استفسار عن العصفورة

[saifsaadmohamed]

السلام عليكم و رحمة الله و بركاته
ايه اخباركم فى العربية العصفورة
من حيث الثبات و القوة و قطع الغيار اسعارها و توافرها
و شكراً

[saifsaadmohamed]

ايه يا اخوانى انتم فين؟؟

[أبو صلاح]

العربية دي معايا من يوم الجمعة اللي فاتت مو 97

اقدر اقلك اشتريها وانت مطمئن

انا جبت بيها 130 على الدائري
وكان في كمان بس الفرامل عندي مكانتش مظبوطة شوية فخفت وهديت السرعة

عربية كفاءة 100 %

[mezo2002]

ياجماعه بعد ازنكم الى عنده تجارب مع البرايد 96 ل 99 او معلومات اكيده يحطها لينا لانى بخلص فى واحده وبجد محتاج اعرف ازاى اهتم بيها وايه الى اخد بالى منه

[elkholy_1981]

السلام عليكم و رحمة الله و بركاتة
أنا معايا كيا برايد مو 99
أولا السيارة فوق الممتازة معايا من حوالى عام و أنا شغلى كلة بالعربية أستهلاك البنزين كويس الثبات مش وحش أنا كنت ماشى بيها على طريق مصر الاسكندرية الصحراوى 160 كم / س بس مش مدة طويلة لكن ممكن تسافر على 130 أو 140 كويس
قطع الغيار متوفرة و الاسعار كويس بس حاول لما تحتاج قطع غيار تجيب الاصلى عمره أطول و بصراحة عربية مش ممكن تقدر تبيعها العربية صالونها واسع الشنطة طبعا صغيرة
المشكلة الاساسية فى رومان بلى العجل الامامى بيستهلك بسرعة لكن لية حل انك تعمل جلبة ( كاوتشة ) بين الرومان بلى عند الخراط و اللى يقدر يعملها ميكانيكى بيشتغل فى المازدا 121
فيما عدا ذلك العربية محترمة

[mezo2002]

مشكورر مستر elkholy_1981
للافاده ونرجو المزيد