اية الفرق بين الوكيل و الموزع ؟

[aymanezzo]

الوكيل تدفع 20000 و تستني 3 شهور و الموزع المعتمد تدفع 5000 وكمان شهر تستلم و الأثنين نفس الاسعار - انا باتكلم بالنسبة للنيو سيراتو
يا ريت حد فاهم يفهممني - و كمان التجار اللي عندهم ال نيو سيراتو الخليجي كلهم بيأكدوا ان السيراتو لما تنزل حتنزل بأغلى من التمن اللي اتفقوا بيه مع الناس و حيطالبوهم بفرق السعر و كمان مش حيصدقوا في مواعيد التسليم !!!!!!!
انا خفت بصراحه - أفيدونا أفادكم الله

[som3aa]

التوكيل هو بيبقى توكيل الشركة فى مصر , يعنى Eim هى توكيل كيا فى مصر مثلا بتفتح اعتماد و تستورد العربيات من كوريا لمصر باسمها و هى اللى بتدفع تمنهم لكوريا و تسعر العربية و تدفع الجمرك و كل حاجة و هى اللى عندها مراكز الخدمة و هى اللى بتستورد قطع الغيار , دا دور التوكيلات , بعدين التوكيل بيبيع عربيات كتير للموزعين جملة بسعر الجملة و للافراد بسعر اغلى بكتير و الموزع بيبيعها للمعارض الصغيرة و المستهلكين و الموزع غالبا بيكون عنده مركز خدمة معتمد بحيث اللى يروحله يعمل الصيانة و يغير قطع فى الضمان على حساب التوكيل و غالبا بينزل السعر عن السعر الرسمى للتوكيل و دى بتبقى طريقة الوكيل فى تخفيض الاسعار و العروض بيعملوها باسم الموزعين.
سبب وجود الموزع اساسا ان التوكيل مثلا ميقدرش يفتح فى كل حتة فى مصر بسبب التكلفة فبيكون عنده مثلا موزع معتمد فى الاسماعيلية مثلا (المحافظات يعنى ) و فى نفس الوقت الموزع بيبقى عنده فرع او اكتر فى مناطق التوكيل ملوش فروع فيها .