كيا سيراتو ....مازدا3 2010 * المنافسة القادمة*

[Eng.Sameh]

المازدا ممكن تكون احلي شكلا

بس هاي ما بيمنع ان النيو سيراتو شكلها يجنن

اكيد لما المازدا تنزل هتنزل اغلي بكتير من النيو سيراتو

ساعتها الشكل لحاله مش هيكون سبب كافي اني ادفع المبلغ ده كله بالمازدا

النيو سيراتو حققت المعادلة الصعبه

سعر مناسب مقابل امكانيات و كماليات سيارات في نفس الفئه و اولهم المازدا.

و العربيه بتنافس سيارات زي الكورولا و السيفيك و طبعا المازدا في الجودة و هيدا مش رايي هيدا راي الخبراء.

موضوع كوري و ياباني و اوروبي و الكلام ده مبقاش محسوس هلا زي زمان.

الكوريين شعب قدر يصنع عربيات ممتازة قد تتفوق في بعض الاحيان علي مثيلاتها اليابانية في نفس الفئة.

ممكن ناس تانية تقول ان لا طبعا و مش ينفع و كيف ممكن نقارنها بالمازدا او السيفيك علي سبيل المثال.

بس احب اقول ان العربيه هتديني نفس اللي هيديهوني اي عربيه من هادول.

و اسفه جدا فرق السعر ما يستاهل اني اشتري هاي او هاي او غيرهم.

لان مصر حرام تشتري فيها عربيه بالمبالغ دي و كفايه التخبيط و البلاعات و الشوارع الغير ادمية اللي بنتعامل معاها.

النيو سيراتو متل ما قلت حققت المعادلة

و كفايه الوكيل المحترم اللي كل ملاك كيا بيشكروا فيه

و تغور المازدا من وش وكيلها.

إيه الحلاوة دي
والله أنا خايف تكوني مصدقة نفسك

[kareem_aljamal]

في رأي المتواضع mazda3 اجمل بس لازم نستنى عليها برده و نقارن بعد ما نشوفهم الاتنين في الشوارع
مين هتستنى و مين هتنتشر اكتر
:k47:

[Bossy_Fadl]

إيه الحلاوة دي
والله أنا خايف تكوني مصدقة نفسك

ايه الحلاوة دي؟

و مصدقه نفسك؟

طيب نبدأ من الاول بقي

اولا هي اسمها "حضرتك مصدقة نفسك" و انا ما سمحت لحضرتك ترفع التكليف.

ثانيا مش ينفع خالص تكلم عضوة بنت و تقولها ايه الحلاوة دي حتي و لو بتريقه علي الكلام عشان هاد ما يصحش.

و لو انا غلطانه ياريت السادة الاعضاء يقولولي.

ثالثا مش معقول ابدا حضرتك علطول ماشي ورا اي حد بيمدح في النيو سيراتو تقوله

انت مصدق نفسك هههههههههههههههه

انتي مصدقه نفسك ههههههههههههههه

اولا انا مش فاهمه شو اللي يضحك بالموضوع

ثانيا اللغة العربيه ثريه بالمفردات و فيها كلمات و جمل كتير اوي غير انت مصدق نفسك و انتي مصدقه نفسك.

في الموضوع اللي فات لما قولت لحضرتك انو ياريت الاسلوب يكون اهدي من هيك شوي قولتلي كل واحد يلزم حدوده و انا سكتت و مارديت مع اني بالاصل ماني شايفه حالي غلطانة.

لكن عيب بقي يبقي الحجر علي الافكار و علي الاراء بهاي الطريقة.

الحوار مع الاعضاء يكون باسلوب متحضر و كويس عشان حتي الناس تحترم وجهة نظر حضرتك مهما اختلفوا معاك.

لكن موضوع انتي مصدقه نفسك هههههههههه ده مش ينفع خالص.

الناس بكل الاقسام صايرين يختلفوا مع بعض و كل واحد يدافع عن سيارة هو بيفضلها لكن الاستهزاء ما بيوصل لهاي الدرجة ابدا.

كل واحد حر برأيه و انا ما قارنت المازدا ب 128

المقارنة بعربيه ليها اسمها و بررررررررررررررررررضه بتنافسها و معاها في نفس الفئة شئنا ام ابينا.

