات غالية
قلت له الالتو نفس السعر بس حاجاتها احسن فسكت
واحلى حاجة
ان اى تيكت فى العربية مكتوب بالفارسى

[ahmed_su]

اولا اشكرك على مجهودك المميز

والصور الرائعة التى اظهرت العربية

بالتفصيل والذى اظهر المستوى المتوضع

لتلك السيارة والتى لاتستحق هذا المبلغ

بهذا التقفيل والخامات الغير جيدة والواضح جدا فى شكل

البلاستيك والتابلوه وفرش الابواب فكيف الحال فى باقى

المكونات الاخرى من محرك والات جر وتعليق ...الخ

ومش عارف لامتى هيفضل المستهلك المصرى

محروم من سلعة جيدة وبسعر معقول وبالفعل العربية لا ترقى

للعربية العصفورة القديمة والتى كانت ولازالت افضل من

هذه العربية الايرانية

وطبيعى جدا اللى عمله بتاع المبيعات لانه عارف

انه بيبيع عربية شكلها ايه!!! وتخيل انت اذا كانت

هذه العربية جيدة التصنيع والتقفيل كان دعاك لتصويرها

مش العكس.

اشكرك مرة اخرى

[LONLY]

أخى العزيز شكرا على المجهود وبالنسبة للأخ المستفز بتاع التسويق ده أوعى تشغل بالك بواحد زى ده ماهو لو كان بيفهم كان أشتغل فى توكيل محترم بس ما علينا نيجى بقى للسيارة أنا شايف أن الشريحة المستهدفة هتكون هى نفس الشريحة إللى كانت بتدور على ال128 و طبعا بالنسبة ليهم ما فيش حاجة أسمها عيوب تقفيل ولا مراكز صيانة ولا الحاجات دى خااااالص (دى كلها حاجات بسيطه وبعدين ياسيدى هو أنا شارى بى أم) المهم بس ميعاد الأستلام وياترى بتأخذ بنزين 80 ولا لأ؟؟ بس ما تحطش فى دماغك الموقف بتاع مدير التطفيش ده لو كان مدير أصلا؟؟

[A.Saad]

انا على فكرة برده لاحظت حاجة
المسامير
يعنى الكونسول اللى فى نصف التابلوه تحت عند الكاسيت مثبت بمسامير بورده وباينيين عادى جدا
مكلفوش نفسهم يحطوهم تحت غطا

[MoToRiZeR]

يا باشا في بلدنا الحبيبة لازم في كل مكان يطلعلك واحد يعمل فيها وزير الداخلية .

يعني إحنا في مقابلة دايهاتسو الأخيرة كنا في دريم لاند طلعولنا كدة برضه و بيقولولنا إنتوا إزاي تصوروا العربيات كدة ؟! (عربياتنا الخاصة!!) و إنتوا تبع مين و ده ممنوع و أخدوا النمر ! زي ما يكونوا قفشونا بمخدرات مثلا! بس طبعاَ روقناهم تمام و عملنا شكوي رسمية في الإدارة .. انا رأيي مش هتخسر حاجة لو إشتكيت الشئ اللي قالك متصورش كدة في الإدارة بتاعته عشان بس الكائنات دي متنتشرش، هي مكالمة تليفون، و تكون مكالمة هادئة و لكن حادة جداَ من طراز لو مش فاهمين في التسويق قولوا عشان منجيلكوش لا إحنا ولا اللي نعرفهم و خليلكوا عربياتكم.

المشكلة إن هو اللي محتاجك تصور أصلا مش إنت اللي محتاجه ..

ما علينا .. تحيا مصر .

