سؤال ضرورى من اهل الخبرة فى الريو يا اهل الكيا

[eng.octooo]

انا كنت عاوز اجمع شوية معلومات عن الريو لابن عمى لانة ناوى عليها وعاوز منكم استفسار

هوة العربية ال2009 الكاملة الاوتوماتيك بكام وكماليتها بالضبط اية ؟

وثبات العربية معاكم عامل اية ؟
وصوت الموتور وعزل الهواءو التكييف؟عاملين اية؟
وعموما هوة لسة صغير ومراتة وبنتة 5 سنين
اية رايكم انة كل هيوم هايروح من اكتوير لمدينة نصر علشان الشغل بتاعة
اية رايكم العربية هاتنفع معاة ولا اية ؟

ومعلش تقلت عليكم اوى بس انتم قدها

[tamohsen]

ياريت حد يفيدنا

[max_ziro]

اظن انها عربية كفائتها عالية و تستحمل كل دة و متورها قوى و موفر و ثباتها جميل
استنى حد تكون معاة عشان يرد عليك اكيد هيكون افضل منى ...

[د.أحمد سمير]

انا كنت عاوز اجمع شوية معلومات عن الريو لابن عمى لانة ناوى عليها وعاوز منكم استفسار

هوة العربية ال2009 الكاملة الاوتوماتيك بكام وكماليتها بالضبط اية ؟

وثبات العربية معاكم عامل اية ؟
وصوت الموتور وعزل الهواءو التكييف؟عاملين اية؟
وعموما هوة لسة صغير ومراتة وبنتة 5 سنين
اية رايكم انة كل هيوم هايروح من اكتوير لمدينة نصر علشان الشغل بتاعة
اية رايكم العربية هاتنفع معاة ولا اية ؟

ومعلش تقلت عليكم اوى بس انتم قدها

ثبات العربية ممتاز حتى 170 كم .. وجابت فعلاً فوق 200 لكن بعد 170 بيقل الثبات بشكل ملحوظ
صوت الموتور معقول جداً بالمقارنة بعربيات أعلى منها في الفئة والسعر .. وعموماً فهو ينتمي للمحركات الهادئة طالما في وضع تشغيل 8 صباب يعني تحت 3.5 RPM لكن فوق كدة صوته بيعلى بشكل ملحوظ جداً للتحول للأداء الرياضي
أحلى حاجة فيها فعلاً العزل .. أكثر من ممتاز
التكييف بيأثر على موتور المانيوال اللي معايا حوالي 10% إلى 15% من قدرته .. ومش هاقدر أفيدك كتير في هذه النقطة لأني باشغل التكييف البارد صيف وشتا لأني لا أطيق فتح الشبابيك للصوت والأتربة

مشوار صاحبك ده هو مشواري بمعدل 3 ايام في الأسبوع تقريباً من زهراء مدينة نصر حيث أسكن حتى مدينة السادس من أكتوبر ..
فلا تقلق ..
تقبل خالص مودتي

[eng.octooo]

gشكرا على الرد يا د:احمد ورنا يجعلة فى ميزان حسناتك

[د.أحمد سمير]

شكراً ليك وأنا في الخدمة تجاه اي استفسار آخر
تقبل خالص مودتي

[bondok1978]

ااالاخ العزيز د/احمد يعني رايك الريو احسن من الاكسنت , ويا ريت تكلمنا على استهلاكها في البنزين

[د.أحمد سمير]

رأيي الشخصي إن الريو أحسن من الأكسنت لسببين :
الأول : فرق الشكل .. بحس الريو شكلها أجمل وأفخم وأكثر تناسقاً .
الثاني : الوكيل .. محمد نصير أحسن من غبور ..
وعموماً العربيتين نفس الموتور والشاسية وكل حاجة فيهم واحدة .. بس الفارق إن الريو فيها 1400 والأكسنت 1600

استهلاك البنزين مع تشغيل التكييف بتعمل حوالي 270 كم في الصفيحة يعني في ظل الزحام والتوقفات المستمرة (لأن أغلب طرقي طوالي بنسبة 70 % تقريباً ) يبقى حوالي 240 كم في الصفيحة وأعتقد إن ده استهلاك معقول جداً ..
تقبل خالص مودتي