سحبت فلوس الحجز بتاعت النيو سراتو واستريحت نفسيا

[marawansabry]

انا كنت حاجز السيراتو الجديدة من يوم 30 مارس 2009 يعني من 41 يوم .. ودا كان تاني يوم تنزل فية العربية .. حجزت الاس اكس اللي بي 116000 اللي من غير فتحت سقف .. ورحت للتوكيل اللي في المعادي .. ومرضيتش اروح عند الموزعين .. يعني سمعت كلام ناس كتييييييييييير ان الوكيل احسن من الموزع .. ويرتني مكنت سمعت كلامهم .. المهم فضلم يقولوا الاسبوع الجاي لا الاسبوع اللي باعدة اخر ابريل لا اول مايو .. المهم اخر كلام قلوهولي اخر مايو ودا كلام برضة ميش مضمون .. الظريف ان الناس اللي كانت حاجزة بعدي من عند الوكلاء استلموا عربيتهم ومية مية وكلة تمام .. رحتلهم انهاردة وانا متغاظ منهم جدا وفي قمة ضيقي .. وطلبت اني اسحب الفلوس وفضلوا يقولوا يل فندم لية بس كدة طيب اخر مايو اخر ميعاد واصبر معانا شوية .. بس بصراحة قلتلهم اللي فية النصيب وسحبت الفلوس وقلتلهم انا خلاص قفلت من العربية دية وميش عايزها خالص .. قلتلة دانتو عملين اولوية للموزعين عن العملاء .. قلي لا طبعا اذاي يا فندم .. قلتلة امال تفسر باية ان جميع الموزعين العربية دي كانت عندهم من يوم التلات اللي فات وخلصت الجمعة والتوكيل هو الوحيد اللي معندوش .. قلي اة بس هم بينزلوها اوفر بريس .. قلتلوا امال هم اصلا جايبنها منين مهو من عندكم زز خلاص انا اشوفلي موزع يبقي اكيد مضمون عنكم .. في محمد زكي محترم في مواعيدة وفي التسليم بتاعة والحجز عندة ارخص من عندكم .. رد الراجل قلي والله انت عند حق .. اللي اتعمل مع الناس اللي حاجزة الاس اكس دة ميش مظبوط .. وقلتلة على فكرة ميش انا لوحدي اللي هعمل كدة واسحب الفلوس الناس زهقت خلاص وفقدت المصداقية فيكم ..
المهم انا اخدت الفلوس وحسيت براحة نفسية غريبة وقلت لا سيراتو بعد اليوم .. انا ميش عايز اعكنن على حد اللي جبها الف مبروك علية .. واللي حاجز ربنا يصبرة ويستلم على خير ..
بس بجد عيب قوي قوي الكلام اللي بيحصل دة من توكيل المفروض ان الناس بتقول علية انه محترم

[Eng.Sameh]

ألف مبروك

[tmedhat]

الخيرة فيما اختارها الله

[mramzy]

الف مبروك
والخيره فيما اختار الله

بينى وبينك انا مش بحب احجز خالص
ادفع استلم ميكونش ابنى على كتفى وادور عليه
ربنا يقدملك اللى فيه الخير

[Hosam_Optrawy]

قدر الله وماشاء فعل
ومعلش انت حظك كدا
واديك عرفت ان موضوع الحجز ده بيبقى انت وحظك
انت حظك جه كدا معلش
عندك البشمهندس غازى حجز نفس الفئه واستلم بقاله اسبوعين اهو
وبعد كدا ابقى هات من الموزعين المعتمدين احسن
تاخد العربيه وهى واقفه قدامك

[A.Saad]

الحمد لله
على فكرة اسال عند محمد زكى
هما عندهم مصدقية شوية وبيتهيالى انهم مش بيعملوا اوفر برايس
ويا ريت تكلم استاذ هانى اللى فى فرع المعادى لانه انسان محترم

[marawansabry]

الحمد لله
على فكرة اسال عند محمد زكى
هما عندهم مصدقية شوية وبيتهيالى انهم مش بيعملوا اوفر برايس
ويا ريت تكلم استاذ هانى اللى فى فرع المعادى لانه انسان محترم

