الى اى مدى تتوقعوا انتشار النيو سيراتو ؟؟

[a7mednour]

اسمحولى اعبر عن رأيى بعد كل المناقشات دى:
1)العربية فعلا حلوة جدا بس غالية و دة ميمنعش ان الواحد يدفع فيها فلوس طالما فى ضمان 5سنيين انتوا عارفين يا جماعة يعنى اية 5سنيين ضمان او 100الف كيلو دة كتيير جدا انا عربيتى فيرنا ضمانها 2سنة بس او 50الف هيهيهيهييهي يعنى ولا حاجة يعنى اللى حيجيب السيراتو حيشترى دماغة 5سنييييييين يابشر بفرق ال10تلاف جنية اللى محيراكو كلكم!!!
2) الكيا عربية نضييييفة جدا جدا و بمستوى الهيونداى او اعلى كمان واللى ركب الأتنين حيعرف قصدى
3)مين قال ان الكورى دلوقتى وحش!!! الكورى حاليا بالمواتيير الجديدة ذى الالنترا و السيراتو كفء جدا جدا وبمستوى اليابانى كمان
4)حييجى واحد يقولك سيب الكيا 5سنيين وسييب تويوتا 5 سنيين و شوف الفرق بينهم بعدين لأ حرد علية واقول الأستعمال يفرق كتيير و بص حواليك فى يابانى كتير موديل السنة طالع عينة و كورى لسة بشكتة!!!
5)اللى يقول خد الصنى ب 90الف اوتوماتيك مع فائق احترامى للصنى (اليابانى) المصرى مش قد كدة وتوكيلة ضايع يقولك على عربية شكل 2005 دى 2009!!! وتقفيلها فى مشاكل ..لأ خد الكورى الكورىولا اليابانى المصرى
6)انا عربيتى برضة تقفيل مصرى وفيها عيوب تقفيل لحد يفتكر انى راكب المانى!!
7)وزن العربية عالى يعنى مش خفيفة يعنى ثابتة ولسة محدش قفل بيها عداد عشان يقول مش ثابتة صح ولا اية؟؟؟
8)يعنى عربية شيك كاملة شكلها من جوة جميييل جدا ومستوردة بالكامل ضمان 5سنين و100الف كيلو كماليات خيالية كفاية نزلة بجنوط17 !! يعنى اللى حيجبها مش حبزود فيها مليم احمر !! متنتشرش ليية ؟!! حتنتشر و تنجح وبأذن الله ناوى اشتريها انا كمان وربنا يستر وميطلعش كلامنا كلة فشنك

كلام في الجووووون
وأنا مع حضرتك في كل اللي قلتلة لكن للأسف كلام حضرتك لا يسمن ولا يغني من جوع مع هذا الشعب ... لأن اللي بيفكر ان ده ياباني وده كوري وده ماليزي صعب انه تفكيره يتغير لأن الياباني حاليا جاي في المنزلة اللي بعد الألماني والفرنسي وصعب ان حضرتك تييجي من وجهة نظرهم وتفضل الكوري عن الياباني مع ان كوريا حاليا بتصنع سيارات تناطح في مواصفاتها الألمانية مش اليابانية ,,,
علشان ما أطولش انتشار السيارة يعتمد على سعرها وانا ارجح ان الانتشار هيكون في الفئات المتوسطة يعني اللي ما تزيدش عن 110000
لكن الفئات العالية جدا صعب ان واحد يقتنع انه يدفع أعلى من كدة في عربية كوري طالما بديله الياباني موجووووود
وانا من وجهة نظري ناوي بإذن الله على النييو سيراتو الهاي لاين بس ادعولي
أسف على الاطالة

[ashouhdy]

