السنيو سيراتو ولا الاسكودا الاي 4

[marawansabry]

انا عارف ان دا منتدي كيا بس عايز رأيكم بصراحة ايهما احسن النيو سيراتو ولا الاسكودا الاي فور

علما بان النيو سيراتو اوبشن اكتر (اوتوماتيك ، 2 ايرباج ، بارك سنسور ) بينما الاي فور مفيهاش الكلام دة ومانيوال كمان وممكن تبقي اخر سنة ليها السنة دي بس تتميز (مثبت سرعة ، ثبات واعتمادية عالية ، قوة صاج) وبرضة عربية تشيكي بتكنولجيا الماني

علما بان سعرهم تقريبا في نفس الرنج
يعني النيو سيراتو (اوتوماتيك ، اي بس اس ، 2 ايرباج ، بارك سينسور ،....) بحوالي 116 الف
والاوكتافيا الاي فور (مانيوال ، اي بي اس ، واحدة ايرباج ، مثبت سرعة ، مساحة خلفية ،......) بحوالي 120 الف.

[ghazy12]

انا كنت في نفس الحيرة بينهم, بس اخترت السيراتو بصراحة... و لكن الـA4 ممتازة بكل المقاييس, بس مشكلتها انها مانيوال, امكانيات أقل بكتيير, الشكل الداخلى تقليدي شوية... و بصراحة العربيات مش بس جودة تصنيع و بلاد (الماني, كوري......) لكن لازم يكون فيه عوامل أمان, رفاهيات, شكل, امكانيات......... عشان محدش جايب عربية عشان بس يشقيها طوول عمرها.... بس انت كمان لازم تكون مستمتع من سواقتها و رفاهياتها اللي بتديهالك...

ده رأي في أي عربية مهما كان منشأها.... و لو معايا فلوس اجيب الماني (بس الماني الماني, فولكس او مرسيدس او بي ام...) عمري ما هتردد ابدااااااا.... ربنا يوعدنا باذن الله و ده هدفي ان شاء الله من قبل ما اجيب السيراتو, اركب الماني بعد فتره, و في الوقت الحالي يبقى معايا عربية محترمة و فيها كل الكماليات و قوية و ممتازة و الأهم ((( متميزه جداا)))....

و ربنا يوفقك يا باشا ان شاء الله...

[M.Osman]

طبعا الأكتافيا الـa4 تحفة ... لكن قدمت اوي ... و اكيد قطع غيارها اغلى من الكيا... هي حاجة محيرة طبعا بين انك تركب عربية ألماني قديمة شوية او تركب عربية ممتازة كوري .. لسة مش مسمعة اوي بس عاجباك ... بصراحة انا لو هقدر على مصاريف الألماني هشتري الأكتافيا :) لكن السيراتوا الجديدة مغرية جدا جدا برضه ... ولك حرية "الإحتيار" !

[marawansabry]

بصراحة حاجة محيرة فعلا .. يعني تجيب تشيكي تكنولوجيا الماني .. ولا كوري بامكانيات عالية؟؟
ولو اتكلمنا على الامان .. الاتنين فيهم اير باج والاتنين فيهم اي بي اس .. يعني العملية واحدة .. بالعكس الاستبلتي في الالماني اكيد هتبقي احسن .. ولا انتم ميش معايا
هما بس مشكلتين في الاوكتافيا الاولانية انها مانيول .. والتانية انها شكلها فقير قوي

[M.Mostafa80]

انا كنت في نفس الحيرة بينهم, بس اخترت السيراتو بصراحة... و لكن الـA4 ممتازة بكل المقاييس, بس مشكلتها انها مانيوال, امكانيات أقل بكتيير, الشكل الداخلى تقليدي شوية... و بصراحة العربيات مش بس جودة تصنيع و بلاد (الماني, كوري......) لكن لازم يكون فيه عوامل أمان, رفاهيات, شكل, امكانيات......... عشان محدش جايب عربية عشان بس يشقيها طوول عمرها.... بس انت كمان لازم تكون مستمتع من سواقتها و رفاهياتها اللي بتديهالك...

ده رأي في أي عربية مهما كان منشأها.... و لو معايا فلوس اجيب الماني (بس الماني الماني, فولكس او مرسيدس او بي ام...) عمري ما هتردد ابدااااااا.... ربنا يوعدنا باذن الله و ده هدفي ان شاء الله من قبل ما اجيب السيراتو, اركب الماني بعد فتره, و في الوقت الحالي يبقى معايا عربية محترمة و فيها كل الكماليات و قوية و ممتازة و الأهم ((( متميزه جداا)))....

و ربنا يوفقك يا باشا ان شاء الله...

