تقييم كيا سيراتو بعد 2000 كم

[tamerasala]

انا بعد تفكير طويل ربنا كرمنى و جبت سيراتو Ex و ده تقييمى المتواضع ليها.
حابب اقولكم فى الاول انى كان معايا بيجو 206 موديل 2002 سى سى 1100 مانيوال. و الله العظيم انا حسيت بالفرق الكبير مابين الاوروبى و الكورى وانا خارج من المعرض. رغم ان عربيتى حالتها ماكانتش ممتازة و عاملة 80000 كيلو. اولا العربية ماطمنش فى الجرى بتاعها يعنى انا خفت ازيد عن 120. لو فى نقل ماشلى سريع العربية بتتهز رغم انا ده عمره ما حصل معايا فى البيجو.. انا ماسوقتش كورى قبل كده بس اللى انا متأكد منه ان الكيا احسن الكورى...
السيراتو تحفة من برة وو من جوة واسعة جدا و بصراحة ركوبة.. يعنى اللى بيخاف من الحسد مايجيبهاش عشان بتخطف العين بجد تكييفها حكاية و متحسش ابدا انه مأثر عالموتور..
حاسس ان فى مشكلة فى النقلات الاوتوماتيك بس خبرتى فى الاوتوماتيك ضعيفة فلما اروح التوكيل انشاء الله حاعرف.. صوت الموتور عالى فى الغيارات الاولى و ده ممكن متحسوش فى الموديلات الاعلى لان اللى معايا مافيهاش عزل مش عارف ليه؟
التابلوه رياضى و فيه مساحات تخزين كويسة..
العفشة معقولة مش ناعمة بس مش موذية قوى..
العربية ماطمنش فى المناورات يمكن عشان كبيرة وانا كنت متعود على سيارة اصغر بس اللى انا متأكد منه ان الاوروبى اوروبى مهما كان اسمه و الكورى كورى مهما كانت كمالياته انا مش عايزز اضايق نفسى و عرفت ليه اللى خد عربيتى كان حيموت عليها ليه كده وانا اللى مكنتش عارف قيمتها

[TeMoON]

انا بعد تفكير طويل ربنا كرمنى و جبت سيراتو Ex و ده تقييمى المتواضع ليها.
حابب اقولكم فى الاول انى كان معايا بيجو 206 موديل 2002 سى سى 1100 مانيوال. و الله العظيم انا حسيت بالفرق الكبير مابين الاوروبى و الكورى وانا خارج من المعرض. رغم ان عربيتى حالتها ماكانتش ممتازة و عاملة 80000 كيلو. اولا العربية ماطمنش فى الجرى بتاعها يعنى انا خفت ازيد عن 120. لو فى نقل ماشلى سريع العربية بتتهز رغم انا ده عمره ما حصل معايا فى البيجو.. انا ماسوقتش كورى قبل كده بس اللى انا متأكد منه ان الكيا احسن الكورى...
السيراتو تحفة من برة وو من جوة واسعة جدا و بصراحة ركوبة.. يعنى اللى بيخاف من الحسد مايجيبهاش عشان بتخطف العين بجد تكييفها حكاية و متحسش ابدا انه مأثر عالموتور..
حاسس ان فى مشكلة فى النقلات الاوتوماتيك بس خبرتى فى الاوتوماتيك ضعيفة فلما اروح التوكيل إن شاء الله حاعرف.. صوت الموتور عالى فى الغيارات الاولى و ده ممكن متحسوش فى الموديلات الاعلى لان اللى معايا مافيهاش عزل مش عارف ليه؟
التابلوه رياضى و فيه مساحات تخزين كويسة..
العفشة معقولة مش ناعمة بس مش موذية قوى..
العربية ماطمنش فى المناورات يمكن عشان كبيرة وانا كنت متعود على سيارة اصغر بس اللى انا متأكد منه ان الاوروبى اوروبى مهما كان اسمه و الكورى كورى مهما كانت كمالياته انا مش عايزز اضايق نفسى و عرفت ليه اللى خد عربيتى كان حيموت عليها ليه كده وانا اللى مكنتش عارف قيمتها

