new serato pictures

[dr.nemo]

جزاك الله خيرا
وتسلم ايدك
كنت بدور على صور حقيقية (من مصر)
ولقيت كل اللي انا عاوزه في موضوعك وموضوع ا/غازي ربنا يبارك فيكم
وشكرا مرة ثانية:k10::k10::k10::k10:

[major123]

يا باشا الف شكر على الصور بس على ما اعتقد إن دى خليجى

[a7mednour]

الصور دي يا جماعة كلها خليجي .... عموما هي مش بتفرق عن التوكيل في الشكل الخارجي نهائي ...من جهة أخري التوكيل والموزعين بدؤوا فعلا ينزلوا العربية بتاعت التوكيل بس الفئات الاولى بس... انا لقيت هنا اكتر من فرع لموزعي التوكيل .. كانوا جايبينها بس كانت أول فئة أتوماتيك ... ولما سألت عن الهاي لاين كان الرد الحجز ب20ألف والتسليم ان شاء الله بعد 3 شهوور...
وأي خدمة أنا حااااضر

[M.Osman]

رويال اوتوموتيف
المنصورة :)
شوفت انا عرفت ازاي ؟
على فكرة انا اعرف ان رويال اوتوموتيف كل عربياته بيجيبها خليجي

شكرا لمجهودك يا باشا .... و EgyptCar اللي عند مترو عنده العربية بألوان احلى بكتير :) :) ( شمبين و ازرق )

[a7mednour]

رويال اوتوموتيف
المنصورة :)
شوفت انا عرفت ازاي ؟
على فكرة انا اعرف ان رويال اوتوموتيف كل عربياته بيجيبها خليجي

شكرا لمجهودك يا باشا .... و EgyptCar اللي عند مترو عنده العربية بألوان احلى بكتير :) :) ( شمبين و ازرق )

ههههههههه ...حضرتك من المنصورة ولا ايه ؟؟
عموما كلام حضرتك مظبوط الظاهر اني كان لازم أظبط التصوير حبتين علشان يكون المصدر مجهول وحصري عندي بس ..بس انا كان كل فكري ان اغلبية الأعضاء نادر ما تلاقي واحد منهم من المنصورة ...
وايجيبت كار طبعا لا يعلى عليه بتاع أحمد البلقاسي أول من دخل الميني كوبر عندنا

بصراحة انا بعدي عليه يوميا بس مش بروح عنده بكتفي بس اني ألقي نظرات الأمل والتفاؤل اني أدخله في يوم من الأيام بس طبعا مش عشان السيراتو
الهدف أكبر من كدة بكتيير

دعواتكم ...

[TeMoON]

كان الله فى العون ياعم احمد وتنولها يارب بس انا لو منك انزل حتة جمرك كل 6 شهور وكدا تكون ضربت عصفورين بحجر واحد بس كل واحد بياخد نصيبة نصيحة يا احمد ما تحلمش كتير لتصدق الحلم وتعيش فية ومانعرفش نصحيك منة ارضا بالنصيب ترتاح فى الجديد وتسلم ايدك ياباشا على الموضوع الرائع دا ويسلم مجهودك وانا اول ماشفت الصورة عرفت انها فى المنصورة والمنصورة نورت نايل موتورز

[a7mednour]

كان الله فى العون ياعم احمد وتنولها يارب بس انا لو منك انزل حتة جمرك كل 6 شهور وكدا تكون ضربت عصفورين بحجر واحد بس كل واحد بياخد نصيبة نصيحة يا احمد ما تحلمش كتير لتصدق الحلم وتعيش فية ومانعرفش نصحيك منة ارضا بالنصيب ترتاح فى الجديد وتسلم ايدك ياباشا على الموضوع الرائع دا ويسلم مجهودك وانا اول ماشفت الصورة عرفت انها فى المنصورة والمنصورة نورت نايل موتورز

جزاك الله كل الخير يا أحمد باشا وفكرة حضرتك في موضوع الجمارك جاري دراستها ..بس الواحد حالاتي لا غنى له الا انه يحلم وطبعا عشمنا وأملنا في ربنا كبيير طبعا ان ربنا يصلح الحال ويوفقه ويركب عربية تحقق رغباته وترضي ذاته...

والحمد لله طبعا على كل حاال...
وشكرا لرد حضرتك الكريم ومواضيعي بتنور برد حضرتك ورد الاخوة الكراام وان شاء الله تستلم على خير والعربية تعجبك ومستني اللفة بتاعتي لما تنورنا هنا في المنصورة
دعواتكم ...

[TeMoON]

انت تأمرنى ياعم احمد