عايزة اجيب كيا شوما وخايفة ايه رايكم؟؟؟؟؟؟؟

[sheryego]

انا عايزة اجيب كيا شوما بس انا خايفة لاني انا مبحبش وجع الدماغ يعنى عايزة عربية لما يحصل فيها حاجة متلففنيش حولين نفسي وبغض النظر عن المشاكل انا اصلا مش عايزة عربية مشاكلها كتير يعني من الاخر تكون مريحة ومميزتها كتير فانا معرفش الشوما هي نظري كده عجباني اوي لكن عملي بقة اللي جربها ويعرفها ادرى وياريت يقولي ايه مميزتها وعيوبها ومشاكلها وبلاش منها ولا اتوكل على الله واجيبها ياريت تنصحوني

[max_ziro]

توكلى على الله و هاتيها عموما سواء شوما او سيفيا هم الاتنين واحد بيختلف بس الشكل الخارجى يمكن الشوما فوانيسها اغلى شوية من السيفيا بس اغلى مثلا 50 جنية مش كتير كل قطع غيارها متوفرة و مش غالية العربية ادائها رائع و قوتها جبارة يعنى مش هتتخيلى انها 1500 هتقولى دى 2000 مثلا سحبها للبنزين بسيط جدا يعنى مثلا من القاهرة للاسماعيلية 6 لتر ماكس مام
الجرى معايا لحد 190 ماشاء الله الثبات رائع
اعطال المتور تكاد تكون غير موجودة الحمد لله
الميكانيكة بتاعاتها مش صعبة للدرجة لاكن محتاجة انك تحافظى عليها زى اى عربية مستعملة و العفشة بتعتها مشاء الله جميلة جدا واسعة من جوة بشكل غريب مريحة جدا الشنطة جبارة و شكلها شبابى و جميل
و لو عايزة تعرفى كل حاجة عنها هتلاقينى كاتب اسعار كل فتفوتة وقعت عينى عليها ف موضوع اسمة السيفياوية دة تقريبا فية اغلب الحجات عنها و بمناسبة قطع الغيار ف هى و السيفيا واحد ف كل حاجة ماعدا الفوانيس و الرفارف بس
و ابعدى عن الاوتو فى العربية دى الفتيس مبيستحملش محتاج سواقة حنينة
و الشومة تتميز عن السيفيا بكماليات زيادة زى فتحة السقف و الايى بى اس بس مش كل الشوما فيها الحجات دى بس عموما الفرامل بتاعتها ممتازة
الخلاصة العربية معايا من شهر 5 السنة الى فاتت الحمد لله روعة ماشاء الله عليها عربيات ..
انا فى الخدمة و اى استفسار انا فى الخدمة و إن شاء الله تكونى كياوية و تشرفينا ....

[sheryego]

انا بجد مش مصدقة ان اترد عليا بسررعه كده انا اول مرة اشارك واسال على النت بس بجد انا مبسووطة اوي ميرسي جدا يا max وبجد ردك وافي وان شاء الله اجيبها وتكون حالتها كويسه ولو باظت تقولولي انتوا بقه اعمل ايه لاني خيبة خالص
merciiiiiiiiiiiiiiiiiii

[KIA_SEPHIA_2001_K]

انا فعلا ركبت العريبه ديه وهية زى السيفيا الى معايه بالظبط نفس الماتور الاحلى الشكل واوسع من الداخل وبينزل منها جديد والكل بيشكر فيها

[A.Saad]

خشى على المواضيع لو عايزة خبرة فى شراء المستعمل بصفة عامة

http://www.nilemotors.net/Nile/showthread.php?t=22454

http://www.nilemotors.net/Nile/showthread.php?t=20244

http://www.nilemotors.net/Nile/showthread.php?t=7608

http://www.nilemotors.net/Nile/showthread.php?t=57562

[max_ziro]

انا بجد مش مصدقة ان اترد عليا بسررعه كده انا اول مرة اشارك واسال على النت بس بجد انا مبسووطة اوي ميرسي جدا يا max وبجد ردك وافي وان شاء الله اجيبها وتكون حالتها كويسه ولو باظت تقولولي انتوا بقه اعمل ايه لاني خيبة خالص
merciiiiiiiiiiiiiiiiiii

ياباشا اهلا بيكى معانا و انا فى الخدمة فى اى حاجة ف اى وقت ..

[azkol2005]

موضوع هام جدا
وانصحك بعدم التردد
احسبيها كويس بعقلك
وشوفي مدى راحتك النفسيه
وقدراتك الماليه

وتوكلي على ربنا

نصيحه من اخ عربيه هايله

[zoro78]

اتوكلى على الله انا معايا شومة 2001 هية جميلة وواسعة جدا وموتور قوى وثابتة فى السفر وبنزين استهلاكه يادوب وقطع الغيار موجودة ومش غالية خالص والشنطة تشيل من البضايع الف غير ان الكنبة ممكن تتنى وتزودى مساحة التخزين هية كمان تكييفها جميل وعفشتها حلوة وفيه ناس بتقول الموتور بتاعها موتور مازدا يابانىتوكلى على الله مش هتندمى خالص واى مساعدة تحت امرك

[max_ziro]

هى فعلا العربية كلها نفس تصميم المازدا ال323
بس تفرق التصميم الخارجى و السعة اللترية للمتور
انما هو هو نفس التصميم ..

[aismail]

انا لاقيت كلام كويس عن الشوما بس في موقع اجنبي للسيارات

engines and transmissions came straight from Mazda’s 323, the bodywork was created by British design consultants IAD and the handling originally fine-tuned in association with Lotus. The result was one of South Korea’s best selling cars and a model which also built up a strong reputation for reliability and value in the USA. Now

نقلا من الموقع
http://www.desperateseller.co.uk/rev...999%20-%202001)