شوف يباشا ال 206 دى عربية تانية خالص العربية ى عيبها الوحيد انها فرنساوى
ثانيا الاوروبى دى عربية الى بيركبها ما بيعرفش يغيرها ولو غيرها بيتعب نفسيا حتى لو ركبت يابانى رغم ان اليابانى عربيات جميلة جدا بس الكلام دا عن تجربة وغير كدا انت اتعودت على الاوروبى وعلى الاداء العالى وال 206 دى انا معايا واحدة موديل 2002 بردو بس الحمد لله موتورها سمعنى سلام بودعك من سنتين وسقطت فيها موتور 1600 بتاع السى سى والعربية زى الفل 206 من اثبت العربيات على الطريق وفى المناورات عربية تحفة ورغم انها 1100 سى سى بس موتورها فى الشد كويس وصالونها على حجمها واسع جدا وبياخد 3 ورا مرتاحين بس حجم متوسط فا انت خلاص نزلت من اوربى لكورى فا انت هتتنازل عن بعض الاشياء مقابل اشياء تانية وغير كدا انت لما تتعود على العربية وتتمكن منها هتكون ثابتة معاك ومش هتحس بالفرق الى انت حاسس بية ناو
انا كمان حاجز نيز سيراتو ومعايا 206 وكان معايا 406 فا انا هنصحك نصيحة اقلم نفسك على العربية الجديدة عشان ما تتئفلش منها وما تحاولش تقارن بينها وبين 206 فى المميزات الى فى 206 بس افتكر مميزات عربيتك الجديدة والف مبروك وربنا يباركلك فيها لانى انا كمان متعقد من الموضوع دا لانى نازل من 406 وبقنع نفسى ومابحاولش اعمل مقارنة بينها وبين 406 واقنعت نفسى انها فعلا عربية وهقولك حاجة تانية هى 4 عجلات فا الحمد لله ان ربنا رزقنا العربيات الى تودينا وتجبنا غيرنا مش لاقى عجلة والخيرة فيما اختارت والف الف مبروك ياباشا وربنا يباركلك فيها وتشوف اسعد ايام حياتك فيها

[mragh]

ألف مبروك على العربية و شكراً على التقييم

إستمتع بيها و بلاش توجع دماغك بالمقارنة بعربيتك القديمة إلي بعتها خلاص

[sakrquraish]

206 دى عربية تانية خالص العربية ى عيبها الوحيد انها فرنساوى

لعلم خضرتك العربيات الفرنسية مش اي كلام بل تنافس الألماني ده مش كلامي بل كلام صديق الألماني

[rawdat]

معلش يا جماعة بعد اذنكم يعني ايه عيبها انها فرنساوي؟!!!
عيب سعر قطع غيار ولا صناعة ولا تكنولوجي ؟!!!

[TeMoON]

عيب الفرنساوى ان العربيات اضعف من الالمانى فى المتانة ثانيا كهربة العربية مش بتكون مظبوطة والاوتوماتيك بتاعها بيكون فية عيوب ودا عن تجربة فى 406 و 206 دا حتى الستروين السى 4 فيها مشاكل فى الكهربة والعربية بتفصل وحاجات غريبة زدا حصل ادامى على طريق الاسماعلية لما عربية ستروين سى 4 عطلت من صاحبها ورفضت انها تدور تانى

[TeMoON]

ونسيت اضيف الرينو ميجان بحساستها الكتير وعيوبها الكتير فى الحساسات

[tamerasala]

معلش يا جماعة بعد اذنكم يعني ايه عيبها انها فرنساوي؟!!!
عيب سعر قطع غيار ولا صناعة ولا تكنولوجي ؟!!!

لو حنتكلم عن البيجو تحديدا فالله يجازى الوكيل اللى ضيع العربية و سابنا لمراكزز خدمة تبيع و تشترى فينا.. و قطع الغيار غاااالية جدا وز مش موجودة تخيل موتور المساحات كان بيعلق سألت على سعره 700 جنيه غير التركيب!!
اما عن الفرنساوى عامة فمشكلته الكهرباء و التكنزولوجيا العالية جدا بتبقى عيب مش ميزة و كارتة الكمبيوتر اللى محطوطة فى مكان مكشوف و لو طالتها نقطة مية العربية بقت مجرد علبة صفيح و مش حتمشى مهما حاولت. حساسات كتير و كروت زيادة عن اللزوم..
انما كعربية الميكانيكا محترمة جدا و فعلا حمارة شغل. الحاجة فيها مش بتبوظ بسهولة و تستحمل شوارعنا الجميلة.