يبقي شو لازمته هالاسلوب يالي ما بنكسب كلنا من وراه اي شي غير الخلافات؟

ارجو مراعاه اسلوب حضرتك في الرد علي الاعضاء و تقبل وجهات نظر الاخرين مهما كانت غير محتمله من وجهة نظرك.

و انا ماني جايه اتخانق بالموضوع و ما راح احكي اكتر من هيك عشان الموضوع ده بتاع دكتور احمد سامي و انا بحترم الانسان ده جدا و بعتبره اخ كبير و مش مستعده احوله موضوعه في اتجاه تاني ماله داعي.

و لو انا غلطانه بشي ياريت حد يوجهني عشان اعتذر للبشمهندس سامح

وفقنا الله جميعا لما يحبه و يرضاه

[enas75]

بصراحه يابشمهندس سامح الموضع زاد قوي من جهه حضرتك
هجومك علي العربيه غير منطقي .....بتهاجمها وانت لا سقتها ولا تعرف عنها حاجه
وسبق وقولت لحضرتك ماينفعش تقييم عربيه مامشيتش جوه مصر اقل من سنه
وزعلان قوي انها بتقارن بالمازدا.....
ومكدب كل اللي يقولك حاجه عن المازدا وتتهمه بانه لاركبها ولا جربها وفي نفس الوقت بتهاجم عربيه تانيه انتا لا ركبتها ولا جربتها
لا و كمان معتبر كل اللي جايبها رامي فلوسه في الارض .....يبقي ده معناه ايه
مش معني العربيه مش عجباك انك تهين اللي بتعجبه......
من غير زعل ....كل الناس اتكلمت بمنطق العربيه عجباه و لا لا وفيه اللي حدد اتجاهه من الاول انها كوري وهو بيحب الياباني
لكن اللي عمال يتلكك ويحاول يصتدلها عيوب وهي من شركه محترمه جدا ثبتت قدراتها علي التفوق يبقي ملوش مبرر
ولا انت العربيه بتلعب في عقلك الباطن وبتحاول تثبت لنفسك ان اختيارك للمازدا هو الاحسن وان مافيش حد يقدر ينافسها وخلاص باهانه اي عربيه والسلام ومحاوله جعل مميزاتها اي كلام وان اللي راكبنها ما بيفهموش في العربيات وخلاص
بالهداوة ياباشمهندس.....في الاول والاخر مصنعوش العربيه اللي ما يختلفش عليها اتنين....واللي تعجب الكل...والا كانت شوارع العالم مشي فيها ماركه واحده.....وارجو تقبل كلامي بهدوء ومتخليش حد يزعل منك علشان خاطر عربيه انت بنفسك حيجيلك يوم وترميها علشان الاحسن منها

[Eng.Sameh]

إخواني وأخواتي الأعزاء ، أنا مش عارف ليه انتو متخيلين أني بهاجم العربية بدون داعي أو انهي بهاجمها أصلاً ، ورغم أني فسرت وجهة نظري كتير بس بردو الناس مش عارف بتنسى ولا مش عاوزة تاخد بالها ولا ايه ، وعموما هشرح تاني عشان خاطر سيادة معالي الأستاذة بوسي ، والأخت الفاضلة ايناس...

أولا : الأخت ايناس مصرة أني معرفش عنها حاجه رغم أني قلت أكتر من مره اني شوفتها معرضين ، وقعدت في العربية وفصصتها وسوقتها كمان ، أينعم مسافة قليلة بس سوقتها ،

ثانياً : أنا مش بقيم العربية ومحدش ممكن يقيمها أصلا دلوقتي غير لما تقعد فترة شغالة زي ما حضرتك تفضلتي ، ولكن أنا وجه انتقادي يتلخص في ، أن خاماتها الداخلية سيئة جدا من وجهة نظري ، والجودة العامة للسيارة لا ترتقي للسيارات التي تقارنوها بها ، ومش معنى أنها نازلة بسعر أكثر من قيمتها بكتير أنها خلاص بقت في نفس مستوى السيارات دي ، بل العكس ، كونها نازلة بسعر اقترب من سيارات لها اسمها ومعروف مدى جودتها العالية وتقييماتها ممتازة في كل الدنيا ، فده يخلي الناس تاخد بالها أن الواحد لو زود فرق فلوس بسيط نسبيا هياخد جودة أعلى بكتير ( ودي بؤرة وجهة نظري )

