الى السيفياويه ارجو النصيحه ...........

[new]

الاعزاء السيفياويه من ذوى الخبره محتاج مساعدتكم فى شويه حاجات فى عربيتى السيفيا

* الاكصدام عندى كلبساته من الشمال مكسوره وعايز اصلحه او اجيب واحد جديد

* جوان غطا التاكيهات بيجيب زيت وعايز اروح لحد يغيره

ياريت لو تدلونى على حد كويس للاكصدامات و الميكانيكا بس يكونو مش اى كلام

انا من سكان مدينة نصر
واسف على الازعاج

[max_ziro]

ب النسبة للجوان انت ممكن تركبة لنفسك بس لو انت من هواة اللعب فى العربية
هو ب 35 جنية و متوفر المهم عندك ف غطا التاكيهات مسمارين او ثلاث مش فاكر اوى دول جمب البوجيهات تحت البلاستكة الى مكتوب عليها دوش و فى 8 مسامير برة دول بايينين و طبعا فك الاسبليت بتاع البوجية و متنساش الرصة بتاعتهم ضرورى قوى و وانت بتربط المسامير متقرطش للاخر لحسن يتكسروا و دة حصل معاى ...
اما ب النسبة للاكصدام موضوع الكلابسات دة بيعتمد على مكان وجودها ممكن تشترى كليبسات من اى حتة و تركبها بنفسك و انابعمل كدة علطول
و طبعا لو الاكصدام مدمر الاحسن انك تغيرة بس ممكن ضغطا للنفقات تصلحة فيبر و بتوع الفيبر ف الحرفيين و طبعا للتركيب بعد متجيب الكليبسات محتاج مفك و مفتاح 10 و ركب بقى و عيش حياتك و انت عموما اول متشوف الاكصدام من جوة هتعرف المسامير تركب فين بس لو الحديدة الى بتركب فى الاكصدام و بتمسك ف الرفرف واقعة يبقى روح لحد يعملهولك شوف سمكرى مصيف او بتاع الفيبر ممكن يركبهولك و ربنا معاك و احنا فى الخدمة يا مان
لو هتعمل الحاجة بنفسك قولى و اصورلك الحاجة الى عايزها و اقولك بتتعمل ازاى ب الظبت
سامحنى مش هعرف ادلك على اماكن صناعيعة عشان انا مقيم حاليا ف الاسماعيلية انما اصلا من عباس العقاد ضهر الجامعة العمالية محمد حسن الجمل ب الظبت هههههه
اهلا بيك معانا ..
ربنا معاك ..

[EZABY]

بالنسبه لجوان غطا التاكيهات زي ما ماكس قاللك كده بالظبط وممكن تروح لميكانيكي يعملهولك وبيقولوا في سيليكون احمر باين بينحط مه الجوان بس انا مس متاكد
اما الاكصدام بقى انا اتعاملت مع واحد مشهور في شارع احمد سعيد بس ناس فاهمين ومش غاليين
المحل اسمه عبد الجليل لإصلاح الفايبر وهو في احمد سعيد على اليمين بعد قرب مستشفى القوات الجويه وده مشهور اوي ممكن تسال هناك والناس هتفيدك

[myr999]

انا غيرت الجوان بعد اسبوع جاب برضة زيت ولما رجعت للميكانيكى قال لى هات الجوان الرفيع لفيت فى كل حتة مالقيتش فقال لى لازم نحط سليكون بس انا عارف شكلة بيكون وحش اوى فرفضت وركبت واحد جديدعند ميكانيكى تانى وجاب زيت برضة بعد اسبوع