الكلام دا جميل بس بما انى متحيز لكل ماهو ألمانى هقلك ألمانى يعنى سكودا لأن بصراحه فى حاجات فى أسكودا معتقدش انها موجوده فى السيراتو ولوانى مكنتش عايز أقول رأيى دا الا لما أكمل تجربه عربيه صديقى السيراتو الجديده عشان أبقى محايد فى رأى ومبقاش متحيز لحاجه
والفرق مش هتلاقيه الا لو أتيحت الفرصه ليك بتجربه الأثنين
لأن الفرق بيتحس مش بيتقال بغض النظر عن الكماليات الى موجوده هنا وهنا

[kareemhisham]

اول حاجة الاوكتافيا الa4 شكلها بقا قدييييييم بالنسبة للسيراتو و مانيوال و مافيهاش اوبشنز ,, يعنى ملهاش غير ميزة واحدة و هى ان التكنولوجيا المانى و دى ان مش بعتبرها ميزة لأن التكنولوجيا قديمة و التكنولوجيا الكورى الجديدة احسن منها ,, و بعدين ليه تشترى عربيى قيتوقف انتجها السنة الجاية لما ممكن تشترى عربية لسة شكلها الجديد نازل مكملش شهر و شكل تحفة ,,
لأ و بعد كل دة الاوكتافيا اغلى ههههههه
بصراحة انا شايف ان السيراتو الاختيار الافضل و لو حضرتك اخترت الاوكتافيا الa4 يبقى بتتنازل عن الكثير من الرفاهية و الاداء ,, عشان عربية اسمها المانى بس
و ارجو انى اكون افدتك

[ahmedroustom]

أنا شايف ان الاوروبي اوروبي و الكوري كوري يعني مينفعش اقارن لان المقارنة في النهايه لصالح الاوروبي وفي الاخر دي وجهات نظر طبعاً

[ghazy12]

الكلام دا جميل بس بما انى متحيز لكل ماهو ألمانى هقلك ألمانى يعنى سكودا لأن بصراحه فى حاجات فى أسكودا معتقدش انها موجوده فى السيراتو ولوانى مكنتش عايز أقول رأيى دا الا لما أكمل تجربه عربيه صديقى السيراتو الجديده عشان أبقى محايد فى رأى ومبقاش متحيز لحاجه
والفرق مش هتلاقيه الا لو أتيحت الفرصه ليك بتجربه الأثنين
لأن الفرق بيتحس مش بيتقال بغض النظر عن الكماليات الى موجوده هنا وهنا

كلامك جميل جداا, و عارف الاحساس اللي تقصده و جربته,, بس الكلام لو على A5 هيكون الموضوع محسوووووووووووووم..... بس الـ A4 موضوع تاني, العربية قديمة و التكنولوجيا كمان قديمة... ممكن يكون فيها حاجات مش في السيراتو, و انا مقولتش ان الاوكتافياA4 وحشة ابدا بالعكس, لكن, يبقى فارق الشكل و الرفاهيات و القوة في الأداء لصالح السيراتو.. و طبعا رأيك يحترم

[TeMoON]

طبعا الأكتافيا الـa4 تحفة ... لكن قدمت اوي ... و اكيد قطع غيارها اغلى من الكيا... هي حاجة محيرة طبعا بين انك تركب عربية ألماني قديمة شوية او تركب عربية ممتازة كوري .. لسة مش مسمعة اوي بس عاجباك ... بصراحة انا لو هقدر على مصاريف الألماني هشتري الأكتافيا :) لكن السيراتوا الجديدة مغرية جدا جدا برضه ... ولك حرية "الإحتيار" !

انا اقتبست الرد دا لرد على الاخ SuccessCre8or فى ان A4 قطع غيارها غالية بالعكس العربية دى قطع غيرها من ارخص قطع غيار السيارات الالمانى فى فئتها وعن تجربة ولو على اسعار وكيل الكيا الاوكتافيا ارخص من النيو سيراتو بس دايما مش كل حاجة بنلاقيها فى العربية يعنى لو انت عاوز الماتنة وقوة التحمل وشغل غير ادمى مقابل انك هتتنازل عن بعض الكماليات والرفاهية الموجودة يبئة تختار الاوكتافيا ولو انت عاوز عربية فيها كل حاجة وشيك وجميلة وفيها كل الامكانيات بس مش بنفس المتانة والقوة وعربية كويسة وزى الفل بس مش زى الاسكودا طبعا يبئة اختار السيراتو وربنا يوفئك وتقدر تختار الى انت عاوزة وتجيب الى نفسك فية

[marawansabry]

نفس الحيرة .. بصراحة كلكم عندكم حق .. تختار المتانة ولا تختار الامكانيات العالية .. بس مينفعش نقول الرفاهية .. لان الاتنين فيهم رفاهية .. ولا اية رايكم