كلام في الجووووون
وأنا مع حضرتك في كل اللي قلتلة لكن للأسف كلام حضرتك لا يسمن ولا يغني من جوع مع هذا الشعب ... لأن اللي بيفكر ان ده ياباني وده كوري وده ماليزي صعب انه تفكيره يتغير لأن الياباني حاليا جاي في المنزلة اللي بعد الألماني والفرنسي وصعب ان حضرتك تييجي من وجهة نظرهم وتفضل الكوري عن الياباني مع ان كوريا حاليا بتصنع سيارات تناطح في مواصفاتها الألمانية مش اليابانية ,,,
علشان ما أطولش انتشار السيارة يعتمد على سعرها وانا ارجح ان الانتشار هيكون في الفئات المتوسطة يعني اللي ما تزيدش عن 110000
لكن الفئات العالية جدا صعب ان واحد يقتنع انه يدفع أعلى من كدة في عربية كوري طالما بديله الياباني موجووووود
وانا من وجهة نظري ناوي بإذن الله على النييو سيراتو الهاي لاين بس ادعولي
أسف على الاطالة

بالتوفيق إن شاء الله ومتشكر ع ردك كدة اتنين فى نص ساعة ناويين على الهاى لاين مين قال بقى مش حتبيع

[a7mednour]

بالتوفيق إن شاء الله ومتشكر ع ردك كدة اتنين فى نص ساعة ناويين على الهاى لاين مين قال بقى مش حتبيع

مين قال انها مش بتنباع ... اذا كان الخليجي منها ما شاء الله كان مالي السوق ..وفي ليلة وضحاها كله اتباع ...حتى الموزعين كان عندهم خليجي واتباع ...وعلى فكرة الخليجي بيتباع بنفس السعر مع ان كماليات أقل ...ده غير الضمان اللي لوحدة بيرجح الكفة ...
عموما لولا اختلاف الأراء لبارت السلع ..وأتمنى من الله عز وجل ان تكون تلك السيارة محل ثقتنا ولا تخيب أمالنا وربنا ييسر لما فيه الخير

[kareemhisham]

اسمحولى اعبر عن رأيى بعد كل المناقشات دى:
1)العربية فعلا حلوة جدا بس غالية و دة ميمنعش ان الواحد يدفع فيها فلوس طالما فى ضمان 5سنيين انتوا عارفين يا جماعة يعنى اية 5سنيين ضمان او 100الف كيلو دة كتيير جدا انا عربيتى فيرنا ضمانها 2سنة بس او 50الف هيهيهيهييهي يعنى ولا حاجة يعنى اللى حيجيب السيراتو حيشترى دماغة 5سنييييييين يابشر بفرق ال10تلاف جنية اللى محيراكو كلكم!!!
2) الكيا عربية نضييييفة جدا جدا و بمستوى الهيونداى او اعلى كمان واللى ركب الأتنين حيعرف قصدى
3)مين قال ان الكورى دلوقتى وحش!!! الكورى حاليا بالمواتيير الجديدة ذى الالنترا و السيراتو كفء جدا جدا وبمستوى اليابانى كمان
4)حييجى واحد يقولك سيب الكيا 5سنيين وسييب تويوتا 5 سنيين و شوف الفرق بينهم بعدين لأ حرد علية واقول الأستعمال يفرق كتيير و بص حواليك فى يابانى كتير موديل السنة طالع عينة و كورى لسة بشكتة!!!
5)اللى يقول خد الصنى ب 90الف اوتوماتيك مع فائق احترامى للصنى (اليابانى) المصرى مش قد كدة وتوكيلة ضايع يقولك على عربية شكل 2005 دى 2009!!! وتقفيلها فى مشاكل ..لأ خد الكورى الكورىولا اليابانى المصرى
6)انا عربيتى برضة تقفيل مصرى وفيها عيوب تقفيل لحد يفتكر انى راكب المانى!!
7)وزن العربية عالى يعنى مش خفيفة يعنى ثابتة ولسة محدش قفل بيها عداد عشان يقول مش ثابتة صح ولا اية؟؟؟
8)يعنى عربية شيك كاملة شكلها من جوة جميييل جدا ومستوردة بالكامل ضمان 5سنين و100الف كيلو كماليات خيالية كفاية نزلة بجنوط17 !! يعنى اللى حيجبها مش حبزود فيها مليم احمر !! متنتشرش ليية ؟!! حتنتشر و تنجح وبأذن الله ناوى اشتريها انا كمان وربنا يستر وميطلعش كلامنا كلة فشنك