[hossam_chixo]

اولا انا بشكر استاذ احمد على هذا التقيم الجيد شكلا ولكن مضمونة
من الواضح ان حضرتك متحامل شوية على العربية
بص يا استاذ احمد انت لو تبصلها بالعقل مفيش سيارة زيرو الفئة السعرية لها مثل هذة السيارة و مثلا تجد جودة خاماتها متساوية مع مثيلاتها فى الفئة السعرية الاعلى منها مثلا السيراتو و الياريس البونتو كلاسيك دة مثلا
لكن من وجهة نظرى انا رايى متشابهة مع الاستاذ (لونلى ) ان الشريحة المجتمعية الباحثة عن سيارة فى مثل تلك الشرائح لا يهمها الجودة العالية للخامات فمبالك هذة السيارة بها باور و تكييف و زجاج كهربة الى حتى 128 2009 الى 45000 مفيهاش حتى زجاج كهربة ولا حتى بور او هاف باور
و هذا رايى ان هذا السيارة سوف تجد اقبال بس هى عاوزة شوية دعاية و هتلاقى ناس كتير جايباها

[kliken]

شكرا على مجهودك

[ahmed_wbt]

اولا اشكرك على مجهودك المميز

والصور الرائعة التى اظهرت العربية

بالتفصيل والذى اظهر المستوى المتوضع

لتلك السيارة والتى لاتستحق هذا المبلغ

بهذا التقفيل والخامات الغير جيدة والواضح جدا فى شكل

البلاستيك والتابلوه وفرش الابواب فكيف الحال فى باقى

المكونات الاخرى من محرك والات جر وتعليق ...الخ

ومش عارف لامتى هيفضل المستهلك المصرى

محروم من سلعة جيدة وبسعر معقول وبالفعل العربية لا ترقى

للعربية العصفورة القديمة والتى كانت ولازالت افضل من

هذه العربية الايرانية

وطبيعى جدا اللى عمله بتاع المبيعات لانه عارف

انه بيبيع عربية شكلها ايه!!! وتخيل انت اذا كانت

هذه العربية جيدة التصنيع والتقفيل كان دعاك لتصويرها

مش العكس.

اشكرك مرة اخرى

بالظبط يا استاذ احمد هو ده كان رأى برده فى الهجوم الغير مفهوم على تصوير كل جزء فى العربيه

وفعلا انا كان معاى برايد والخامات مختلفه تماما بين العربيتين الا الكراسى اللى حسيت انها شبه واحده وفرش الابواب

وانا معاك انها لا تستحق السعر ده

وشكرا جزيلا على ردك

أخى العزيز شكرا على المجهود وبالنسبة للأخ المستفز بتاع التسويق ده أوعى تشغل بالك بواحد زى ده ماهو لو كان بيفهم كان أشتغل فى توكيل محترم بس ما علينا نيجى بقى للسيارة أنا شايف أن الشريحة المستهدفة هتكون هى نفس الشريحة إللى كانت بتدور على ال128 و طبعا بالنسبة ليهم ما فيش حاجة أسمها عيوب تقفيل ولا مراكز صيانة ولا الحاجات دى خااااالص (دى كلها حاجات بسيطه وبعدين ياسيدى هو أنا شارى بى أم) المهم بس ميعاد الأستلام وياترى بتأخذ بنزين 80 ولا لأ؟؟ بس ما تحطش فى دماغك الموقف بتاع مدير التطفيش ده لو كان مدير أصلا؟؟

لا مدير التسويق ده فى من عينته كتير بس المواقف بتفرق من واحد للتانى وجربت من دا كتير

فعلا الشريحه السعريه للعربيه منافسه جدا جدا ولكن مش معنى كدا ان اللى بيفكر فيها يشيل من دماغه الحاجات دى لأنها فعلا مهمه

اللى بيشترى بالسعر ده واحد تعبان فى الفلوس وعايز عربيه تعيش معاه سنين بدون مشاكل وللأسف من الخامات والتقفيل واضح انها مش هتكون معمره زى البرايد العصفوره

بخصوص البنزين ال 80 مفتكرش انها هتمشى بيه مظبوط بس الله اعلم فى عربيات كتير انجكشن وماشيه ب 80 عادى

وشكرا جزيلا على ردك

انا على فكرة برده لاحظت حاجة
المسامير
يعنى الكونسول اللى فى نصف التابلوه تحت عند الكاسيت مثبت بمسامير بورده وباينيين عادى جدا
مكلفوش نفسهم يحطوهم تحت غطا

تقريبا اى حاجه متثبته فى التابلوه او فرش الابواب او الكراسى هتشوف المسمار بتاعها بسهوله وبدون اى معاناه وهتلاقى 80% منهم بدون تجويف كدا ومعرضين للهواء الطلق

يعنى مش هيسلمو من اى مشروب وقع فى العربيه ومن التراب والمشكله الاكبر فى منظرهم السئ جدا جدا

يا باشا في بلدنا الحبيبة لازم في كل مكان يطلعلك واحد يعمل فيها وزير الداخلية .