[kareemhisham]

نفس الحيرة .. بصراحة كلكم عندكم حق .. تختار المتانة ولا تختار الامكانيات العالية .. بس مينفعش نقول الرفاهية .. لان الاتنين فيهم رفاهية .. ولا اية رايكم

لأ معلش لو رفاهية يبقى " طبعا " السيراتو بدون كلام

[marawansabry]

معليش ممكن توضح اكتر

لأ معلش لو رفاهية يبقى " طبعا " السيراتو بدون كلام

لا معليش ميش فاهم .. هي الاوكتافيا ميش رفاهية ولا اية .. يعني اية اللي هيزيد في السيراتو عنها .. يعني العفشة في الاوكتافيا ممتازة .. الكراسي منتهي الراحة .. كرسي السواق يتم تعديل اوضاعة .. عجلة القيادة يتم تعديل اوضاعها في اربع اتجاهات .. تكييف تلاجة .. مثبت سرعة .. فوانيس غير قابلة للكسر ..

معليش مع احترامي .. ميش فاهم

[M.Osman]

انا اقتبست الرد دا لرد على الاخ SuccessCre8or فى ان A4 قطع غيارها غالية بالعكس العربية دى قطع غيرها من ارخص قطع غيار السيارات الالمانى فى فئتها وعن تجربة ولو على اسعار وكيل الكيا الاوكتافيا ارخص من النيو سيراتو بس دايما مش كل حاجة بنلاقيها فى العربية يعنى لو انت عاوز الماتنة وقوة التحمل وشغل غير ادمى مقابل انك هتتنازل عن بعض الكماليات والرفاهية الموجودة يبئة تختار الاوكتافيا ولو انت عاوز عربية فيها كل حاجة وشيك وجميلة وفيها كل الامكانيات بس مش بنفس المتانة والقوة وعربية كويسة وزى الفل بس مش زى الاسكودا طبعا يبئة اختار السيراتو وربنا يوفئك وتقدر تختار الى انت عاوزة وتجيب الى نفسك فية

شكرا للتوضيح اخي العزيز .. و اعذرني لو كنت فرضت ان الـA4 قطع غيارها غالية (انطباع اولي عن كل الألماني)

و على كدا انا رأيي اوكتافيا :)

[kareemhisham]

لا معليش ميش فاهم .. هي الاوكتافيا ميش رفاهية ولا اية .. يعني اية اللي هيزيد في السيراتو عنها .. يعني العفشة في الاوكتافيا ممتازة .. الكراسي منتهي الراحة .. كرسي السواق يتم تعديل اوضاعة .. عجلة القيادة يتم تعديل اوضاعها في اربع اتجاهات .. تكييف تلاجة .. مثبت سرعة .. فوانيس غير قابلة للكسر ..

و الهاى لاين الب126 الف بتزيد فتحة سقف و فرش جلد و تشغيل بدون مفتاح

معليش مع احترامي .. ميش فاهم

انا افهمك ,, بص انا هقولك على وسائل الرفاهية الموجودة فى السيراتو و مش موجودة فى الA4 و الموجودة فى الA4 و مش موجودة فى السيراتو

الموجود فى السيراتو و مش موجود فى الA4 :
تكييف تتش ,, طارة مالتى و جلد ,, الفتيس اوتوماتيك تيبترونيك و جلد ,, باركينج سينسورز ,, شاشة بتوضح انهى باب مفتوح و استهلاك البنزين و فاضل اد ايه و التانك يفضى ...... الخ) ,, جنوط سبور "17 (انا بعتبرها رفاهية) ,, CD changer ,, وسائد هوائية للسائق و القاعد جنبه ,, فوانيس ضباب ,, تطعيمات كروم من الداخل ,, و عجلة قيادة يتم تعديل اوضاعها ,, و الشكل العصرى الانا بعتبره رفاهية بردوا

اما بقا الموجود فى الاوكتافيا مش موجود فى السيراتو:
مثبت سرعة ,, فوانيس ضد الكسر ,, ...........................................

ياريت لو قدرت بقا حضرتك تفهمنى ازاى الA4 دى رفاهية يبقا كتر خيرك

[mido_919]

بص انت مش هتلاقي الاوبشنز الكثيرة الي في نيو سيراتو موجودة في الاوكتافيا بس هتلاقي في الاوكتافيا ثبات وامان اكثر وعمر افتراضي اعلي واعطال اقل
فانتا بقي لازم تفاضل بين ده كلوا
وانا بصراحة بتحيز للاسكودا ايه 4
عشان انا بصراحة مبحبش الكوري مع احترامي لكل الي راكبينه بس انا مبحسش بحلاوة القيادة غير في الالماني