عليا النعمة انتا بتقول كلام زاى الفل

[TeMoON]

ياجماعه كل واحد ليه وجهه نظر مش من حقه يفرضها علي التاني اللي بيركب الكوري يقول علي اللي راكب صيني مابيفهمش حاجه والياباني علي الكوري ........والاوروبي علي الياباني والالماني علي الاوروبي.................تفتكروا لو الواحد معاه يجيب احسن عربيه في العالم مش حيجيبها ....
لكن كل واحد ليه متطلبات معينه ومعاه فلوس معينه وبيستريح حتي لشكل معين.......
لكن ماقولش اجيب ب 100000 عربيه ياباني ومجيبش كوري .....طيب لا ليه.......اذا كان ب 100000 دول حجيب عربيه فول اوبشن كوري لكن في الياباني حجيب اول فئه
يعني مش من نفسي اركب عربيه فيها شويه رفاهيه ولو بسيطه
وبلاش كلام والنبي علي الثبات فوق ال160كم والكلام اللي مالوش لازمه بلدك شوراعها كلها بمحاورها مينفعش تمشي علي 90كم مش سرعات خرافيه...وده موثق بحوادث الدائري اليوميه
...كل واحد حر في اختياراته لانه ادري باحتياجاته
وكل عربيه وليها مميزاتها وعيوبها..........
واللي عايز يتكلم في ثبات وسرعات يبقي ميشتريشكوري و يشتري اوروبي والماني
وربي يهدي الجميع

انا بصراحة مع ايناس فى الموضوع كل واحد بيختار العربية على حسب احتياجاتة وعلى حسب راحتة ليها وانا مقتنع انى بدام حابب الشيئ دا هيكون على قلبى زى العسل حتى لو عيوبة كتير

ومفيش داعي تاخدو المسميات علي علتها .........العربيه تحفه وجميله في عين اللي حاببها مش علي المطلق ( يعني هي حتبقي تحفه .امال ال bmw تبقي ايه)
اما الاخ بتاع ان ثقافه الميكانيكي ..............مفيش ميكانيكي حتسالو عليها الا يقولك ياعم سيراتو ايه دي كوري وقطع غيارها غاليه احسنلك تجيب تويوتا ياريس ولا لانسر ولاالا اقولك احسن هات نيسان صني.........(هي دي بقي ثقافه اليكانيكي في مصر)

لو على الميكانيكى هو عاوز يشتغل وخلاص وانا ركبت الصنى موديل 2006 عربية زى الزفت مش وحشة العربية ضيقة جدا وخفيفة جدا ودى كفاية اوى انها ما تنتشرش لان انا واحد من الناس الثبات عندى من اهم المقومات فى العربية
وادعولى انى استلم الهاى لاين ان شاء الله باقى من الزمن شهر و 10 ايام يارب يعدو على خير واستلم على خير وتكون وش الخير يارب

[PoweRPassioN]

منتشرة جداا ( زاى البومة او الالنترا )

[M_55]

اكيد هاتنتشر بصورة كبيرة

[myamany75]

طيب ممكن حد يقولنا اسعار الفئات بتاعت السيراتو الجديدة ايه لو سمحتم
وكمان لو يتكرم ويسالناعلى قطع غيارها الله يكرمككم كلككم
ومع شكرى للجميع

[M.Mostafa80]

