ممكن ارائكم في الريو

[نور القمر]

ممكن اعرف ارائكم في الكيا ريو
من ناحية اسعار قطع الغيار
هل هي رخصية ولا غاليه
ومتوفرة ولا صعب الحصول عليها
محتاجة ميكانيكية متخصصين ولا سهلة الصيانة
استهلاك البنزين
الثبات

هل هي الافضل ولا سيفيا ولا هيونداي اكسنت

[aliabutaleb]

على ما أتذكر العربية كانت مع ابو عبد الرحمن وكنزي (كريم منير)
هو من أفضل الناس اللي ممكن يكلموكي عنها

[lord23]

انا لسة شاري كيا ريو موديل 2003امبارح العربية بصراحة ممتازة
اما عن قطع الغيار والصنايعية لسة مجربتش حد

[ahmed1981]

الريو والنيو أكسنت سيارة واحدة نفس الشاسيه ومشتركين في أغلب الأجزاء
لكن تتميز النيو أكسنت بأنها أرخص وموتورها أكبر

[نور القمر]

انا لسة شاري كيا ريو موديل 2003امبارح العربية بصراحة ممتازة
اما عن قطع الغيار والصنايعية لسة مجربتش حد

ربنا يبارك لك فيها
ممكن اعرف سعرها كام وحالتها ايه علشان اخد فكرة

[نور القمر]

الريو والنيو أكسنت سيارة واحدة نفس الشاسيه ومشتركين في أغلب الأجزاء
لكن تتميز النيو أكسنت بأنها أرخص وموتورها أكبر

انا اقصد الاكسنت القديمة مش النيو اكسنت
ومن ناحية الشكل الاتنين قريبين من بعض وعاجبني
ياترى رأيك بالنسبة للاكسنت نفسه بالنسبة للنيو اكسنت ؟

[ezzatfox]

لو هتشترى مستعمل يبقى النيو اكسنت احسن اختيار
اولا قطع غيارها رخيصة جدا و فى كل مكان و اى صنايعى ممكن يشتغل فيها
ثانيا: سهولة و سعر اعادة بيعها حلو جدا و لا يقارن بالريو او السيفيا
ثالثا : ناعمة جدا و استهلاكها فى البنزين حلو
عيبها انها خفيفة و ثباتها مش حلو اوى بعد 100 كم

[Karim_Monir]

يا عزت نور القمر بتتكلم عن الاكسنت القديمة مش النيور
والريو القديمة والسيفيا
بصي يا نور
الريو القديمة 2001 كان فيها شوية مشاكل كدة في الفرامل والطنابير والتكييف ضايع
غيرو الشكل من 2002 و 2003 بقي احلى شوية واداء افضل بس التكييف على ال 1300 ضعيف شوية
ريو 2004 و 2005 حلوة جدا وفي منها موديلات 1500 جميلة وتحفة
--------
سيفيا العربية دي حكاية خاصة الكوري موديل 99 واول ال 2000
في موديلات 2000 منها مصري لغاية 2003 ومن 2003 بدا تصنيع الاسبكترا المصري لغاية 2004 لغاية ماتوقفت
السيفيا 1500 موتور 2 كامة على 16 صباب سحب حلو جدا وقطع غيار مش غالية قوي واي حد بيفهم اسيوي بيشتغل فيها ما عدا حاجات بسيطة في الموتور بتحتاج ظبط كمبيوتر لكن غير كدة عربية كبيرة وعائلية وصالونها واسع وشكلها شيك جدا
اللاكسنت القديمة مابحبهاش اطلاقا
صاج ضعيف جدا موتور زبالة (1300) ولو حطيت علية تكييف كانك راكبة توكتوك ولا هاتطولي تكييف ولا هاتطولي حركة
كانك رابطة فيها توبيس
ال 1500 معقولة شوية
صالون فقير جدا وتابلوة بيشقق ودايما تلاقي حالتها تعبانة جدا وعفشتها في الضياع

لو في اي اسئلة تاني قولي

[ezzatfox]

اسف انا قصدى الاكسنت القديمة مش النيو اكسنت