ثالثاً : العربية فعلا زي ما قلت قبل كده كانت من ضمن اختياراتي ،بس ده من الصور وقبل ما أشوفها على الحقيقة وقبل ما أعرف سعرها ، ولما شوفتها بصراحة معجبتنيش خالص ، وكمان لقيت سعرها كتير قوي عليها ، فقلت كده أنا اللي هورفره مش مستاهلل وأشتري حاجة تستاهل تمنها حتى لو هزود شوية ، واهو ابقى ركبت عربية من الآخر، وده بالنسبالي مش محتاج اني اثبته لنفسي ولا متردد فيه وشايف انو حقيقة ساطعة ، وده اللي مخليني بحاول انصح الناس بدل ما يندمو بعد كده ، يمكن الفرق يكون كبير للناس اللي هيشترو الفئة الأولى مثلا ، لكن اعتقد انه قليل للناس اللي هيششترو أعلى فئة ، وبردو ممكن أكون مخطئ ويكون الفرق بالناسبة لبعض الناس كبير ، وفي النهاية كل واحد بيشتري على قد ميزانيته ، بس على الأقل ميحاولش يصور لنفسه أو لغيرة أن العربية تضاهي العربيات اللي معروف أنها افضل منها في كل حاجه ، وده عشان بس المنتدى ميتحولش ويبقى كل واحد بيدافع وخلاص عن عربيته ومصورها أفضل من اي حاجه ، ويفتقد المنتدى للحيادية والتقييم اللي بيفيد ناس كتيرة معندهاش خبرة كافية وبتسترشد بالمنتدى في أخذ القرار

وأخيراً : أرجو أن وجهة نظري تكون واضحة وميكونش فيه أي لبس ، لأني ببساطة لا هيفدني ولا هيضرني ان حد يشتريها ، ولا عاوز أزعل حد ولا يمكن أن اتعمد اهانة أي حد لأني بعتز بكل عضو في المنتدى وبحب المنتدى أصلا جدا ، فياريت الناس تاخد كلامي بحيادية وهدوء ، وألا يتحول الأمر الى صورة صراعية أو عداء،
وألف مبروك لكل واحد على أختياره

[Bossy_Fadl]

انا لا معالي استاذه و لا شي يا بشمهندس سامح

انا اختكو الصغيره و باعتبر المنتدي كله من اكبر فرد لاصغر فرد اخواتي و الله عالم

بس الاسلوب ضايقني و انا طبعي مش باعرف اخبي اللي بقلبي و لازم اقول اي شي مضايقني

حضرتك ياريتك اتناقشت بنفس الاسلوب من البداية و متل ما قلت لحضرتك برغم انك معارض للعربيه لكن اسلوب حضرتك اهو هادي و بعيد عن المشاكل.

يبقي متل ما قالت ايناس مش لازم ابدا نزعل من بعض عشان حته حديدة حضرتك ربنا يديك طوله العمر و بيجيلك يوم بترميها و بتجيب الاحسن منها ان شاء الله.

و ربنا يهدينا و يوفقنا جميعا

[TeMoON]

الى الاستاذ سامح(justs)
انا عاوز اقول حاجة بخصوص الموضوع دا ان لولا اختلاف الاذواق لبارت السلع ما فى ناس بتروح تدفع فى الكاميرى نص مليون جنية وهى عجباها وفى ناس تانية بتدفع مليون جنية على بى ام ومرسيدس وجاجوار يعنى اروح اقول لصاحب الكامرى لا اشترى بى ام او مرسيدس احسن واقيم وانضف عشان المانى لا دى اذواق وكل واحد حر يا بشمهندس سامح انا متابع مناقشاتك وفيها جانب من الشدة بخصوص النيو سيراتو وردك الاخير عجبنى لان انت اتكلمت فية بهدوء ووضحت وجهة نظرك بس هجومك كان شديد شوية على العربية انا اساسا لا بحب الكورى ولا بحب اليابانى بس شفت النيو سيراتو وعجبتنى وحجزت واحدة لهدف فى دماغى ولانى كنت محطوط فى فى اختيار صعب فا كانت هى افضل الاختيارات يعنى كل واحد ادرا بظروفة والعربيات دى اذواق بس انت ردك الاخير كان منطقى جدا وربنا يباركلك ياباشا فى المازدا وهى عربية زى الفل والنيو سيراتو عربية كويسة بردو بس من نظرى انا مش هحطها فى مقارنة مع السيفك ولا الكورولا لان دول عربيات ليهم اسمهم ولما النيو سيراتو تثبت كفائتها وتمشى كام سنة كدا كويسين ابدأ اقارن بينها وبين السيفك والكورولا والمازدا بس حاليا ما ينفعش نعيب فى العربية وانت بتقول العربية ضيقة انا بقولك لا ياباشا انا ركبت عربيات واسعة وضيقة كتير وبقولك العربية دى واسعة مش ضيقة زى ما انت بتدعى والخامات فى المعقول مش وحشة زى ما انت بتقول فا ياباشا اتمنى انى اتعرف عليك وتكون معرفة خير وانا اسف انى ادخلت فى الموضوع واسف على الاطالة واتمنى انك تتقبل كلامى واسف لتدخلى تانى