يعني إحنا في مقابلة دايهاتسو الأخيرة كنا في دريم لاند طلعولنا كدة برضه و بيقولولنا إنتوا إزاي تصوروا العربيات كدة ؟! (عربياتنا الخاصة!!) و إنتوا تبع مين و ده ممنوع و أخدوا النمر ! زي ما يكونوا قفشونا بمخدرات مثلا! بس طبعاَ روقناهم تمام و عملنا شكوي رسمية في الإدارة .. انا رأيي مش هتخسر حاجة لو إشتكيت الشئ اللي قالك متصورش كدة في الإدارة بتاعته عشان بس الكائنات دي متنتشرش، هي مكالمة تليفون، و تكون مكالمة هادئة و لكن حادة جداَ من طراز لو مش فاهمين في التسويق قولوا عشان منجيلكوش لا إحنا ولا اللي نعرفهم و خليلكوا عربياتكم.

المشكلة إن هو اللي محتاجك تصور أصلا مش إنت اللي محتاجه ..

ما علينا .. تحيا مصر .

والله هو لو كان شغال فى شركه او توكيل محترم وفيه ناس معروفه كنا كلمناهم واتصلنا بيهم شرحنا اللى حصل بس اصلا ناشونال موتورز ده يعنى حاجه كدا ما شاء الله جميله جدا فخساره الواحد يكلف نفسه بحاجه زى كدا

اذا كان ده مدير التسويق يبقى هتشتكى لمين بقا ؟!!!

والله كنت عايز اقوله امال لو مدير مبيعات فى بورشه كنت عملت ايه ؟ اللى يقرب هتحدف عليه طوب !!!

اولا انا بشكر استاذ احمد على هذا التقيم الجيد شكلا ولكن مضمونة
من الواضح ان حضرتك متحامل شوية على العربية
بص يا استاذ احمد انت لو تبصلها بالعقل مفيش سيارة زيرو الفئة السعرية لها مثل هذة السيارة و مثلا تجد جودة خاماتها متساوية مع مثيلاتها فى الفئة السعرية الاعلى منها مثلا السيراتو و الياريس البونتو كلاسيك دة مثلا
لكن من وجهة نظرى انا رايى متشابهة مع الاستاذ (لونلى ) ان الشريحة المجتمعية الباحثة عن سيارة فى مثل تلك الشرائح لا يهمها الجودة العالية للخامات فمبالك هذة السيارة بها باور و تكييف و زجاج كهربة الى حتى 128 2009 الى 45000 مفيهاش حتى زجاج كهربة ولا حتى بور او هاف باور
و هذا رايى ان هذا السيارة سوف تجد اقبال بس هى عاوزة شوية دعاية و هتلاقى ناس كتير جايباها

اولا شكرا جزيلا يا اخ حسام على ردك

انا مكنتش متحامل على العربيه نهائى بالعكس انا كنت معجب جدا بالعربيه وبسرعها لحد ما اتفرجت عليها على الواقع

انا معاك انها فى فئه سعريه نادر جدا تجيب فيها عربيه زيرو اصلا بس مش معنى جدا ان الواحد ينزل بمستوى المتطلبات لأقل حد ممكن

انا مقولتش ان العربيه محتاجه تكون بخامات السيراتو لكن على الاقل الخامات الحاليه تتقفل كويس وصدقنى حاجات بسيطه قوى قوى فى التقفيل توضح لك مدى الاستهانه بجوده العربيه

مثلا الدركسيون المفروض يتقفل من تحت بحيث انك متشوفش التابلوه كله من جوا وده بيتكلف غطا بلاستيك مقاسه لا يتعدى ال 25×25 سم لكن ده مش موجود فى العربيه برغم وجوده فى الايرانى اللى موجوده من فتره والعصفوره