[Ahmed Samy]

انت اللي عملت في نفسك كده
ما حدش ينزل من الأوروبي و يركب أسيوي

[M.ABDEEN]

انت اللي عملت في نفسك كده
ما حدش ينزل من الأوروبي و يركب أسيوي

انا معاك يا باشا بس مش كل الاسيوي وحش ومش كل الاوروبي حلو وبعدين مع الحترام للزميل في الاول بيجو 206 و 1100
احسن من سيراتو 2009 و 1600 مش دفاعا عن السيراتو وخلاص لا ممكن بيجو 406 احسن ووممكن 307 ولكن لي تحفظات عليها انما مش للدرجة دي 206 طبعا ده رايه ويحترم وهي اراء بس ممكن الالماني يكون احسن عند الناس من الفرنساوي والعكس وبرده في الاسيوي ينافس بعض الاوروبي ان لم يكن فاقه مثل نيسان ماكسيما و تويوتا كامري ولكزس وهيونداي جينسيس وكيا امانا وهوندا اككوورد وفي النهاية انت اشتريت وخلاص وكبر دماغك واركب واستمتع ولا تنسى ان( صوابعك مش زي بعضها)واسف على الاطالة

[Ahmed Samy]

انا معاك يا باشا بس مش كل الاسيوي وحش ومش كل الاوروبي حلو وبعدين مع الحترام للزميل في الاول بيجو 206 و 1100
احسن من سيراتو 2009 و 1600 مش دفاعا عن السيراتو وخلاص لا ممكن بيجو 406 احسن ووممكن 307 ولكن لي تحفظات عليها انما مش للدرجة دي 206 طبعا ده رايه ويحترم وهي اراء بس ممكن الالماني يكون احسن عند الناس من الفرنساوي والعكس وبرده في الاسيوي ينافس بعض الاوروبي ان لم يكن فاقه مثل نيسان ماكسيما و تويوتا كامري ولكزس وهيونداي جينسيس وكيا امانا وهوندا اككوورد وفي النهاية انت اشتريت وخلاص وكبر دماغك واركب واستمتع ولا تنسى ان( صوابعك مش زي بعضها)واسف على الاطالة

لا مش كده

هو يقصد الإحساس بالعربية غالبا

يعني أنا مثلا كنت راكب بولو 1999 الف سي سي و مانيوال
و بعدها جبت الانسر 2002 كاملة اوتوماتيك

صحيح الانسر أكبر و أوسع و أقوى و كماليات بو عربية هايلة

بس عمري ما هاقول انها أحسن من البولو

و انت راكب البولو كان بيبقى جواك احساس كده ...مش عرف بجد

العربيات الأوروبي ليها طعم ...خاص

[tamerasala]

لا مش كده

هو يقصد الإحساس بالعربية غالبا

يعني أنا مثلا كنت راكب بولو 1999 الف سي سي و مانيوال
و بعدها جبت الانسر 2002 كاملة اوتوماتيك

صحيح الانسر أكبر و أوسع و أقوى و كماليات بو عربية هايلة

بس عمري ما هاقول انها أحسن من البولو

و انت راكب البولو كان بيبقى جواك احساس كده ...مش عرف بجد

العربيات الأوروبي ليها طعم ...خاص

111111111111111111111111

هو ده اللى انا قصدى عليه
احساس بالامان ممكن او بالثقة
على العموم انا خلاص اشتريت و ابقى ظالم السيراتو لو قلت انها وحشة بس انا كان كل غرضى ان لو حد حيغير من اوروبى لاسيوى يحاول بس يجرب قبلها يجرب عشان يكون على الاقل مرتاح نفسيا. انا سقت قبل كده برضه اوبل فكترا فعلا الموضوع مختلف الاوروبى له رونق و احساس ميحسوش الا اللى ركبه.
افتكرت واحد صاحبى اشترى لانسر بوما 1600 اوتوماتيك و بعدين لما ركب البيجو 307 بتاعة قريبه قاللى انا راكب حمارة بالمقارنة بال 307
لكن لو حنفكر بالطريقة دى بس يبقى اروح اجيب بى ام!! برضه الكورى له ميزات زى رخص الصيانة و قطع الغيار و سهولة البيع
اسف عالاطالة و ارجو تجدد المناقشة

[wisambasha]

الف مبروك ياباشا وربنا يباركلك فيها

[AmAAmAs]

الى صاحب السيراتو و 206

احساسك 100 % سليم
عربيتى ياريس اوتو و لما بركب البونتو كلاسيك منوال بتاعت اختى باحس انى شبطان فيها اكتر من الياريس (فقرئى بقى )

بس كل حاجة ليها ميزة والا طوفان الاسيوى مكنش ظهر

و مبروك على السيراتو

[anamikanike]

ممكن تقولنا جبتها منين وبكام وهل كان فى تاخير فى الاستلام ولا لا