[Eng.Sameh]

الى الاستاذ سامح(justs)
انا عاوز اقول حاجة بخصوص الموضوع دا ان لولا اختلاف الاذواق لبارت السلع ما فى ناس بتروح تدفع فى الكاميرى نص مليون جنية وهى عجباها وفى ناس تانية بتدفع مليون جنية على بى ام ومرسيدس وجاجوار يعنى اروح اقول لصاحب الكامرى لا اشترى بى ام او مرسيدس احسن واقيم وانضف عشان المانى لا دى اذواق وكل واحد حر يا بشمهندس سامح انا متابع مناقشاتك وفيها جانب من الشدة بخصوص النيو سيراتو وردك الاخير عجبنى لان انت اتكلمت فية بهدوء ووضحت وجهة نظرك بس هجومك كان شديد شوية على العربية انا اساسا لا بحب الكورى ولا بحب اليابانى بس شفت النيو سيراتو وعجبتنى وحجزت واحدة لهدف فى دماغى ولانى كنت محطوط فى فى اختيار صعب فا كانت هى افضل الاختيارات يعنى كل واحد ادرا بظروفة والعربيات دى اذواق بس انت ردك الاخير كان منطقى جدا وربنا يباركلك ياباشا فى المازدا وهى عربية زى الفل والنيو سيراتو عربية كويسة بردو بس من نظرى انا مش هحطها فى مقارنة مع السيفك ولا الكورولا لان دول عربيات ليهم اسمهم ولما النيو سيراتو تثبت كفائتها وتمشى كام سنة كدا كويسين ابدأ اقارن بينها وبين السيفك والكورولا والمازدا بس حاليا ما ينفعش نعيب فى العربية وانت بتقول العربية ضيقة انا بقولك لا ياباشا انا ركبت عربيات واسعة وضيقة كتير وبقولك العربية دى واسعة مش ضيقة زى ما انت بتدعى والخامات فى المعقول مش وحشة زى ما انت بتقول فا ياباشا اتمنى انى اتعرف عليك وتكون معرفة خير وانا اسف انى ادخلت فى الموضوع واسف على الاطالة واتمنى انك تتقبل كلامى واسف لتدخلى تانى

يا باشا اتدخلت ازاي ، ده احنا هنا كلنا اخوات ، والهدف في الأول والآخر ان احنا نفيد بعضنا ، وكلامك فيه كتير من العقلانية وأهلا بيك طبعا ، وحتة وسع العربية دي أنا بصراحة مقارنتهاش بحاجه ويمكن حكمي عليها كان راجع لأحساسي بالضيق وأنا جالس في العربية وده كان راجع لأحساسي الشديد بسوء الخامات ومعلش يمكن ده احساس شخصي ، أو يمكن عشان ركبت سيفيك ومازدا في نفس المعرض فالمقارنة كانت ظالمة شوية للسيراتو ، بس في كل الحوال دي وجهة نظر شخصية وممكن حد تاني يكون شايف غير اللي أنا شايفه ، وفي كل الأحوال أحنا كلنا أخوه واخوات ، وأهلاً بيك مره تانية ، مع تحياتي

[TeMoON]

متشكر ياباشا على ردك دا ياباشا واتمنى نكون اصدقاء وياريت ياباشا ما تهاجمش السيراتو اوى كدا ولو عاوز تهاجمها بشويش عشان ما تتعورش ولا يحصلها حاجة العربية لسة جديدة فى البلد ولسة ماخدتش على البلد فا بشويش عليها شوية