المسامير اللى ظاهره فى كل مكان بشكل مستفز

و الفروق الرهيبه واللى هتلاقيها معديه ال 2 سم فى اماكن كتير فى التابلوه زى بين درج التابلوه والباب بتاعه وبين الكاسيت والكونسول والازرار الناشفه جدا ومفصلات الابواب اللى بتحارب معاها بمعنى الكلمه

وبنظره تانيه على الحوض هتلاقى ان مفيش حاجه عليها القيمه ابدا فى التقفيل سواء اى وصلات كهرباء او ايه حاجه بلاستيك متثبته فى الحوض وما خفى كان اعظم

العربيه كويسه وفعلا هتعمل مبيعات لكن دلوقتى بقول ان بعد ما شوفت الخامات هى متستاهلش فلوسها وانا كرأى شخصى اجيب برايد واصرف عليها احسن من انى اجيب السايبا

ملحوظه بس الموديل اللى ب 46 ده فاضى تماما من اى كماليات يعنى علشان تجيب تكييف وباور وزجاج كهرباء بس هتطلع ل 52 وكدا انت دخلت فى المنافسه مع الصينى اللى بعضه من رأيه يتفوق على العربيه دى فى الخامات وغالبا مش هيختلفو كتير فى معدل الامان

شكرا على مجهودك

العفو يا KliKen وشكرا على ردك

[acer4000]

من الصور العربية دي واحد مجمعها على ايده و الخامات اقل من رديئة و الشكل الخارجي اوحش من الادا الجديدة

[ahmedbakr50]

بس أنا شايف إن على السعر ده والإمكانيات دى
السعر معقول جدا جدا وأحسن من الصينى بمراحل

[tawfic]

اولا انا بشكر ahmed_wbt على موضوعه والصور الى انا الى عندى العربيه معرفتش اصورها بالجوده والكفاءه والتفاصيل دى ثانيا/انا مع ان كل واحد وله ذوقه ومتطلباته فى السياره ولكن بنظره موضعيه من ناتج انى من مالكى هذه السياره اجزم انها جيده جدا الى الان بعد حوالى 10 ايام ممكن رائى ده علشان كان معايه 128 وعامل مقارنه بس للامانه انا العربيه عجبانى جدا وممكن تتابعو ملاحظاتى عليها حتى مع الضمان والصيانه على الرابط ده http://www.nilemotors.net/Nile/showthread.php?t=54953

[zeyad1810]

الف شكر على المجهود والصور
بارك الله فيك

[ahmed_wbt]

اولا انا بشكر ahmed_wbt على موضوعه والصور الى انا الى عندى العربيه معرفتش اصورها بالجوده والكفاءه والتفاصيل دى ثانيا/انا مع ان كل واحد وله ذوقه ومتطلباته فى السياره ولكن بنظره موضعيه من ناتج انى من مالكى هذه السياره اجزم انها جيده جدا الى الان بعد حوالى 10 ايام ممكن رائى ده علشان كان معايه 128 وعامل مقارنه بس للامانه انا العربيه عجبانى جدا وممكن تتابعو ملاحظاتى عليها حتى مع الضمان والصيانه على الرابط ده http://www.nilemotors.net/Nile/showthread.php?t=54953

شكرا جزيلا يا اخ توفيق على ردك

العربيه بالتأكيد لها تاريخ مشرف فى مصر ومن التسعينات حتى الان ومشاكلها المعروفه قليله جدا جدا ومفيش حد معاه ومتضايق منها بالعكس محبوبه جدا

وان شاء الله الجديده تكون كذلك انا بس كنت بوضح نقطه ضعفها الرئيسيه الا وهى قله الجوده

ربنا يبارك لك ويحفظهالك وتعيش معاك العمر كله ان شاء الله بس تكون ركبت حاجه احسن

الف شكر على المجهود والصور
بارك الله فيك

العفو يا زياد وشكرا جزيلا على الدعوه الجميله

[A_H_M_A_D]

أنا شفت العربية في المعرض و فعلا ماعجبتنيش خالص
جيت افتح الشنطة عشان أتفرج عليها , بعد كده جيت أقفلها مارديتش تقفل
قعدت أحاول كذا مرة و برضه مفيش فايده , بصيت على الكالون ملقيتش فيه مشكله
قمت منسحب في هدوء قبل ما حد يقولي إني بوظتها !!