عايز معلومات عن الشوما بليززززززز

[hotboja]

لو سمحتم عايز اعرف الكيا شوما حلو ولا وحشة مقارنة بلسبكترا قطع الغيار اسعارة اية والية اعطل مشهورة

ارجو الرد من اللى معاهم العربية دى او الناس اللى عارفين يفهمونى

وشكرا

[max_ziro]

الشوما هى هى السيفيا و اعتقد انا قولت حجات كتير عنها فى اللينك دة تفرق فى الشكل الخارجى فقط و من الاخر هى او السيفيا احسن حاجة ممكن تجيبها و الرينج بتاعها ولله فعلا عربيات ماشاء الله عليها و مكان تتميز السوما عن السيفيا ب امكانيات اكتر زى فتحة السقف او الى بى اس ربنا يوفقك بس مش كل الشومة فيها الحجات دى ..

http://www.nilemotors.net/Nile/showthread.php?t=54219

دة اللينك يارب اكون افتك ..

[hotboja]

هى قليلة فى البلد مفيش منها كتير قوى

بس السيفيا كتير ما شاء الله

الشوما بحاس انة قوى فى البودى ومتينة وعرفت اجيب من النت المعلمومات دى

تمتع طراز شوما الجديد برحابة لا فتة داخل مقصورة الركاب بالرغم من صغر حجمها، وهي تتميز بتصميم خارجي رياضي الطابع، خصوصا لجهة المقدمة، مع الإشارة إلى أن السيارة تصنف ضمن فئة هاتشباك، ويتصف محرك شوما، الذي تبلغ طاقته القصوى 88 حصانا، بالهدوء وسلاسة العمل، وهو متصل بعلبة تروس لنقال الحركة تتميز بالمرونة، وكذلك ضاعفت انسيابية السيارة من تماسكها على الطريق، خصوصا وأن أنظمة التعليق الخاصة بشوما وهي مستقلة للعجلات الأربع مدروسة بعناية.
وكانت كيا التي لم تنتج طرازا جديدا حتى عام 1999 م ، قد حققت زيادة سنوية في مبيعاتها في يناير 2000 تصل نسبتها 7.2 في المائة لترتفع إلى 70476 سيارة، كما أنها حققت ارتفاعا في الصادرات خلال نفس الفترة بنسبة 1.8 في المائة

[zoro78]

الشوما والسيفيا حاجة واحدة حتى الكاتلوج بتاعهم مكتوب عليه شوما وسيفيا وانا معايا الشوما عربية فخمة ومتينة وراسية على الطريق جدا وتكييفها حلو جدا وماتور نحلة وبعدين بتاخد ثلاثة مرتاحين جدا على الكنبة وعالية مش بتحك فى الارض وشنطة واسعة جدا بجانب انها تعتبر عربية سفر من قوتها وقطع غيارها رخيصة مش غالية بس هاتها مانيوال احسن الكورى عموما فى الاتوماتيك مش قوى

[dodo8499]

الشوما تقيله جدا علي الارض.وموتورها طياره...وباور وتكييف قشطه جدا..وتعتبر احسن م اللنسر الجديده في كل حاجه..ودا عن تجربه في السرعه والثبات.ونفس سعر السيفيا...وحجاتها حجات السيفيا