استفسار بسيط

[ahmedkazem]

طبعا فى الاول الف مبروك لكل اللى استلم العربية وربنا يباركلو فيها
بس انا عندى استفسار بسيط بالنسبة لل sx اللى هية بفتحة سقف اللى قبل الهاى لاين علطول
هوة اية احسن سعر ليهاا والواحد يحجزها احسن من الوكيل والا موزع ومين احسن حد احجز من عندو

[Hosam_Optrawy]

سعرها الرسمى 120 الف
ومعتقدش تلاقى اقل من كدا بالعكس فى ناس بتبيع اغلى عشان تسلمك فورى
بالنسبه لموضوع الحجز ففى ناس كتير اشتكت ان التوكيل بيسلم متأخر اوى ومش ملتزم فى مواعيده
شوف موزع معتمد ممكن يسلمك بدرى شويه

[AHMED REFAT]

اخى الحبيب السيارة المفروض سرها الرسمى 120000 ولا تختلف كثيرا عن الهاى لاين الى المفتاح الذكى والفرش الجلد وارى انهما مكلفين بدون فائدة كبيرة فكثيرا منا يركب فرش للسيارة ليحافظ على فرش الفابريكة والموضة الايام دى الفرش الجلد الفاخر لسهولة تنظيفه ولقوة احتماله اما المفتاح الذكى صيانته غالية جدا اذا حدث عطل فيه لا قدر الله .. ورجوعا الى موضوعك ارى الانتظار شهر بالاكثر وسيكون السيارات متوفرة عند الوكيل لان هناك شحنات كبيرة منها فى الطريق الى مصر ولا انصحك بالخليجى لارتفاع الثمن للتسليم الفورى ولكن خصارة ضمان السيارة به مغامرة ومخاطرة كبيرة جدا فتمهل وربنا يوفقك الى ما يحب ويرضى

[ahmedkazem]

أشكر كل من اجاب على استفسارى وربنايوفق الجميع

[Ahmed Samy]

انا برضه بانصحك بالوكيل و الانتظار لو الوقت مش عامل أساسي

بس الوكيل انا كلمتهم اول امبارح وقاللي الحجز مفتوح و الاستلام بعد 3 شهور .....

فلو لاقيتها عند موزع واقفة ...يبقى حتى لو غلاها الفين جنيه يبقى شغال ...

و ربنا يوفق حضرتك للي فيه الخير

وادعيلنا نستلم بقى

[ahmedkazem]

واللة سعات الواحد بيقول كل تاخيرة وفيها خيرة حتى الواحد يكون عرف رأى الناس فى العربية عامل ازاى
هية لسة جديدة وكلو لسة بيشوف اية النظام بس انا شايف اللى اشتراها مبسوط بيها الحمد للة
ربنا يبارك طبعا للى استلم واللى لسة ان شاء اللة تستلم فى المعاد بتاعك من غير تاخير
والف مبروك مقدما