بصو ياجماعه العربيه دى هتكسر الدنيا أنا راكب ألمانى وصديقى فى الشغل لسه جايبنلو الفئه الثانيه من الأتوماتك والى هى مش أوتوماتيك هى ستيب ترونك العربيه تقفيلها حلو وسحبها ما شاء الله عليه أنا الى ركبتها لما أستلمنها من المعرض
ألوانها جميله العربيه العفشه بتاعتها ناعمه جدا بس الهاى لاين هيحسو أنها ناشفه شويه عشان الجنوط ال 17 وبعدين لو هتقولو يابانى مع أحترامى ليه بس الى عايز أقولو ان الكورى بقى بينافس اليابانى وبعدين العربيه نازله بكماليات مش موجوده فى اليابانى دا غير أن أكيد هيبقى فى فرق فى سعر قطع الغيار (فى زميل فى المنتدى معاه السيراتو غير فلتر الزيت ب 30 ج صباح الفل أنا عربيتى موديل 98 بولو فلتر الزيت عندى ب 50 ج )دا غير 5 سنين ضمان و100000كيلو
دا غير أن اليابانى بقى يتجمع بره اليابان طبعا أنا بتكلم على الكورولا الى متجمعه فى جنوب أفريقيا ومليانه مشاكل ولا الياريس التايلندى ولا النيسان المصرى الى تقفيلها سورى معفن دا غير الشكل الى عدى على موديلو 5 سنين أنا ما بحبش غير الألمانى وكان كلامى لأصحابى أنى لما أغير هغير لألمانى بردو بس العربيه دى خليت العمليه تلعب معايا وشكلى هفكر فيها لأنها فيها جازبيه غريبه فى شكلها وألونها ومضمونها أيه بى أسى أيه بى دى أير باج وزن وثقل وبكره الأيام بيننا العربيه دى عمله فرقعه جامده وقلبت موازين السوق ولسه دا غير أن ليه صديق تانى كان بيفكر فى بولو سيدان أو ريو لما شاف العربيه مستحملش وجابها هو كمان ولسه مستلمها أمبارح خلينا عادلين شويه وبلاش نقفش فى كلمه المانى ويابنى كل شئ ليه أول وليه أخر والدنيا كلها قايمه على نظام الهرم
أكبر قوه كانت الأتحاد السوفيتى وبعدها أمريكا والى جاى فى السكه شرق أسيا
دا حتى البنى أدم بيبقى طفل وبعد كدا شاب وبعد كدا بيبقى عجوز يعنى كل حاجه ليها أول وليها أخر

[KHALED AYMAN]

بس العربيه دى صاجها بحس انه ورق كارتون مقوى !!!
ده عيبها الوحيد فى نظرى ..

[bishoy02010]

اعتقد هيكون انتشار رهيب زى الألنتراااااا

[Hosam_Optrawy]

يا جماعه العربيه ماشاء الله انتشرت اوىىىىى

انا النهارده بس شايف حوالى 10

وكل الفئات مانيوال و Ex و Sx

وفى اللى اترخص وفى اللى لسه معلقش نمر

العربيه هتنتشر جامد زى الالنترا مثلا

وواضح انها ابتدت تاخد ثقة الناس شكلا ومضمونا

[Ahmed Samy]

للأسف يا حس .........

شكلها هاتعملها و تبقى زي الهم عالقلب

انا بشوفها كتير ماشية جنبي

بس صاحبك هاي لاين برضه ههههههههههه

ولسه ...التميز جاي

[m_o_sakr]

بسم الله الرحمن الرحيم

اكثر فئه انتشرت و عليها اقبال sx الى بتبداء من 116000 لحد 126000 و د لإنها عربيه و وكيا ممتازين والناس عندها ثقه جامده فكيا (طول عمر الكيا اغلى من الهيونداى) و العربيه ااتوكيل مش ملاحئ عليها اهو

[korkor]

للأسف يا حس .........

شكلها هاتعملها و تبقى زي الهم عالقلب

انا بشوفها كتير ماشية جنبي

بس صاحبك هاي لاين برضه ههههههههههه

ولسه ...التميز جاي

دى بقت ولا اللانسر البوما فى الشارع اللى انا ساكن فى الموضوع ابتدا بعربيتين دلوقتى وصلوا مش اقل 7-8 عربيات وده شارع واحد فى حى ده غير بقيت المنطقه ماتمشيش فى شارع من غير ماتشوف عربيه راكنه والعربيه مغرقه مصر الجديده متقولش رخيصه مثلا وبيوزعوها على البطاقه