خلاصة الكلام فى موضوع الكورى .....

[M.ABDEEN]

كلامكوا كله مظبوط يا جماعة ليه في ناس بتستخف باالكوري ويقولوا وهما بيمصمصوا شفايفهم دي عربية كوري!!!!!ولازم وان شاء الله بكرة هيطبقوا مثل وكام من تلميذا فاق استاذه؟؟؟؟؟؟؟وياريت تتدخلوا قسم المقارنات وتشوفوا الهجوم ده وخاصة على السيراتوا وبيخلوا الواحد يرد ردود مش عايز يقولها واسف على الاطالة

[TeMoON]

انا مع احترامى لكل شخص بيقول على الكورى حلو اوى او كويس جدا وكل واحد بيقول ان الكورى وحش اوى او وحش جدا انا شايف ان الكورى عربيات فى فئة المتوسط او فوق المتوسط بمعنى انها عربيات جميلة جدا وتنفع شاب وعائلة وتنفع بنت وتنفع ام وتنفع كل شخص وفى نفس الوقت سعرها الى حد ما نسبى كويس جدا يعنى انا عن نفسى بعشق حاجة اسمها المانى وبالذات فلوكس واجن بس ما اجيش اقول على الكورى وحش لان الكورى عربية ليها احترامها بس انا بالنسبالى هيونداى دى متسقطة من حساباتى ولو اداونى فلوس عشان اركب هيونداى انا مش راكبها نظرا لاونكل غبور والى عاملة فى عربياتة بعكس الكيا انا من زمان من سنة 2001 و 2002 وقبل كدا وانا مقتنع بالكيا لانى عارف ان كيا عربية جميلة جدا بس هى اذواق بس التعصب فى الرأى دا الى مش حلو ولانى مقتنع بالكيا انا كان معايا بيجو 406 بعتها وحاليا حاجز نيو سيراتو لانى شايفها عربية عملية جدا وجملة جدا وتنفعنى وانا شاب وتنفعنى وانا متزوج وتنفعنى فى جميع الحالات لان العربية متعددة الاستخدامات وانا بقولها كلمة عصر كوريا قادم اى زمن السيارات الكورى قادم وبقوة والى مش عاجبة يخبط دماغة فى الحيط دا امريكا الى اسمها امريكا ناس كتير فيها بتتجة للكورى فا الحياة حلوة

[sswalid]

كلامكوا كله مظبوط يا جماعة ليه في ناس بتستخف باالكوري ويقولوا وهما بيمصمصوا شفايفهم دي عربية كوري!!!!!ولازم وان شاء الله بكرة هيطبقوا مثل وكام من تلميذا فاق استاذه؟؟؟؟؟؟؟وياريت تتدخلوا قسم المقارنات وتشوفوا الهجوم ده وخاصة على السيراتوا وبيخلوا الواحد يرد ردود مش عايز يقولها واسف على الاطالة

يا باشا الناس مش بتقول يباني والماني من فراغ . الناس دي جربت
وعرفت الفرق ..الي هو اصلا واضح...حتي لو الكوري اتحسن
شويه فدا مش معناه ان الالماني والياباني مش بيتحسن بردو

وهيفضل الالماني الماني .والياباني ياباني . والكوري كوري

والمصري هيفصل يفتي ويقول الكوري افضل من الالماني من غير ما يجرب ولا يعرف الفرق .. اهو الفتي بس الي احنا فالحين فيه
.وخصوصا حضرتك طبعا .......
:POINTI~2[2]:

[zocor742]

من الاخر كدة الكورى مش سيىء للدرجة الى الناس بتهاجمة بية ولو وحش كانت الصناعة الكورى وقعت على مستوى العالم حد يقنعنى لو الكورى وحش كان هيتباع فى اوروبا وامريكا ازاى ونسبة العربيات الكورى عندهم مش صغيرة اعتقد ان الناس دى مش بتجيب اى حاجة
بس هو الشعب المصرى غريب شوية ولما بياخد على حاجة مش بيعرف يغيرها
انا عن نفسى كنت قلقان قبل مشترى عربية كورى بس لما جيت حسبتها لقيت ان قطع غيرها مناسبة والصيانة سهلة واعادة البيع بردو سهلة وانا كدة مش بعيب فى الالمانى ولا اليبانى بالعكس هما احسن بردو بس كل واحد حسب احتياجاتة ومقدرتة

