لخبراء كيا برايد ارجو المساعده

[mezo2002]

السلام عليكم
بعد احترامى لكل اعضاء المنتدى

ارجو المساعده فى تقيم هذه العربيه معروضه عليا ومحتاج مساعدتك ان شاء الله فى تقيمها وتسعيرها

هى عربيه كيا برايد هاتش باك موديل 96 1100 سى سى عربيه دكتوره العربيه دواخل فابريكا وخوارج فابريكا لم ترش نهائى ودا بعد تاكيد شخص ثقه من طرفى انها فعلا لم ترش اى جزء منها
كاميكانيكا حالتها جيده ولا تحتاج لمصاريف غير الطبيعي تغير زيت وفلتر
العفشه حالتها كويسه ومش محتاجه مصاريف
الفرش فرش الفابريكا وحالته كويسه غير متهان وبحالته

فيها تكيف جربته بنفسى شغال كويس
فيها سنتر لوك
فيها كاسيت العربيه نفسه

5 فرد كاوتش جداد
بطاريه جديده فى الضمان

فيها رخصه لمده 3 سنين

مفيهاش زجاج كهرباء
فيها حكه او خربشه من الخلف من الجنب جنب التانك تقريبا وفيها حكه بسيطه فى الباب الخلفى من الجهه الاخرى
الدرج بتاع التابلوه بيعلق مش بيفتح بسهوله

العربيه تمنها هيبقى بين 32-30 دا السعر الى هى هتخلص عليه

دى ياجامعه ظروف العربيه واعذرونى بجد على وصفى للعربيه لانى مش خبره فى العربيات ووصفى لحاله العربيه اكيد مش فنى

ارجو الرد ضرورى خلال يوم السبت
ومشكور لكل من يحاول المساعده

[mezo2002]

شكرااااااااااااااااااااااااا

[أبو صلاح]

توكل على الله اعتقد ان السعر مش بطال

[mezo2002]

مشكور جدا على ردك والاهتمام شكر لزوق حضرتك

[thegreatnileman]

السعر معقول توكل على الله وبرضه خلى السمكرى يبص عليها من تحت كمان

[HANGMAN]

عملة كام الف

[mezo2002]

سمكرى وميكانيكى بصو عليها وقالو الحمد لله حالتها كويسه والسمكرى قال لا رشه بره ولا جوه بس فيها شويه خربشه عاديه جمب التانك
والعربيه عامله 66000 تقربيا

[HANGMAN]

انا لسة بايع عربيتي عاملة 135000 موديل 99 ب 29500

لو عاملة 66000 كم اظن ان 31000 جنية حلو عليها

[mezo2002]

شكرا لزوق حضرتك بجد على الرد والاهتمام بالرد عليا
ودا هيخلينى اطمع فى كرم اخلاقك واتقل عليك فى الاسئله بخصوص العربيه لان مش بفهم فيها وماليش خبره معاها

[KIA_SEPHIA_2001_K]

يا جماعه العربيه غاليه اوى موديل قديم ديه حاجة و1100 سى سى لازم تنزل بيها اكتر

[mohamed1979]

السعر مناسب يا باشا توكل على الله

[mezo2002]

شكرا ياباشا على ردك

[HANGMAN]

شكرا لزوق حضرتك بجد على الرد والاهتمام بالرد عليا
ودا هيخلينى اطمع فى كرم اخلاقك واتقل عليك فى الاسئله بخصوص العربيه لان مش بفهم فيها وماليش خبره معاها

انتا تؤمرني بجد انا كنت بحب العربية دية كتير بس للاسف بعتها عشان زهقت من سواقت المنيوال والتكيف بتعها مش جامد اوي بس غير كدا العربية تحفة

[mezo2002]

ربنا يخليك ياباشا وياريت تقولى انسب طريقه للتعامل معاها علشان احافظ عليها وخصوصا ان لسه جديده اصلا فى العربيات مش اتعملت غير مع 128 قياريت ياباشا بقى تتدينى كورس فى الكيا وعلى مهلك لان مش عاوز اعطلك

[eslamrace]

سعرها كويس ربنا يباركلك فيها