انت فعلا عندك حق محمد زكي ناس محترمة وعندهم مصداقية .. وانا فعلا كلمتهم وكان عندهم عربية اس اكس سودة .. بس كان لازم الدفع في ساعتها .. وكنا بالليل والفلوس ميش جاهزة وكمان كنت سايب لسة المقدم عند كيا .. يعني من غير حجز ولا غيرة ولو كنت عايز اشتري في سعتها وفلوسي كانت جاهزة كنت اشتريت

يلا الحمد لله محديش بيتعلم ببلاش .. هو بس سؤال ادام همة ميش قد العربيات وميش عارقين يجبوها .. وبيدوا للناس مواعيد اي كلام .. بيعملوا كدة لية؟؟ دا غش تجاري .. يلا حسنا الله ونعم الوكيل

[marawansabry]

انت فعلا عندك حق محمد زكي ناس محترمة وعندهم مصداقية .. وانا فعلا كلمتهم وكان عندهم عربية اس اكس سودة .. بس كان لازم الدفع في ساعتها .. وكنا بالليل والفلوس ميش جاهزة وكمان كنت سايب لسة المقدم عند كيا .. يعني من غير حجز ولا غيرة ولو كنت عايز اشتري في سعتها وفلوسي كانت جاهزة كنت اشتريت

يلا الحمد لله محديش بيتعلم ببلاش .. هو بس سؤال ادام همة ميش قد العربيات وميش عارفين يجبوا العربية .. وبيدوا للناس مواعيد اي كلام .. بيعملوا كدة لية؟؟ وهيقدروا بقي ان شاء يعملو الصيانات ويفروا قطع الغيار زلا هيقولوا برضة دي في الميناء وميش عارفين يخرجوها.. دا غش تجاري .. يلا حسبنا الله ونعم الوكيل

[A.Saad]

ما تسال تانى
عند محمد زكى
19420
وفرع المعادى
23589033

[Mina W]

انا اتعمل معايا كده فى السيراتو الشكل القديم، رحت سألت على السعر و الالوان و بعد ما اتفقت على المانيول لقتيها ارخص بره التوكيل فقلت ليهم قالى خد الاتوماتيك و انا هاعمل معاك واجب وافقت و بعدها قالى مفيش اللون و كمان السعر مش هيقدر يعمل فى حاجة (التوكيل فى جليم اسكندرية) و رحت اشتريت من الطارق فى كارفور و بسعر احسن و اللون اللى عايزه كمان و اللى يزعل اكتر وقتها قالى خلص فى الشكل القديم علشان الفورتى مش هتنزل قبل 2010

على العموم الحمد لله انك خلصت بفلوسك و ربنا يوفقك لاختيار احسن

[wael_abd_ellatif]

ألف مبروك

الى justs

باين عليك بتموت فى العربية دى لدرجة جامدة اوى

هو انت معاك عربية اية علشان نعرف اية اللى بيعجب حضرتك؟

[Eng.Sameh]

الى justs

باين عليك بتموت فى العربية دى لدرجة جامدة اوى

هو انت معاك عربية اية علشان نعرف اية اللى بيعجب حضرتك؟

حاليا مش معايا ولا عربية ، لكن لو تحب تعرف اللي بيعجبني في العربيات ، فأنا بيعجبني مازدا3 ، سيفيك ، جولف ، جيتا ، اوكتافبا ، ليون ، وغيرهم ، وطبعا مش كلهم بنفس الدرجة ، بس كلهم بقدرهم جدا ، وعلى فكره السيراتو مش وحشة ولا حاجة وربنا يبارك لمالكيها فيها

[karimone]

ربنا يكرمك باللي احسن منها...

[د.محمد]

ربنا يعوضك خير

[ehabeltahan]

أغلى قطع غيار فى السوق السيارات الكيا و ممكن لاتجدها ليه مش عارف يمكن السبب نزول موديلات جديدة غير الموجودة فى السوق.أحمد ربنا و نصيحة لاتشترى سيارة كيا. أنا شخصيا عندى كيا سبكترا و دايخ على قطع غيارها وأحتمال أرميها فى النيل علشان أخلص منها.