[kareemhisham]

يا باشا الناس مش بتقول يباني والماني من فراغ . الناس دي جربت
وعرفت الفرق ..الي هو اصلا واضح...حتي لو الكوري اتحسن
شويه فدا مش معناه ان الالماني والياباني مش بيتحسن بردو

وهيفضل الالماني الماني .والياباني ياباني . والكوري كوري

والمصري هيفصل يفتي ويقول الكوري افضل من الالماني من غير ما يجرب ولا يعرف الفرق .. اهو الفتي بس الي احنا فالحين فيه
.وخصوصا حضرتك طبعا .......
:POINTI~2[2]:

ان بس عايز اقول لحضرتك على حاجة ,, احنا فى الموضوع دة بنقول ان الكورى عربيات كويسة و زاى الفل و متستهلش الهجوم العليها ,, مش انها احسن من الالمانى
الالمانى طبعا صعب تنافسوا شركة بالنسبالو لسا طالعة اول امبارح

[M.ABDEEN]

يا باشا الناس مش بتقول يباني والماني من فراغ . الناس دي جربت
وعرفت الفرق ..الي هو اصلا واضح...حتي لو الكوري اتحسن
شويه فدا مش معناه ان الالماني والياباني مش بيتحسن بردو

وهيفضل الالماني الماني .والياباني ياباني . والكوري كوري

والمصري هيفصل يفتي ويقول الكوري افضل من الالماني من غير ما يجرب ولا يعرف الفرق .. اهو الفتي بس الي احنا فالحين فيه
.وخصوصا حضرتك طبعا .......
:POINTI~2[2]:

برده هو زمن الكوري واللي مش عاجبه ايه..............كمل حضرتك:POINTI~2[2]:

[TeMoON]

]ا جماعة الموضوع مش حوار كورى او المانى او يابانى او حتى صينى هو الحوار ان العربيات الكورية بدأت تنتشر فى العالم كلة ودى خطوة كويسة لانها عربية سعرها معقول ماينفعش نقارن الكورى بالالمانى او الامريكى لان دى عالم قديمة فى صناعة السيارات والالمان بالذات هما اصحاب السيارات المعمرة الاولى فى العالم هما واليابانين فا الكورى مش هنقول انة احلى من الالمانى واليابانى وانما هنقول هو الى بعدهم فى المرتبة عالطول لان مش هنعطى لكل شيئ حجم اكبر من حجمة يا جماعة الالمان ومعاهم الامريكان التوب على مستوى العالم فى السيارات واليابانين حاليا يتساو فى التكنولوجيا حاليا والكفاءة مع الالمان من حيث التكنولوجيا والكفاءة وقوة التحمل فا كل واحد يعرف هو بيتكلم ازاى لان دى خبرة سنين انا هقول حاجة اغلب الناس تايه عنها زمان كان فى قوة تحمل ومتانة وخدمة شاقة لسيارات وكانت العربية حديد فى حديد( بيجو 504) وكانت تفتقر لتكنولوجيا والتكنولوجيا كانت متاحة فى العربيات الفاخمة فقط زى السنسر بارك والتكيف التاتش (مرسيدس) الكلام دا كان زمان ياااااااه قمة التكنولوجيا انما دلوقتى التكنولوجيا متوفرة فى كل العربيات حتى الصينى فا المطلوب هنا ان الكورى يثبت كفائتة فى المتانة والتحمل والخدمة الشاقة زى الالمانى والامريكى واليابانى

[TeMoON]

دا رأى الشخصى وانا مقتنع بية